12-Mar-2021

ନୟାଗଡ଼ (ପ୍ରଦୀପ କୁମାର ପଣ୍ଡା) ଆଜି ପୂର୍ବାହ୍ନ ରେ ଦୁଇ ଭାଇ ନୟାଗଡ଼ ଜିଲ୍ଲା ର ଗୋକୁଳାନନ୍ଦ ପୀଠକୁ ଯାଇଥିଲେ | ସେଠାରେ ବୁଲାବୁଲି ସାରି ଅପରାହ୍ନ ପ୍ରାୟ ଦୁଇ ଟା ସମୟରେ ଫେରିବା ବାଟରେ ଦୁର୍ଘଟଣା ର ଶିକାର ହୋଇଥିଲେ | ଗଣିଆ ଥାନା ଅଧିକାରୀ ଜୟପ୍ରକାଶ ପରିଡାଙ୍କ ସୂଚନା ମୁତାବକ ନୂଆଗାଁ ବ୍ଲକ ଅଧିନସ୍ଥ ସୋରଡ଼ା ଗ୍ରାମର ଆରତ ମୂଳି ଙ୍କ ପୁତ୍ର କୁନା ମୂଳି ଏବଂ ତାଙ୍କ ଭାଇ ଶରତ ମୂଳି ଙ୍କ ପୁତ୍ର ଟୁନା ମୂଳି ଏକ ବାଇକ ଯୋଗେ ଦ୍ରୁତ ଗତି ରେ ଆସୁଥିବା ବେଳେ ଗଣିଆ ଥାନା ଅନ୍ତର୍ଗତ ପତଣ୍ଡା ଗ୍ରାମର ରୋଡ ବ୍ରେକର ଠାରେ ଭାରସାମ୍ୟ ହରାଇ ରାସ୍ତା କଡ଼ ଆମ୍ବ ଗଛରେ ମାଡ କରିଥିଲେ | ଘଟଣାସ୍ଥଳରେ କୁନା ମୃତ୍ୟୁବରଣ କରିଥିବା ବେଳେ ଟୁନା ଗୁରୁତର ଭାବେ ଆହତ ହୋଇଥିଲେ | ଖବର ପାଇ ୧O୮ ଆମ୍ବୁଲାନ୍ସ ଏବଂ ଦମକଳ ଗାଡି ଘଟଣା ସ୍ଥଳରେ ପହଂଚି ଉଭୟଙ୍କୁ ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ | ଗଣିଆ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଥିଲେ | ଟୁନା ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସାରତ ଥିବାବେଳେ କୁନା ଙ୍କ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ ବୋଲି ଶ୍ରୀ ପରିଡା ସୂଚନା ଦେଇଛନ୍ତି |