14-Jun-2026

ବଲାଙ୍ଗୀର (ପ୍ରେରଣା ଖବର): ସାମ୍ପ୍ରତିକ ସମାଜରେ ମଣିଷଙ୍କ ଭିତରେ ମାନବିକତା କମି କମି ଆସୁଥିଲେ ମଧ୍ୟ, ମଣିଷ ସମାଜରୁ ଏହା ସମ୍ପୂର୍ଣ ଭାବରେ ଲୋପ ପାଇନାହିଁ l ପ୍ରଥମେ ପରିବାରରୁ ଶିଶୁ ମାନଙ୍କ ଭିତରେ ନୈତିକ ଓ ମୂଲ୍ୟବୋଧ ଶିକ୍ଷା ପିତାମାତା ମାନେ ଦେବାପାଇଁ ଯତ୍ନବାନ ହେଲେ ଆଗାମୀ ଦିନରେ ଆମେ ଏକ ଶୃଙ୍ଖଳିତ ଓ ନୀତିନିଷ୍ଠ ସମାଜ ଗଠନ କରି ପାରିବା l ବନ୍ୟଜନ୍ତୁ ମାନେ ନିଜ ପ୍ରଜାତିର ଜୀବ ମାନଙ୍କୁ ନଷ୍ଟ କରିବା ପାଇଁ କୌଣସି ଅସ୍ତ୍ର କିମ୍ବା ଔଷଧ ପ୍ରସ୍ତୁତ କରୁ ନ ଥିବା ବେଳେ, ମଣିଷ କାହିଁକି ମଣିଷ ମାନଙ୍କୁ ହତ୍ୟା କରିବା ପାଇଁ ଅସ୍ତ ଓ ଔଷଧ ପ୍ରସ୍ତୁତ କରୁଛି ତାହା ଚିନ୍ତାର ବିଷୟ l ବଲାଙ୍ଗୀର ର ଅଗ୍ରଣୀ ସାହିତ୍ୟ, ସାମାଜିକ ଓ ସାଂସ୍କୃତିକ ଅନୁଷ୍ଠାନ ରଚନା ର ଏମାସର ରଚନା ସନ୍ଧ୍ୟା କାର୍ଯ୍ୟକ୍ରମରେ ଏହି ମତ ପ୍ରକାଶ ପାଇଛି l ସ୍ଥାନୀୟ ସଂସ୍କୃତି ଭବନ ସଭାକକ୍ଷ ଠାରେ "ସାମ୍ପ୍ରତିକ ସମାଜରେ ମାନବୀୟ ମୂଲ୍ୟବୋଧ "ଶୀର୍ଷକ ଆଲୋଚନାଚକ୍ରରେ ଅତିଥି ବକ୍ତା ଭାବରେ ପ୍ରମେୟ କେବିକ ସଂସ୍କରଣ ମୁଖ୍ୟ ଅଖିଳ ଚନ୍ଦ୍ର ହୋତା, ଡାକ୍ତର ଲଷ୍ମୀପ୍ରିୟା ସେଠୀ ଯୋଗଦେଇ ସମ୍ପ୍ରତି ମଣିଷ ଯେତେ ଶିକ୍ଷିତ ହେଉଛି ତା ଭିତରେ ମାନବିକତା ସେତେ ଲୋପ ପାଉଛି, ରାସ୍ତାରେ ଦୁର୍ଘଟଣା ଟିଏ ହେଲେ ଲୋକେ

ରିଲସ ବନାଇବାରେ ବ୍ୟସ୍ତ କିନ୍ତୁ ସାହାଯ୍ୟର ହାତଟିଏ ଆଗେଇ ଆସୁ ନାହଁ l ପ୍ରାଚୀନ କାଳରେ ମଧ୍ୟ ମାନବିକତା ର ଅବକ୍ଷୟ ହୋଇ ଥିଲା କିନ୍ତୁ ପୁଣି ଆମ ଦେଶର ମହା ମନୀଷୀ ମାନେ ଏହାର ପୁନଃ ସ୍ଥାପନ କରିଥିଲେ l ଏବେ ସମୟ ଆସିଛି ସମାଜରୁ ହଜି ଯାଉଥିବା ମାନବିକତାକୁ ମଣିଷ ଭିତରେ ପୁଣି ଫେରେଇ ଆଣିବା ପାଇଁ ଆମେ ଆଶାବାଦୀ ହେବା ଏବଂ ଆମେ କାହାକୁ ଆହ୍ୱାନ ନ ଦେଇ ନିଜେ ଆଗେଇ ଆସିବା ବୋଲି ମତବ୍ୟକ୍ତ କରିଥିଲେ l ଅନ୍ୟତମ ଅତିଥି ବକ୍ତା ଭାବରେ ଯୁବ ପ୍ରତିଭା ବିନ୍ଦିଆ ବେହେରା, ପ୍ରୟାଗ ନାୟକ ଏବଂ ଅନ୍ଵେଷା ହୋତା ଯୋଗଦେଇ ନିଜ ମତ ରଖିଥିଲେ l ପରେ ପରେ ଅନୁଷ୍ଠିତ ଭାବ ବିନିମୟ କାର୍ଯ୍ୟକ୍ରମରେ ଜିଲ୍ଲା ପାଠାଗାରର ଛାତ୍ର ଛାତ୍ରୀ ମାନେ ଭାଗ ନେଇଥିଲେ l ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ ଅନୁଷ୍ଠାନର ସଦସ୍ୟା ଶ୍ରୀମତୀ କସ୍ତୁରୀ ରଥ, ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଅନୁଷ୍ଠାନର ସହ ସମ୍ପାଦକ ରତ୍ନମୟ ତ୍ରିପାଠୀ