11-Mar-2021

ବଲାଙ୍ଗିର (ପ୍ରେରଣା ଖବର) : ଆଜି ସ୍ଥାନୀୟ ଲିଟରାରି & ସୋସିଆଲ କ୍ଲବ ପରିସରରେ, ପୂଜ୍ୟ ପୂଜା ସେବା ସଂଗଠନ ସହଯୋଗ ରେ କବୟୀତ୍ରି ଜ୍ୟୋତିରାଣୀ ମିଶ୍ର ଙ୍କ ପ୍ରଥମ କବିତା ସଂକଳନ  ଭକ୍ତି ଗଂଗୋତ୍ରି ର ଶୁଭ ଉନ୍ମୋଚନ ଅନୁଷ୍ଠିତ ହୋଇ ଯାଇଛି l ନାଟ୍ୟ ଭୂଷଣ ଜଗଦାନନ୍ଦ ଛୁରିଆ ଙ୍କ ସଭାପତିତ୍ବ ରେ ଅନୁଷ୍ଠିତ ସଭା ରେ ମୁଖ୍ୟ ଅତିଥି ଭାବରେ ଆକାଶବାଣୀ ବଲାଙ୍ଗୀର ର ପ୍ରସାରଣ ନିଷ୍ପାଦକ ଦେବବ୍ରତ ଭୋଇ, ମୁଖ୍ୟବକ୍ତା ଭାବରେ କବୟୀତ୍ରି ସୁଶ୍ରୀ ସଂଯୁକ୍ତା ପରିଛା ଯୋଗ ଦେଇ ସାମ୍ପ୍ରତିକ ସମୟରେ ସମାଜକୁ ଭକ୍ତି ଭାବରେ ପ୍ରେରିତ କରି ହିଁ ଆମେ ସୁଧାରି ପାରିବା ଓ ଏଥିପାଇଁ ଏହି ଭକ୍ତି କବିତା ସଂକଳନ ବହୁତ ଉପାଦେୟ ବୋଲି ମତବ୍ୟକ୍ତ କରିଥିଲେ l ପୁସ୍ତକକୁ   ସମୀକ୍ଷା କରିଥିଲେ କବି ରତ୍ନମୟ ତ୍ରିପାଠୀ l ଆରମ୍ଭ ରେ ଅତିଥି ପରିଚୟ ପ୍ରଦାନ କରିଥିଲେ କବୟୀତ୍ରି କସ୍ତୁରୀ ରଥ l ପ୍ରାରମ୍ଭ ସଂଗୀତ ପରିବେଷଣ କରିଥିଲେ ସୁଶ୍ରୀ ସମ୍ପୂର୍ଣl  l ସଂକଳନ ର କବିତା କୁ ସୁନ୍ଦର ସ୍ୱରରେ ଗାଇଲେ ନେପାଲ ଚନ୍ଦ୍ର ବାଗ l କାର୍ଯ୍ୟକ୍ରମ କୁ ସୁନ୍ଦର ଭାବରେ ସଂଯୋଜନା କରିଥିଲେ ଅନୁଷ୍ଠାନ ର ସମ୍ପାଦକ ମଦନ ମୋହନ ରଥ l ଏହି ଅବସରରେ ପୁସ୍ତକ ର ପ୍ରକାଶିକ ତଥା ଲେଖିକା ଙ୍କ ମା ଶ୍ରୀମତୀ ବିନୋଦିନୀ ମିଶ୍ର ଙ୍କୁ ସମ୍ବର୍ଦ୍ଧନା ଦିଆଯାଇ ଥିଲା l କାର୍ଯ୍ୟକ୍ରମ କୁ ପରିଚାଳନା ରେ ସହଯୋଗ କରିଥିଲେ, ପୂଜା ଓ ପ୍ରିୟା ତଥା ଅନୁଷ୍ଠାନ ର ସଭ୍ୟ ଚୂଡେଦ୍ର କୁମାର ବେହେରା, ଦୁର୍ଗା ଚରଣ ସାହୁ, ପ୍ରଦୀପ ପଶାୟତ, ହୃଷିକେଶ ପୁରୋହିତ ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଅନୁଷ୍ଠାନ ର ସଭ୍ୟ ଧୀରେନ୍ଦ୍ର ନାରାୟଣ ସିଂଦେଓ  l ଏହି ସଭାରେ ସହର ର ଅନେକ ସାହିତ୍ୟ ପ୍ରେମୀ ଓ ବୁଦ୍ଧିଜିବି ଉପସ୍ଥିତ ଥିଲେ l