13-Oct-2020

ଧର୍ମଗଡ଼:-( ତ୍ରିନାଥ ବେଶ୍ରା )କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଗଡ଼ିଆଯୋର ର ପରିବା ଚାଷୀ ମାନଙ୍କ ଚାଷରେ ଗେଣ୍ଡା ଉପଦ୍ରବ ଯୋଗୁ ଅନେକ ଚାଷୀଙ୍କ ଚାଷ ନଷ୍ଟ ହୋଇଯାଇଛି ।
ଚାଷୀମାନେ କହିବା ଅନୁସାରେ ସେମାନେ ଋଣ,କରଜ କରି ଚାଷ କରିଛନ୍ତି କିପରି ଋଣ ପରିଶୋଧ କରିବେ ଚିନ୍ତାର କାରଣ ସାଜିଛି ।
ଚାଷୀ କହିବା ଅନୁସାରେ ଏହି ଗେଣ୍ଡା ପୋକ ଦିନବେଳା ଗଛରେ ଚଢି ଯାଉଛି ଓ ରାତି ୮ଟା ସମୟରେ ଓହ୍ଲାଇ ପରିବା ଚାଷ ସବୁ ନଷ୍ଟ କରୁଛି । 
ଏହି ଖବର ପାଇ ଧର୍ମଗଡ଼ ଉଦ୍ୟାନ କୃଷି ବିଭାଗ ତରଫରୁ ପଦସ୍ଥ ଅଧିକାରୀମାନେ  ଗେଣ୍ଡା ପ୍ରଭାବିତ ଅଂଚଳ ବୁଲି ଚାଷୀ ମାନଙ୍କ ସହ ଆଲୋଚନା କରିଛନ୍ତି ।
ଉଦ୍ୟାନ କୃଷି ବିଭାଗରୁ ସହକାରୀ ଉଦ୍ୟାନ କୃଷି ନିର୍ଦେଶକ ଟଙ୍କଧର କାଲୋ, ସହକାରୀ ଉଦ୍ୟାନ ଅଧିକାରୀ ରୋଜାଳିନୀ ସାହୁ, କୃଷି କ୍ଷେତ୍ର ଓ ସମ୍ପ୍ରସାରଣ ଅଧିକାରୀ ସୁଷମା ନାଏକ ପ୍ରମୁଖ ଗଡ଼ିଆଯୋର ର ଗେଣ୍ଡା ଉପଦ୍ରବ ପରିବା ଚାଷ ବୁଲି ଦେଖିଥିଲେ ।
ସହକାରୀ ଉଦ୍ୟାନ ନିର୍ଦେଶକ ଟଙ୍କ ଧର କାଲୋ କହିବା ଅନୁସାରେ ବିଶେସଜ୍ଞ ମାନଙ୍କ ସହ କଥା ହୋଇ ୭ସୁତ୍ରି ଗାଇଡ଼ ଲାଇନ ଚାଷୀଙ୍କୁ ଦିଆଯାଇଛି ।  ଏହା ଦ୍ୱାରା ମଧ୍ୟ ଗେଣ୍ଡା ରୋକାଯାଇ ପାରିବ ବୋଲି କହିଛନ୍ତି ।ଏ ସଂପର୍କରେ ଏକ ପୂର୍ଣ୍ଣାଙ୍ଗ ରିପୋଟ ମଧ୍ୟ ଉଚ୍ଚପଦସ୍ଥ ଅଧିକାରୀଙ୍କୁ ପ୍ରଦାନ କରାଯିବ ବୋଲି କହିଛନ୍ତି ।
ଉଦ୍ୟାନ କୃଷି ବିଭାଗର କୃଷି ବିଜ୍ଞାନୀ ମାନେ କିପରି ଗେଣ୍ଡା ଦାଉରୁ ପରିବାକୁ ରକ୍ଷା କରାଯାଇପାରିବ ସେ ବିଷୟରେ ଚାଷୀଙ୍କୁ ଜଣାଇ ସହାୟତା ପ୍ରଦାନ କରିବାକୁ ଚାଷିମହଲରେ ଦାବି ହେଉଛି  l