21-Mar-2021

ବଲାଙ୍ଗିର,(ପ୍ରେରଣା ଖବର) ଆଜି ସ୍ଥାନୀୟ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ କନଫରେନ୍ସ ହଲ୍  ଠାରେ ଓଡ଼ିଶା ପୁରୁଷ ଓ ମହିଳା ସ୍ୱାସ୍ଥ୍ୟ କର୍ମୀ ଓ ସ୍ୱସ୍ଥ୍ୟ ପରିଦର୍ଶକଙ୍କ ମିଳିତ ନହାସଂଘର ଏକ ଜିଲ୍ଲାସ୍ତରୀୟ ବୈଠକ ଅନୁଷ୍ଠିତ ହୋଇଥିଲା । ଉପରୋକ୍ତ ୪ଟି ସଂଗଠନକୁ ନେଇ ରାଜ୍ୟ ସ୍ତରରେ ମିଳିତ ମହାସଂଘ ଗଠନକୁ ଏଥିରେ ସମର୍ଥନ ।କରାଯାଇଥିଲା । ଏହି ବୈଠକରେ ସ୍ୱାସ୍ଥ୍ୟ କର୍ମୀ ମାନଙ୍କ ବିଭିନ୍ନ ବୃତ୍ତିଗତ ସମସ୍ୟା ଉପରେ ବିସ୍ତୃତ ଆଲୋଚନା ହେବା ସହ ଆଗାମୀ ତିନି ବର୍ଷ ପାଇଁ କର୍ମକର୍ତ୍ତା  ନିର୍ବାଚନ ଅନୁଷ୍ଠିତ ହୋଇଥିଲା । ନିଜର ବିଭିନ୍ନ ନ୍ୟାର୍ଯ୍ୟ ଦାବିକୁ ନେଇ ଆଗାମୀ ଦିନରେ ସରକାରଙ୍କ ଉପରେ ଚାପ ପକାଇବା ସହ ସଂଗଠନକୁ ତୃଣମୂଳ ସ୍ତରରୁ ସୁଦୃଢ଼ କରିବା ପାଇଁ ନିଷ୍ପତ୍ତି ନିଆଯାଇଥିଲା । ସ୍ୱାସ୍ଥ୍ୟ କର୍ମଚାରୀ ପରକ୍ଷୀତ ଜେନାଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଜିଲ୍ଲାର ବିଭିନ୍ନ ବ୍ଲକରୁ ପୁରୁଷ ଓ ମହିଳା ସ୍ୱାସ୍ଥ୍ୟ କର୍ମୀ, ସ୍ୱାସ୍ଥ୍ୟ ପରିଦର୍ଶକ  ମାନେ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ । ସବସମ୍ମତି କ୍ରମେ ପରକ୍ଷୀତ ଜେନା ଅଧ୍ୟକ୍ଷ, ସବିତା ପଣ୍ଡା ଉପାଧ୍ୟକ୍ଷ, ପ୍ରକାଶ ତାଣ୍ଡି ସଭାପତି, ସଶ୍ମିତା ଶତପଥୀ ଉପସଭାପତି, ଗୋବିନ୍ଦ ବଲ୍ଲଭ ସାହୁ ଓ ପ୍ରସନ୍ନ ସାହୁ କାର୍ଯ୍ୟକାରୀ ସଭାପତି , ରୀନା ମିଶ୍ର ସଂପାଦିକା, ମହେନ୍ଦ୍ରନାଥ କରନ ସହ ସଂପାଦକ, ଦେବାଂଶୁ ମିଶ୍ର ସାଂଗଠନିକ ସଂପାଦକ ଓ ପ୍ରସନ୍ନ ମେହେର କୋଷାଧ୍ୟକ୍ଷ ଭାବରେ ମନୋନୀତ ହୋଇଥିଲେ । ଜିଲ୍ଲା ମହାସଂଘର କାର୍ଯ୍ୟକାରୀ କମିଟିରେ କମଳିନୀ ଭଂଜ, ପୁଷ୍ପିତା ମିଶ୍ର, ସୁଦେଷ୍ଣା ସାହୁ, ଜୟନ୍ତୀ ସାହୁ, ବନିତା ବାଗ, ଆଶୁତୋଷ ଗଡନାୟକ, ସଂଯୁକ୍ତା କୁମ୍ଭାର, ଶୈଳେନ୍ଦ୍ର ରଣା, ରୀନା ସାହୁ, ସିକନ୍ଦର ଭୋଇ, ଯଶୋଧା ମାଝୀ, କର୍ଣ୍ଣ ଧରୁଆ, ସୌଦାମିନୀ ସାହୁ, ଅନୁସୟା ଦୀପ , ମନୋରଂଜନା ବାଗ, ଭଜମନ ସାହୁ, ସୁନୀତା ଷଡଙ୍ଗୀ, ଶେଷଦେବ ମେହେର, ଅଭିମନ୍ୟୁ ପଟେଲ ପ୍ରମୁଖ ରହିଛନ୍ତି ।