12-Oct-2020

କଂଟାମାଳ,୧୨/୧୦ (ବଂଶିଧର ମାଝୀ)I: କଂଟାମାଳ ଥାନା ଘଣ୍ଟାପଡା ଫାଣ୍ତି ଅଧିନସ୍ଥ କୁଲୁତାଯୋର ଗ୍ରାମରେ ଜଣେ ଅବିବାହିତ ଝିଅ ଆତ୍ମହତ୍ୟା କରିବା ଘଟଣା ଅଞ୍ଚଳରେ ଚର୍ଚ୍ଚା ହେଉଛି । ସୂଚନା ଅନୁଯାୟୀ କୁଲୁତାଯୋର ଗ୍ରାମର ଛବିଳ ଭୋଇଙ୍କ ଏକମାତ୍ର ଝିଅ ପଞ୍ଚମୀ ଭୋଇ(୨୨) । ତାଙ୍କ ବିବାହ ପାଇଁ ଗିଧାମାଳ ଗ୍ରାମରୁ ପ୍ରସ୍ତାବ ଆସିଥିଲା । ସକାଳ ପାହିଲେ ଝିଅଘର ଲୋକେ ପୁଅ ଘରକୁ ଜ୍ବାଇଁ ଦେଖା ପାଇଁ ଯାଇଥାନ୍ତେ । କିନ୍ତୁ କୌଣସି କାରଣ ବସତଃ ରାତି ୪ଟା ସମୟରେ ଝିଅଟି ନିଜ ଦେହରେ କିରୋସିନି ଢାଲି ନିଆଁ ଲଗାଇଥିଲା । ଘଟଣା ବିଷୟରେ ଘରଲୋକ ଜାଣିପାରି ଆମ୍ବୁଲାନ୍ସ ଯୋଗେ ତୁରନ୍ତ ସୋନପୁର ହସପିଟାଲକୁ ନେଇଥିଲେ । ସେଠାରେ ଡାକ୍ତର ପୋଲିସକୁ ଖବର ଦେବାକୁ କହିବାରୁ ସୋନପୁର ଥାନାରେ ଲିଖିତ ଜଣାଇବା ପରେ ଚିକିତ୍ସା କରାଯାଇଥିଲା  ।  ଅବସ୍ଥା ଗୁରୁତର ହେବାରୁ ଡାକ୍ତର ବଲାଙ୍ଗୀର ହସପିଟାଲକୁ ସ୍ଥାନାନ୍ତର କରିଥିଲେ । ବଲାଙ୍ଗିର ହସପିଟାଲରେ ପହଞ୍ଚି ଡାକ୍ତରଙ୍କୁ ଦେଖା କରିବାପରେ ଡାକ୍ତର ଝିଅର ମୃତ ହୋଇଥିବା ଘୋଷଣା କରିଥିଲେ । ବଲାଙ୍ଗିର ଠାରେ ଶବ ବ୍ୟବଚ୍ଛେଦ ପରେ ଅପରାହ୍ନ ୪ଟା ସମୟରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯାଇଥିଲା । ଖବର ଲେଖାଯିବା ପର୍ଯ୍ୟନ୍ତ ଆତ୍ମହତ୍ୟାର କାରଣ ବିଷୟରେ ସ୍ପଷ୍ଟ ସୂଚନା  ମିଳି ନାହିଁ । ଘଟଣା ବିଷୟରେ ଘଣ୍ଟାପଡା ଫାଣ୍ତି ଅଧିକାରୀଙ୍କୁ ପଚାରିବାରୁ ଫାଣ୍ତିରେ ଅଭିଯୋଗ ହୋଇ ନଥିବା ଜଣାଇଛନ୍ତି ।