21-May-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗିରରେ ଲାଗାତାର ଅଘୋଷିତ ବିଦ୍ୟୁତ କାଟ ପ୍ରତିବାଦରେ ଆଜି ବିଜୁ ଜନତା ଦଳ ପକ୍ଷରୁ ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓ ଙ୍କ ନିର୍ଦ୍ଦେଶ କ୍ରମେ ଟାଟା ପାୱାର କାର୍ଯ୍ୟାଳୟ ଘେରାଓ କରା ଯାଇଛି। ତୀବ୍ର ଗ୍ରୀଷ୍ମ ପ୍ରବାହ ମଧ୍ୟରେ ଘଣ୍ଟା ଘଣ୍ଟା ଧରି ବିଦ୍ୟୁତ ବିଚ୍ଛିନ୍ନ ହେଉଥିବାରୁ ସାଧାରଣ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରି ବିଜେଡି କର୍ମୀ ଓ ନେତା ମାନେ ଟାଟା ପାୱାର ବିରୋଧରେ ନାରାବାଜି କରିଥିଲେ।

ଦଳ ପକ୍ଷରୁ କୁହାଯାଇଛି ଯେ, ପୂର୍ବ ସୂଚନା ବିନା ବିଦ୍ୟୁତ କାଟ ହେବାରୁ ଛାତ୍ରଛାତ୍ରୀଙ୍କ ପଢ଼ାଶୁଣା, ବ୍ୟବସାୟ ଓ ସାଧାରଣ ଜନଜୀବନ ଶିଶୁ ଓ ବୃଦ୍ଧବୃଦ୍ଧା ଗୁରୁତର ଭାବେ ପ୍ରଭାବିତ ହୋଇ ହନ୍ତସନ୍ତ ହେଉଛନ୍ତି। ବିଶେଷକରି ରାତି ସମୟରେ ବିଦ୍ୟୁତ ବିଚ୍ଛିନ୍ନ ହେବାରୁ ଲୋକମାନେ ଅସହ୍ୟ ଗରମରେ ଅତିଷ୍ଠ ହେଉଛନ୍ତି।
ଘେରାଓ ସମୟରେ ବିଜେଡି ନେତାମାନେ ତୁରନ୍ତ ଅଘୋଷିତ ବିଦ୍ୟୁତ କାଟ ବନ୍ଦ କରିବା, ନିୟମିତ ବିଦ୍ୟୁତ ଯୋଗାଣ ସୁନିଶ୍ଚିତ କରିବା ସହିତ ଲୋଡ୍‌ଶେଡିଂ ସମ୍ପର୍କରେ ପୂର୍ବ ସୂଚନା ଦେବାକୁ ଦାବି କରିଥିଲେ। ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ସତର୍କ କରାଯାଇଛି। ଏହି ଆନ୍ଦୋଳନ ରେ ପୌରାଧ୍ୟକ୍ଷା ଲିକା ସାହୁ, ବିଜେଡି ରାଜ୍ଯ ସମ୍ପାଦକ ଲକ୍ଷ୍ମଣ ମେହେର, ପ୍ରଭାସ ପାଣିଗ୍ରାହୀ ରାଜ୍ଯ ଯୁବ ବିଜେଡି କାର୍ଯ୍ଯକାରି ସଭାପତି ରାଜେନ୍ଦ୍ର ପ୍ରସାଦ ହୋତାଙ୍କ ସମେତ ଜିଲ୍ଲା ବିଜେଡିର ଧୃବ ଯୁଏଡ,  ନରସିଂହ ବାଗ, ଗୋଲାପ ବାଗ, ପ୍ରଦ୍ୟୁମ୍ନ ହୋତା, ଶୁଶିଲ ଚାନ୍ଦ, ବିଧୁ ଭୁଷଣ ତ୍ରିପାଠୀ, ମୁନ୍ନା ଖାନ, ଚନ୍ଦ୍ରମଣି ତ୍ରିପାଠୀ,

ତ୍ରିପାଠୀ, ନିହାର ରଞ୍ଜନ ସ୍ବାଇଁ, ନଗର ବିଜେଡି ସଭାପତି ସମ୍ଭୁ ନାଗ, ଗଙ୍ଗାଧର ଚାନ୍ଦ, ଶତୃଘନ ବାଗ, କିଶୋର କୁମ୍ଭାର, ନନ୍ଦିନୀ ପୋଢ, ସରିତା ଦାଶ, ପିଙ୍କି କବାଟ, ସନ୍ତୋଷିନୀ କୁଁଅର, ଉପାଧ୍ୟକ୍ଷା ଗାୟତ୍ରୀ ଭୋଇ, ସନ୍ତୋଷ ଦନ୍ତା, ଦିଲିପ ବଗ ସଞ୍ଜୟ ସେଖର, ରମେଶ ବେହେରା, ବିରସେନ ସାହୁ, ରାଜେଶ ଦୋରା, ଶ୍ରୀବତ୍ସୀ ନାଗଙ୍କ ସମେତ ଆଇଟି ସଂଯୋଜକ ବିଭୁତି ଭୂଷଣ ମିଶ୍ର ଏହି ଘେରାଓ ର ଉପସ୍ଥିତ ଥିବା ବେଳେ । ଘଟଣାସ୍ଥଳରେ ପୋଲିସ ମୃତୟନ କରାଯାଇ ଥିବା ବେଳେ ପରିସ୍ଥିତି ଶାନ୍ତିପୂର୍ଣ୍ଣ ରହିଥିଲା ।