03-Mar-2021

ବୌଦ୍ଧ(ପ୍ରେରଣା ଖବର ବ୍ୟୁରୋ): ଚଳିତ ବର୍ଷ ଶ୍ରୀକ୍ଷେତ୍ର ପୁରୀରେ ହେବାକୁଥିବା ଘୋଷଯାତ୍ରା ପାଇଁ ରଥ ନିର୍ମାଣ ସକାଶେ ଆବଶ୍ୟକ କାଠ ସଂଗ୍ରହ ପାଇଁ ମଙ୍ଗଳବାର ବୌଦ୍ଧ ବନଖଣ୍ଡ ଅଧିନସ୍ଥ ମାଧପୁର ରେଞ୍ଜ ଅନ୍ତର୍ଗତ ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲରୁ ଗଛ ସଂଗ୍ରହ ପ୍ରକ୍ରିୟା ଶୁଭାରମ୍ଭ ହୋଇଛି। ପୁରୀ ରଥ ଖଳାର ବରିଷ୍ଠ ତତ୍ୱବଧାରକ ସୁଦର୍ଶନ ମେକାପ ଙ୍କ ନେତୃତ୍ୱରେ ୫ ଜଣିଆ ମହାରଣା ଦଳ ବୌଦ୍ଧରେ ଆଜ୍ଞାମାଳ ଧରି ପହଁଚିବା ପରେ ଆଡେଣିଗଡ ନିକଟସ୍ଥ ମାଆ ବନଦୁର୍ଗା ଙ୍କ ପିଠରେ ହୋମଯଜ୍ଞ ସହିତ ପୁଜାର୍ଚ୍ଚନା, କରିବା ପରେ ଚିହ୍ନଟ ହୋଇଥିବା ଗଛମୁଳେ ପୁଜା କରିବା ପରେ ଆରମ୍ଭ ହୋଇଥିଲା ରଥ କାଠ କଟା।ଏହି ଅବସରରେ ବୌଦ୍ଧ ବନଖଣ୍ଡ ଅଧିକାରୀ ଯୋଶବନ୍ତ ସେଠି, ସହକାରୀ ବନ ସଂରକ୍ଷକ ରାଜେନ୍ଦ୍ର ଗୋଛାୟତ,ସୌମ୍ୟ ରଞ୍ଜନ ଗୋଛାୟତ,ଜିତେନ୍ଦ୍ର କୁମାର ବେହେରା,  ରେଞ୍ଜ ଅଧିକାରୀ, ସରୋଜ କୁମାର ମିଶ୍ର,ପ୍ରଦୀପ ବେହେରା, ନିହାର ରଞ୍ଜନ ମଲ୍ଲିକ, କୁମାରୀ କ୍ଷୀରାଵଦ୍ଧି ପ୍ରଧାନ, ଙ୍କ ସମେତ ମାଧପୁର ବନାଞ୍ଚଳର ସମସ୍ତ କର୍ମଚାରୀ ଯୋଗ ଦେଇଥିଲେ। ବିଭାଗୀୟ ସମସ୍ତ ଅଧିକାରୀ ପ୍ରଥମେ ମାଧପୁର ଠାରେଥିବା ମା ବନଦୁର୍ଗା ଙ୍କ ମନ୍ଦିରରେ ପୂଜାର୍ଚ୍ଚନା କରିବା ପରେ ସେଠାରୁ ସଂରକ୍ଷିତ ଜଙ୍ଗଲକୁ ଯାଇଥିଲେ।ସେଠାରେ ପୂର୍ବରୁ ଚିହ୍ନଟ କରାଯାଇଥିବା ଏକ ଅଶନ ଗଛକୁ ଯଥାବିଧି ପୂଜାପାଠ କରି ଗଛ କଟା ଶୁଭାରମ୍ଭ କରିଥିଲେ।ପ୍ରଭୁ ଜଗନ୍ନାଥଙ୍କର ଘୋଷଯାତ୍ରା ପାଇଁ ହେବାକୁ ଗଛକଟା ଦେଖିବାକୁ ଆଡେନିଗଡ଼,  ଆଦି ଆଖପାଖ ଗ୍ରାମରୁ ବହୁ ଶ୍ରଦ୍ଧାଳୁ ଭକ୍ତଙ୍କର ଭିଡ ସମାଗମ ଦେଖିବାକୁ ମିଳିଥିଲା।ମହାପ୍ରଭୁ ଙ୍କ ଘୋଷଯାତ୍ରା ପାଇଁ ରଥ ନିର୍ମାଣ ନିମନ୍ତେ ଆରମ୍ଭ ହୋଇଛି କାଠ ସଂଗ୍ରହ ପକ୍ରିୟା । ଚତୁର୍ଥଥର ପାଇଁ ବୌଦ୍ଧ ଜିଲ୍ଲାରୁ ଯିବ ରଥ କାଠ । ତିଆରି ହେବ ତିନି ଦିଅଁ ଙ୍କ ରଥ । ପୁରୀ ରଥ ଖଳାର 

 ତିନିକଣିଆ ମହାରଣା ଦଳ ଆଜ୍ଞାମାଳ ଧରି ବୌଦ୍ଧ ରେ ପହଁଚିବା ପରେ ମା ବନଦୁର୍ଗା ଙ୍କ ନିକଟରେ ସ୍ୱତନ୍ତ୍ର ପୁଜାର୍ଚ୍ଚନା ପରେ ଆରମ୍ଭ ହୋଇଛି ରଥ ପାଇଁ କାଠ କଟା । ଚଳିତ ବର୍ଷ ତିନି ରଥ ନିର୍ମାଣ ପାଇଁ ୮୬୫ଖଣ୍ଡ କାଠର ଆବଶ୍ୟକ ଥିବାବେଳେ ବୌଦ୍ଧ ରୁ ଯିବ ୬୦୧ ଖଣ୍ଡ 
 କାଠ । ଏପଟେ ଚତୁର୍ଥ ଥର ପାଇଁ ବୌଦ୍ଧରୁ ରଥକାଠ ଯାଉଥିବାରୁ ଏହାକୁ ନେଇ ଅଚଂଳବାସୀ ସୌଭାଗ୍ୟ ଶାଳୀ ମନେ କରୁଛନ୍ତି।