09-Mar-2021

ପାଟଣାଗଡ଼ (ଗୋରେଖନାଥ ବରିହା ) ଖପ୍ରାଖୋଲ ତହସିଲ ଓ ରାଜସ୍ବ ନୀରିକ୍ଷକଙ୍କ  ଅଫିସ ଗୁଡିକରେ ଚରମ ବିଶୃଙ୍ଖଳା ପରିଲକ୍ଷିତ ହେଉଛି । ଏଠାକୁ ଗାଁ ଗହଳି ରୁ ଆସୁଥିବା ଲୋକମାନେ ଦଲାଲ୍ ମାନଙ୍କ ଶିକାର ହେଉଛନ୍ତି ।ମ୍ୟୁଟେସନ ପରେ ପଟ୍ଟା ନେବାକୁ ହେଲେ ୩/୪ ହଜାର ଟଙ୍କା ତଥା କେତେକ ସ୍ଥଳରେ ଏହାଠୁ ବି ଅଧିକ ଟଙ୍କା ଦାବି କରାଯାଉଥିବା ଅଭିଯୋଗ ହୋଇଛି ।ମ୍ୟୁଟେସନ ପାଇଁ ଆବେଦନ  କଲେ କିମ୍ବା ଆୟ, ବାସିନ୍ଦା, ଜାତି ପ୍ରମାଣପତ୍ର ପାଇଁ ଆବେଦନ କଲେ  ରାଜସ୍ବ ନୀରିକ୍ଷକ ମାନଙ୍କ ରିପୋର୍ଟ ପାଇଁ ଆର୍.ଆଇ ଅଫିସରେ ଥିବା ବେସରକାରୀ ଭାବେ ନିଯୁକ୍ତି ଦିଆଯାଇଥିବା ଜନୈକ  ବ୍ୟକ୍ତି ବିଶେଷ ଉକ୍ତ ରିପୋର୍ଟ କାର୍ଯ୍ୟ ପାଇଁ ଦାୟିତ୍ବ ରହି  ଆବେଦନ ଫର୍ମ ଓ ଆବଶ୍ୟକଜାତ କାଗଜ ପତ୍ର ଯାଞ୍ଚ କରୁଛନ୍ତି l ରାଜସ୍ୱ ନିରୀକ୍ଷକ ଦତଖସ୍ତ ସହ ରିପୋର୍ଟ ଦେବା  କାମ ପାଇଁ ବେସରକାରୀ ଭାବେ ନିଯୁକ୍ତି ଦିଆଯାଇଥିବା ଜନୈକ ବ୍ୟକ୍ତିଙ୍କ ପାଉଣା ରାଜସ୍ୱ ନିରୀକ୍ଷକଙ୍କ ମାସିକ ଦରମା ଠାରୁ ଅଧିକ ବୋଲି କୁହାଯାଉଛି । ପୁଣି ସାର୍ଟିଫିକେଟ ପାଇଁ ଅଣ୍ଟିଖୋସା ନ ଦେବା ଯାଏ ବହୁତ ହଇରାଣ କରାଯାଉଥିବା ଅଭିଯୋଗ । ଯିଏ ଟଙ୍କା ନଦେବ ତାର ଦାଖଲି ଖାରଜ ପଟ୍ଟା କରାଯାଉନାହିଁ ।ଦାଖଲ ଖାରଜ ହୋଇ ରେକର୍ଡ ରୁମକୁ ଯାଉଥିବା କେଶ୍ ଗୁଡ଼ିକ ର କ୍ରମ ଅନୁସାରେ ପଟ୍ଟା , ସଂଶୋଧନ କରି ଦିଆ ଯିବା ପାଇଁ ସାଧାରଣ ରେ ଦାବି ହୋଇ ଆସିଛି । ତହସିଲ ଓ  ରାଜସ୍ବ ନୀରିକ୍ଷକ ଅଫିସ ଗୁଡିକରେ ଲୁଟ ମନୋଭାବରୁ ଦଲାଲ୍ ରାଜ ଚାଲି କିରାଣୀ ମାନଙ୍କ ସିଟ୍ ରେ ଦଲାଲ୍ ମାନେ ବସି ଅଫିସିଆଲ୍ ନଥିପତ୍ର ଆଦି ରେ ମଧ୍ୟ ଲେଖାଲେଖି କରୁଛନ୍ତି । ଏହି ଦଲାଲ୍ ମାନେ ରିଜେଷ୍ଟ୍ରୀ ଅଫିସରେ ସାର୍ଟିଫାଏଡ କପି ମଧ୍ୟ ଲେଖିଥିବା  ନଜରକୁ ଆସୁଥିବା ଅଭିଯୋଗ ହୋଇଛି । ଏଭଳି ଚରମ ବିଶୃଙ୍ଖଳା ଏବଂ ଲୁଟ କାରବାର ଯୋଗୁଁ ଲୋକେ ଏହାକୁ ତହସିଲ ଦୋକାନ କହି ବସିଲେଣି । ଏଥିପ୍ରତି ବଲାଙ୍ଗୀର ଜିଲ୍ଲାପାଳ ଦୃଷ୍ଟି ଦେଇ ଲୋକଙ୍କ ଆସ୍ଥା ଫେରାଇ ଆଣିବା ଦିଗରେ ଦୃଢ଼ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି ।