11-Mar-2021

ବୌଦ୍ଧ,ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥର ଜନ୍ହାପଙ୍କ ନିକଟସ୍ଥ ପୋଡାବଲସ ଛକରେ ବୁଧବାର ଅପରାନ୍ହ ପ୍ରାୟ ,୪ଟା ୩୦ମିନିଟ ସମୟରେ  ଜଣେ ବୃଦ୍ଧଙ୍କୁ ଗୋଟିଏ କାର୍ ଧକ୍କାଦେଇ ସେଠାରୁ ଫେରାର ହୋଇଥିବା ଜଣାପଡିଛି। ଏଥିଯୋଗୁଁ ବୃଦ୍ଧ ଜଣକ ଗୁରୁତର ଆହତ ହୋଇ ପଡିବାରୁ ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ପ୍ରଥମେ ବୌଦ୍ଧ ମୁଖ୍ୟ ଚିକିତ୍ସାଳୟ ଓ ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ସେଠାରୁ ବୁର୍ଲା ଭୀମସାର ମେଡିକାଲ କଲେଜ ହସ୍ପିଟାଲ କୁ ରେଫର କରି ପଠାଯାଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ସୋନପୁର ଜିଲ୍ଲା ସୁବଳୟା ଥାନା ଟିକିରlପଡାର ହଳଧର ମେହେର(୬୫) କୌଣସି କାମରେ ନିଜ ସମ୍ପର୍କୀୟ ଘର ପୋଡାବଲସ ଗ୍ରାମକୁ ଆସିଥିଲେ l ସେ ପୋଡା ବଲସ ଗ୍ରାମକୁ ଯାଉଥିବା ବେଳେ ଛକ ନିକଟରେ ଜାତୀୟ ରାଜପଥ ନମ୍ବର ୫୭ରେ ସୋନପୁର ପଟରୁ ବୌଦ୍ଧ ଆଡକୁ ଦ୍ରୁତଗତିରେ ଆସୁଥିବା ଓଡ଼ି ୦୫ ଏଫ ୫୪୯୭ ନଂ ବିଶିଷ୍ଟ ଏକ କାର୍ ତାଙ୍କୁ ଧକ୍କା ଦେଇ ସେଠାରୁ ଫେରାର ମାରିଥିଲା ବୋଲି ସେଠାରେ ଉପସ୍ଥିତ ଥିବା କିଛି ପ୍ରତ୍ଯକ୍ଷଦର୍ଶୀଙ୍କ କହିଛନ୍ତି। ଏନେଇ ଜନ୍ହାପଙ୍କ ଫାଣ୍ଡିରେ କାର୍ ନମ୍ବର୍ ଦିଆଯାଇଥିବା ବେଳେ ପୋଲିସ୍ କାରକୁ ଜିଲ୍ଲା ମଧ୍ୟରେ ଅଟକାଇବାକୁ ସକ୍ଷମ ହୋଇନଥିବା ସୁଚନା ମିଳିଛି l