28-Feb-2021

ଲୋଇସିଂହା, (ବିନୋଦ କୁମାର ଦୀପ): ଆସନ୍ତା ଏପ୍ରିଲ ମାସରେ ଅନୁଷ୍ଠିତ ହେବାକୁ ଥିବା ରମାଇ ପାହାଡ଼ ଉତ୍ସବକୁ ସୁରୁଖୁରୁରେ ତଥା ଜାକ୍ ଜମକ୍ ରେ ପାଳନ କରିବା ପାଇଁ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l

ଲୋଇସିଂହା ବ୍ଲକ ଭାଲୁପାଲି ଗ୍ରାମର ପାଦଦେଶରେ ରମେଇ ପାହାଡ଼  ଶୋଭା ପାଉଛି  l ଏ ନେଇ  ମହୋତ୍ସବର ସଫଳ ଆୟୋଜନ ପାଇଁ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ  ହୋଇଯାଇଛି  l ଯୋଗିସୁରଡ଼ା କଲେଜ ଛକ ଠାରେ ଥିବା ମହୋତ୍ସବ କାର୍ଯ୍ୟାଳୟରେ ଏହି ପ୍ରାକ୍ ପ୍ରସ୍ତୁତି ସଭା ଅନୁଷ୍ଠିତ ହୋଇ କାର୍ଯ୍ୟକ୍ରମ ସମ୍ପର୍କିତ ବିଭିନ୍ନ ଆଲୋଚନା  ହୋଇଥିଲା l ଏହାକୁ ମହୋତ୍ସବ କମିଟିର ସମ୍ପାଦକ ପ୍ରଶାନ୍ତ କୁମାର ବେହେରା ପରିଚାଲନା କରିଥିଲେ l ବୈଠକ ପ୍ରାରମ୍ଭରେ ସରୋଜ କୁମାର ତ୍ରିପାଠୀଙ୍କ ସ୍ମୁତି ଉଦ୍ଦେଶ୍ୟରେ ଏକ ଶ୍ରଦ୍ଧାଞ୍ଜଳି ସଭା ଆୟୋଜନ କରାଯାଇଥିଲା l ଏହି ସଭାରେ ଅତିଥି ଭାବେ   ଶଶୀଭୁଷଣ ପୁରୋହିତ, ରବୀନ୍ଦ୍ର କୁମାର ପୁଟେଲଙ୍କ ସମେତ ଅନେକ ସଦସ୍ୟ ମାନେ ଯୋଗ ଦେଇ ସରୋଜ କୁମାର ତ୍ରିପାଠୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ l