17-May-2026

କଟକ(ତପନ ମହାନ୍ତି) ଟାଙ୍ଗୀ-ଚୌଦ୍ବାର ବ୍ଲକ୍‌ରେ ୨ ଭାଜପା ନେତାଙ୍କ ହାଇଡ୍ରାମା ଅରିନ୍ଦମ, ଅଭୟଙ୍କ ବିରୋଧରେ ମାମଲା ରୁଜୁ

ଗିରଫ ନ ହେଲେ ବିଧାନସଭା ଘେରାଉ ଚେତାବନୀ ଦେଲା ବିଜେଡି
ଟାଙ୍ଗୀ - ଚୌଦ୍ବାର ବ୍ଳକରେ ୨ ଭାଜପା ନେତାଙ୍କ ହାଇଡ୍ରାମା ଘଟଣାକୁ ୨ ନେତାଙ୍କ ବିରୋଧରେ ବ୍ଲକ ପ୍ରଶାସନ ଓ ବିଜେଡି ବ୍ଲକ ଚେୟାରମ୍ୟାନଙ୍କ ପକ୍ଷରୁ ଟାଙ୍ଗୀ ଥାନାରେ ଏତଲା ଦିଆଯାଇଛି। ଅରିନ୍ଦମ ରାୟ ଓ ଅଭୟ ବାରିକଙ୍କୁ ତୁରନ୍ତ ଗିରଫ କରିବା ସହିତ ସୋସିଆଲ ମିଡିଆରେ ଭାଇରାଲ ଭିଡିଓକୁ ତଦନ୍ତ କରି ଅନ୍ୟ ଅଭିଯୁକ୍ତଙ୍କୁ ଗିରଫ କରିବାକୁ ଏତଲାରେ

ଟାଙ୍ଗୀ ଥାନାଧିକାରୀଙ୍କୁ ଦାବିପତ୍ର ପ୍ରଦାନ କରାଯାଉଛି।

ଦର୍ଶାଯାଇଛି। ୨ ଦିନ ମଧ୍ୟରେ ଗିରଫ ନ ହେଲେ ସୋମବାର ବ୍ଲକ ପ୍ରଶାସନ ପକ୍ଷରୁ କଲମଛାଡ଼ ଆନ୍ଦୋଳନ କରିବାକୁ ସୂଚଚା ଦେଇଥିବା ବେଳେ ଦରକାର ପଡିଲେ ବିଧାନସଭା ଘେରାଉ କରିବ ବୋଲି ବିଜେଡି ପକ୍ଷରୁ ଗଣମାଧ୍ୟମରେ ପ୍ରକାଶ କରିଛନ୍ତି। ଏ ନେଇ ଟାଙ୍ଗୀ ଥାନାରେ ଦୁଇଟି ପୃଥକ ମାମଲା ରୁଜୁ ହୋଇଛି। ସୂଚନା ମୁତାବକ, ଗତ ୧୩ ତାରିଖରେ ଟାଙ୍ଗୀ - ଚୌଦ୍ବାର ବ୍ଲକ କାର୍ଯ୍ୟାଳୟରେ ପଞ୍ଚାୟତ ସମିତି ବୈଠକ ଅନୁଷ୍ଠିତ

ହୋଇଥିଲା। ବୈଠକରେ ଆଠଗଡ଼ ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁ ଓ ଟାଙ୍ଗୀ -ସାଲେପୁର ବିଧାୟକ ପ୍ରଶାନ୍ତ ବେହେରାଙ୍କୁ ନିମନ୍ତ୍ରିତ କରାଯାଇଥିବା ବେଳେ ଭାଜପାରି ଆତ୍ମା ଅଧ୍ୟକ୍ଷଙ୍କୁ ନିମନ୍ତ୍ରିତ କରାଯାଇ ନ ଥିଲା । ଏହାକୁ ନେଇ ଆଠଗଡ଼ ଓ ଟାଙ୍ଗୀ - ସାଲେପୁର ଭାଜପା ନେତା ଅଭୟ ବାରିକ ଏବଂ ଅରିନ୍ଦମ ରାୟ ସେମାନଙ୍କ ବହୁ କର୍ମୀ ପୋଲିସ ଉପସ୍ଥିତିରେ ମୁଖ୍ୟଗେଟକୁ ଠେଲି ଧସେଇ ପଶିଥିଲେ। ଟାଙ୍ଗା-

ଚୌଦ୍ଵାର ବ୍ଲକ କାର୍ଯ୍ୟାଳୟରେ ହୋହଲ୍ଲା କରିବା ସହିତ ଏବିଡିଓ ଏବଂ ମହିଳା ଅଧିକାରୀଙ୍କୁ ଦୁର୍ବ୍ଯବହାର କରିଥିଲେ। ତମର ଜ୍ଞାନଗରିମା କେତେ ରାଜା ସ୍ବାଇଁ ଓ ପ୍ରଶାନ୍ତ ବେହେରା କିଏ ଏହି ବ୍ଲକକୁ ଡାକୁଛି, ଅଥଚ ଆମ ପ୍ରତିନିଧିଙ୍କୁ କାହିଁକି ଅଣଦେଖା କରୁଛ ବୋଲି ପ୍ରଶ୍ନ କରିବା ସହ ଆଙ୍ଗୁଠି ଦେଖାଇ ଅଶ୍ଳୀଳ ଭାଷାରେ ଗାଳି କରିବାକୁ ମଧ୍ୟ ପଛାଇ ନ ଥିଲେ। ଏତଲା ଦେବା ସମୟରେ ବ୍ଲକ ଚେୟାରମ୍ୟାନ ମୀନାକ୍ଷୀ ଦାସ, ଜନ୍ମୋଜୟ ଖୁଲାର, ରାଜେଶ ରଞ୍ଜନ ଷଡଙ୍ଗୀ, କୃଷ୍ଣ ଚନ୍ଦ୍ର ଦାସ, ଧୀରେନ୍ଦ୍ର ଜେଠୀ, ତିର୍ଥାନନ୍ଦ ସୁବୁଦ୍ଧିରାୟ, ନିବାସ ପାଣ୍ଡବ, ତପସ୍ବୀ ସାହୁ, ସ୍ବରୂପ ନାୟକ ପ୍ରମୁଖଙ୍କ ସହିତ ଶତାଧ‌ିକ ବିଜେଡି କର୍ମୀ ଉପସ୍ଥିତ ଥିଲେ।