10-Mar-2021

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ପୁଣି ପଶ୍ଚିମ ଓଡିଶାରେ ବିଜେପି ଚାଷୀ ଙ୍କ ସମସ୍ୟା ନେଇ ଆନ୍ଦୋଳନ କରିବା ସହ ରାଜରାସ୍ତାକୁ ଅବରୋଧ କରି ପ୍ରତିବାଦ କରିଛି । ବିଜେପି ପକ୍ଷରୁ  ପଶ୍ଚିମ ଓଡିଶା ୫ ଟି ସଂସଦୀୟ କ୍ଷେତ୍ରର ସମସ୍ତ ଜିଲ୍ଲା ମାନଙ୍କରେ  ୨ ଘଣ୍ଟିଆ ଚକାଜାମ ଆନ୍ଦୋଳନ କରାଯାଇଥିଲା । ସମ୍ବଲପୁର ଠାରେ ସମ୍ବଲପୁର - କଟକ ଜାତୀୟ ରାଜପଥର ମାନେଶ୍ୱର ଛକଠାରେ  ସକାଳ ୧୦ ଟା ରୁ ମଧ୍ୟାହ୍ନ ୧୨ ଟା ପର୍ଯ୍ୟନ୍ତ ଏହି ଚକାଜାମ ଆନ୍ଦୋଳନ  କରାଯାଇଥିଲା  । ବିଜେପି ରାଜ୍ୟ ସରକାର ଙ୍କୁ  ସିଧାସଳଖ ଟାର୍ଗେଟ କରି ଅଭିଯୋଗ କରିଛି ଯେ ଚାଷୀ ଙ୍କ ମଣ୍ତି ସମସ୍ୟା ଲାଗିରହିଥବାରୁ ଆଜି ମଧ୍ୟ ମଣ୍ତି ମାନଙ୍କରେ ଲକ୍ଷାଧିକ ବସ୍ତା ଧାନ ପଡିରହିଛି । ରାଜ୍ୟ ସରକାର ଙ୍କ ଚାଷୀ ମାରଣା ନୀତି ଯୋଗୁଁ ଚାଷୀ ଙ୍କ ଧାନ ବିକ୍ରିରେ ସମସ୍ୟା  ରହୁଛି । ରାଜ୍ୟ ସରକାର ଚାଷୀ ଙ୍କ ସମସ୍ୟା ସମାଧାନ କରିବାରେ ଫେଲ ମାରିଥିବା ଦଳ କହିଛି ବିଜେପି । ଏହାକୁ ନେଇ  ବିଜେପି ପକ୍ଷରୁ  ଆଜି ସମଗ୍ର  ପଶ୍ଚିମ ଓଡିଶାର ସମସ୍ତ ଜିଲ୍ଲାର ରାଜରାସ୍ତା ୨  ଘଣ୍ଟା ଧରି ଚକା ଜାମ କରିବା ସହ ଆଗାମି ଦିନରେ ଚାଷୀ ଙ୍କ  ଅଧିକାର ପାଇଁ ରାଜ୍ୟ ବିଜେଡି ସରକାର ବିରୋଧରେ ଯୋରଦାର ଲଡେଇ କରାଯିବ ବୋଲି ଦଳ ଚେତାବନୀ ଦେଇଛି । ବିଜେପି ର ଚକାଜାମ ଆନ୍ଦୋଳନ ପାଇଁ ସମ୍ବଲପୁର -କଟକ ଜାତୀୟ ରାଜପଥର ଉଭୟ ପାର୍ଶ୍ଵରେ  ସହ ସହ ସଂଖ୍ୟାରେ ଯାନବାହନ ଅଟକି  ରହିଥିବା ଦେଖିବାକୁ ମିଲିଥିଲା । ଆଜିର ଚକାଜାମ୍ କାର୍ଯ୍ୟକ୍ରମ ରେ ରେଙ୍ଗାଲି ବିଧାୟକ ନାଉରି ନାଏକ, ପୂର୍ବତନ ବିଧାୟକ ରବି ନାରାୟଣ ନାଏକ, ବିଜେପି ଜ଼ିଲ୍ଲା ସଭାପତି  ଗିରିଶ ପଟେଲ, ମାନସ ରଞ୍ଜନ ବକ୍ସି, ପ୍ରକାଶ ସାହୁ, ଅଶ୍ୱିନୀ ମଝି, ଚନ୍ଦ୍ରଶେଖର ପଣ୍ଡା, ନରେନ୍ଦ୍ର ମିଶ୍ର, ରମେଶ ପ୍ରଧାନ, କର୍ନେଲ ପ୍ରଭାତ ପଣ୍ଡା, ଡା.ରାଜକୁମାର ବଡ଼ପଣ୍ଡା, ସରୋଜ କୁମାର ଘଡାଇ, ପ୍ରଭୁଦତ୍ତ ପଣ୍ଡା,  ମହେଶ ରାଏ, ମାନସ ପଣ୍ଡା, ଅନିଲ ବର୍ମା, ବିରୂପାକ୍ଷ ବେହେରା, ବୃନ୍ଦାବନ ସାହୁ, ରଞ୍ଜନ ପାଢ଼ୀ, ଚିଣ୍ଟୁ ହୋତା, ସୁଜାତା ଗୁରୁ, ସବିତା ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।