11-Mar-2021

କଳାହାଣ୍ଡି (ସଞ୍ଜୀବ ଦାସ) ରାଜ୍ୟ ସରକାରଙ୍କ ବସ୍ତି ଆଇନ - ୨୦୧୭ ଅନୁସାରେ ପୌରପାଳିକା ଅଧୀନରେ ଥିବା ସହରବାସୀଙ୍କ ସର୍ଭେ କରାଯାଇ ଥଇଥାନ କରିବାକୁ ବ୍ୟବସ୍ଥା ନିୟମ ରହିଥିବା ବେଳେ ଏକ୍ଷେତ୍ରରେ ଭବାନୀପାଟଣା ସହରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି।
 ଭବାନୀପାଟଣା ପୌରପାଳିକା ଅଧୀନରେ ଥିବା ସମସ୍ତ ୨୦ ଗୋଟି ୱ୍ଵାର୍ଡରୁ ଅଧିକାଂଶ ୱ୍ଵାର୍ଡ ବାସୀଙ୍କ ସର୍ଭେ କରାଯାଇ  ପୌରପାଳିକା ଦ୍ଵାରା ସମସ୍ତ ପ୍ରକାର ଆନୁଷଙ୍ଗିକ ସୁବିଧା ପ୍ରଦାନ କରାଯାଉଛି। କିନ୍ତୁ ବିଡ଼ମ୍ବନାର ବିଷୟ ପୌରପାଳିକା ଅଧୀନରେ ଥିବା  ୧୮,୧୯,ଓ ୨୦ ନଂ ୱ୍ଵାର୍ଡରେ ଦୀର୍ଘ ୨୦୦ବର୍ଷ ରୁ ଉର୍ଦ୍ଧ ହେବ  ବସବାସ କରୁଥିବା ଘରଡିହ ନ ଥିବା ନିରୀହ ଗରୀବ ଖଟିଖିଆ ଙ୍କ ପ୍ରତି ପୌରପାଳିକା ର ସୁଦୃଷ୍ଟି ପଡି ନ ଥିବା ଉଦବେଗର ବିଷୟ । ଭବାନୀପାଟଣା, କଳାହାଣ୍ଡି ଜ଼ୀଲ୍ଲା ଭବାନୀପାଟଣା ସହରର  ଜନ୍ମମାଟି ସୁରକ୍ଷା ସଂଗ୍ରାମୀ ସମିତି ର ଆବାହକ ସରୋଜ ବାଗଙ୍କ ନେତୃତ୍ୱରେ ଭବାନୀପାଟଣା ସହରର ୧୮,୧୯ ଏବଂ ୨୦ ନଂ ୱାର୍ଡ ର ମନ୍ଦାର ବଗିଚାପଡ଼ା , ମଦନ ମୋହନ ପଡ଼ା , ଚୁଡ଼ିହାରି ପଡ଼ା , ହାଲିଆ ପଡ଼ା, ଦର୍ପଣ ସାଗର ପଡ଼ା , ଛେଦା ପଡ଼ା , ତେନ୍ତୁଳିଗଛ ପଡ଼ା, ସେବକ ନଗର କଲୋନୀ , ଅର୍କାବାହାଳି ପଡ଼ା , ବାହାଦୂର ବଗିଚା ପଡ଼ା , ଜୋର ପଡ଼ା , ୧୫ ଟା ପଡ଼ା ଦର୍ପଣସାଗର ପଡ଼ା ରୁ ଶତାଧିକ ମହିଳା ସ୍ଥାନୀୟ ମଦନ ମୋହନ ମନ୍ଦିର ଠାରୁ ବାହାରି ପୌରପାଳିକା କାର୍ଯ୍ୟାଳୟ ପର୍ଯ୍ୟନ୍ତ ବିଭିନ୍ନ ସ୍ଲୋଗାନ ଦେଇ ପହଞ୍ଚି ଥିଲେ . ସେଠାରେ ଦର୍ପଣସାଗରର ସୁରକ୍ଷା ସଂଗ୍ରାମୀ ସମିତି ସଭାପତି ସନ୍ତୋଷ ଧଙ୍ଗଡାମାଝୀଙ୍କ ସଭାପତିତ୍ୱରେ ସାଧାରଣା ସଭା ଅନୁଷ୍ଠିତ ହୋଇଥିଲା l

କମିଟି ର ସମ୍ପାଦିକା  ଯୋଗେଶ୍ୱରୀ ଧଙ୍ଗଡାମାଝୀ , ସଦସ୍ୟ ମନ୍ଦାକିନି ବାଣୁଆ , ଜନ୍ମମାଟିର ବରିଷ୍ଠ ସଦସ୍ୟ ଗିରିଧାରୀ ପାତ୍ର , ବର୍ଷା ସରାଫ, ରାଜେଶ ଦୀପ, ଜଗନ୍ନାଥ ନାଏକ, ଯୁଗେଶ୍ୱର ବାଗ , ନିରାକାର ବାଗ , ରଜନୀକାନ୍ତ ସମର୍ଲିଆ , ପ୍ରକାଶ ମଙ୍ଗରାଜ୍, ଦେବାନଦ  ଛାତ୍ରପାଲ,  ଗୋପୀନାଥ ମୁନି, ମନୀଷା ରାଉତ, ସରୋଜ ବାଗ ପ୍ରମୁଖ  ଉଦବୋଧନ  ଦେଇଥିଲେ । ସହର ର ୧୮ , ୧୯ ଏବଂ ୨୦ ନଂ ୱାର୍ଡଙ୍କୁ ବସ୍ତି ପାଇଁ ୨୦୧୭ ଅନୁଯାଇ ସର୍ବେ କର କାଇ ସ୍ଥାଇ ପଟ୍ଟା ପ୍ରଦାନ କର ଯାଉ । ଯେଉଁ ବସ୍ତି ମାନଙ୍କର ପରିବାର ମାନଙ୍କର ସର୍ବେ କରା ଯାଇ ନାହିଁ ତାହା  ତୁରନ୍ତ ସର୍ବେ କରାଯାଉ । ହିତାଧିକାରୀ ମାନଙ୍କୁ ସାର୍ଟିଫିକେଟ ବଦଳରେ ସ୍ଥାଇ ପଟ୍ଟା ପ୍ରଦାନ କରଯାଉ , ଏସବୁ  ଦାବିପତ୍ର ପୌରପାଳିକା କାର୍ଯ୍ୟ ନିର୍ବାହୀ ଅଧିକାରୀଙ୍କୁ ପ୍ରଦାନ କରାଯାଇଥିଲା ।