12-Oct-2020

ଖାଣ୍ଡାପାଡା,୧୨/୧୦( ପ୍ରଦୀପ କୁମାର ପଣ୍ଡା) ଓଡିଶା ରୁ ଗୋରୁ ଚାଲାଣ ପାଇଁ ବୁଦ୍ଧିଜୀବୀ ମହଲ ରେ ପୋଲିସ ପ୍ରଶାସନ ପ୍ରତି ସନ୍ଦେହାତ୍ମକ ଚିନ୍ତାଧାରା ର ପରଦା ଫାସ  ହୋଇଛି | ପୋଲିସ ପ୍ରଶାସନ ର କାର୍ଯ୍ୟଶୈଳୀ ଉପରେ ଜନସାଧାରଣ ଅଙ୍ଗୁଳି ନିର୍ଦେଶ କରୁଛନ୍ତି ନୟାଗଡ଼ ଜିଲ୍ଲା ଖଣ୍ଡପଡା ଥାନା ଅଂଚଳରେ | ଖଣ୍ଡପଡା ଥାନା ଅଧିନସ୍ଥ କଣ୍ଟିଲୋ ଫାଣ୍ଡି ପରିସରରେ ଟ୍ରକ ସୋରୁମ କୁ ନେଇ ଜନସାଧାରଣରେ ଚର୍ଚ୍ଚା ଜୋର ଧରିଥିବାବେଳେ ପୋଲିସ ପ୍ରଶାସନ ର ତଦନ୍ତ ଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି ହେଉଥିବା ଜଣା ପଡିଛି | ସୂଚନା ମୁତାବକ ଖଣ୍ଡପଡା ଏବଂ ଗଣିଆ ଅଞ୍ଚଳ ରୁ ବାହାର ରାଜ୍ୟକୁ ଚୋରା ଗୋରୁ ଚାଲାଣ ହେଉଥିବା ବେଳେ କଣ୍ଟିଲୋ ଫାଣ୍ଡି ଏବଂ ଖଣ୍ଡପଡା ପୋଲିସ ମିଳିତ ଭାବେ ଗତ ୩ ମାସ ତଳେ ଚଢ଼ାଉ କରି ୭ ଟି ଟ୍ରକ ଜବତ କରିଥିଲେ | ଏହି ଟ୍ରକ ୭ ଟି କଣ୍ଟିଲୋ ଫାଣ୍ଡିପରିସରରେ ପଡି ଖତ ଖାଉଛି | ପୋଲିସ ଏହି ବିଷୟରେ ମାମଲା ରୁଜୁ କରି ତଦନ୍ତ କରୁଥିବା ସୂଚନା ଦେଇଥିବା ବେଳେ ଅଦ୍ୟାବଧି ତଦନ୍ତରେ ପାଦେ ହେଲେବି ଆଗେଇନେଥିବ ବିଶେସସୁତ୍ର ରୁ ଜଣାପଡିଛି | ଗୋଚାଲାଣ ରାକେଟ ର ମାଫିଆ ମାନଙ୍କ ବିଷୟରେ ପୋଲିସ କୌଣସି ଟେର ପାଉନଥିବା କୁନେଇ ପୋଲିସ ର କାର୍ଯ୍ୟଦକ୍ଷତା  ଏବଂ କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ମୋହର ଲଗାଉଛନ୍ତି ଜନସାଧାରଣ | ଗୋରୁ ବୋଝେଇ ହୋଇଥିବା ୭ ଟି ଟ୍ରକ ଜବତ କରିଥିବାବେଳେ ମାତ୍ର ଜଣେ ଡ୍ରାଇଭର ଏବଂ ଜଣେ ହେଲପର କୁ ଗିରଫକରିବାରେ ସକ୍ଷମ ହୋଇଥିବାବେଳେ ବାକି ଷ୍ଟାଫ ଏବଂ ଗୋରୁ ମାଫିଆ ଗଲେ କୁଆଡେ ବୋଲି ଜନସାଧାରଣ ଦାବି କରିବାସହିତ ସ୍ଥାନୀୟ ପ୍ରଶାସନ ଏବଂ ଭିଜିଲାନ୍ସ ଏହି ଘଟଣା ର ତଦନ୍ତ ଦାବି କରିଛନ୍ତି | ଅପରପକ୍ଷେ ଖଣ୍ଡପଡା ପୋଲିସ ପ୍ରଶାସନ ର ଉଦାସୀନତା ଗୋରୁଚାଲାଣକାରୀ ମାଫିଆ ଙ୍କ ସହିତ ମଧୁଚନ୍ଦ୍ରିକା ର ପରଦା ପଛର କାହାଣୀ ସାଧାରଣରେ ଆଲୋଚନା ହେଉଛି | ନୟାଗଡ ଜିଲ୍ଲାପାଳ ଏବଂ ଏସପି ଏହି ଘଟଣା କୁ ତଦନ୍ତ କରି ଉଚିତ ପଦକ୍ଷେପ ନେବାପାଇଁ ଦାବିକରିଛନ୍ତି ଅଞ୍ଚଳବାସୀ |