21-Jun-2026

ବଲାଙ୍ଗିର/ଟିଟିଲାଗଡ(ପ୍ରେରଣା ଖବର): ପ୍ରଖ୍ୟାତ ଓଡ଼ିଶୀ ନୃତ୍ୟଶିଳ୍ପୀ ଶାଶ୍ୱତ ଯୋଶୀଙ୍କ ମାତା ତଥା ଟିଟିଲାଗଡ ସହରର ସୁପରିଚିତ ଅବସରପ୍ରାପ୍ତ ଶିକ୍ଷୟିତ୍ରୀ ଲବଙ୍ଗଲତା ଯୋଶୀଙ୍କ ପରଲୋକ ଘଟିଛି।ସ୍ୱର୍ଗତ ଶ୍ରୀମତୀ ଯୋଶୀ ହୃଦରୋଗ ଜନିତ ସମସ୍ୟାରେ ପୀଡିତ ଥିଲେ।ଭୁବନେଶ୍ୱର ପଟିଆ ସ୍ଥିତ ବାସଭବନରେ ରବିବାର ସକାଳୁ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ି ଥିବା ବେଳେ ଏକ ଘରୋଇ ଡାକ୍ତରଖାନାକୁ ତାଙ୍କୁ ଚିକିତ୍ସା ପାଇଁ ନିଆଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କ ପରଲୋକ ଘଟିଥିବା ପରିବାର ଲୋକେ ସୂଚନା ଦେଇଛନ୍ତି। ମୃତ୍ୟୁଶଯ୍ୟାରେ ତାଙ୍କ ପତି ପ୍ରଦୀପ ଯୋଷୀ, ପୁତ୍ର ଶାଶ୍ୱତ ଯୋଷୀ(ରାଜା), ଝିଅ ରାନୀ, ପୁତ୍ରବଧୁ ଇଶା, ନାତୁଣୀ ଜାୟା ଉପସ୍ଥିତ ଥିଲେ l ତାଙ୍କ ପାର୍ଥିବ ଶରୀର କୁ  କର୍ମସ୍ଥଳୀ ଟିଟିଲାଗଡ ଅଣାଯାଉଥିବା ଓ ସ୍ଥାନୀୟ ମୁକ୍ତିଧାମ ଠାରେ ଅନ୍ତେଷ୍ଟିକ୍ରିୟା କରାଯିବା ନେଇ ସୂଚନା ମିଳିଛି। କର୍ମମୟ ଜୀବନରେ ଉତ୍ତମ ଶିକ୍ଷାଦାନ, ସରଳ ଜୀବନଶୈଳୀ ଓ କର୍ତ୍ତବ୍ୟନିଷ୍ଠା ପାଇଁ ସେ ଜଣେ ଆଦର୍ଶ ଶିକ୍ଷୟିତ୍ରୀ ଭାବରେ ଆଦରଣୀୟ ଥିଲେ।ତାଙ୍କ ବିୟୋଗରେ ପୂର୍ବତନ ମନ୍ତ୍ରୀ ଟୁକୁନି ସାହୁ, ସ୍ଥାନୀୟ ବିଧାୟକ ନବୀନ ଜୈନ, ପୌର ଅଧ୍ୟକ୍ଷା ମମତା ଦେବୀ ଜୈନ,ବିଶିଷ୍ଟ ବିଜେପି ନେତା ପ୍ରମୋଦ ପ୍ରଧାନଙ୍କ ସହ ସହରର ବିଭିନ୍ନ ମହଲରୁ ଗଭୀର ଶୋକ ପ୍ରକାଶ ପାଇଛି। ଆଜି ତାଙ୍କ ମର ଶରୀର ଅଣାଯିବା ରାସ୍ତାରେ ବଲାଙ୍ଗିର ଆରଟିଓ ଅଫିସ ଛକରେ ତାଙ୍କ ବନ୍ଧୁ ପରିଜନ ଶେଷ ଦର୍ଶନ କରିଥିଲେ l