17-Jun-2026

ବଲାଙ୍ଗିର(ପ୍ରେରଣା ଖବର):- ରୌଦ୍ରତାପ ର ଗରମ ରେ ଦୁଃସହ ହେଉଛି ଜୀବନ। ଏହା ସାଙ୍ଗକୁ ଅଘୋଷିତ ବିଦ୍ୟୁତ୍ କାଟ ଅନେକ କଷ୍ଟ ଦେଉଛି।ଅସରାଏ ବର୍ଷା କିମ୍ବା ପବନ ବୋହିଲେ ବଲାଙ୍ଗିର ସହରରେ ଘଣ୍ଟା ଘଣ୍ଟା ଧରି କଟୁଛି ବିଜୁଳି।ବର୍ତ୍ତମାନ ସହରରେ ଚାଲିଛି ଦେବ ଦେବ ମହାଦେବ ଙ୍କ ଶୀତଳଷଷ୍ଠୀ ଉତ୍ସବ। ଜନ ସମାଗମ ବଢ଼ିଛି।ବିଜୁଳି କଟୁ ଥିବାରୁ ସହର ପ୍ରାୟ ୪/୫ଘଣ୍ଟା ଧରି ଅନ୍ଧକାର ରହୁଛି।ଅନ୍ଧକାର ଯୋଗୁଁ ଅପରାଧୀ ମାନେ ଜାଗ୍ରତ ହେଉଥିବା ଅନୁମାନ କରାଯାଏ।ଅନ୍ଧକାର ଯୋଗୁଁ କୌଣସି ଅପ୍ରୀତିକର ଘଟଣା ନ ଘଟିବା ପାଇଁ ସହର ଭିତରେ ବିଭିନ୍ନ ସ୍ଥାନରେ ସୋଲାର ଲାଇଟ ଦେବା ପାଇଁ ଅନୁରୋଧ କରାଯାଇଛି।ଆଜି ସନ୍ଧ୍ୟା ୬ ରୁ ରାତ୍ର ୧୦:୩୦ ପର୍ଯ୍ୟନ୍ତ ଦୀର୍ଘ ପାଞ୍ଚ ଘଣ୍ଟା ବିଦ୍ୟୁତ୍ ସରବରାହ ବନ୍ଦ ଥିବାରୁ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଥିବା ପରିଲକ୍ଷିତ ହୋଇଛି।ବିଦ୍ୟୁତ୍ କାଟ ନ କରିବା ପାଇଁ ସରକାର ଘୋଷଣା କରିବା ପରଠାରୁ ଅଧିକ ସମୟ ବିଜୁଳି କଟୁଛି। ଯଥାଶୀଘ୍ର ବିଦ୍ୟୁତ୍ ବିଭ୍ରାଟ ସମସ୍ୟା ଦୂର କରିବା ପାଇଁ ଜନ ସାଧାରଣରେ ଦାବି ହେଉଛି।