16-May-2026

ଆଗଲପୁର, (ବିନୋଦ ଦୀପ)  ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଡୁଡୁକା ଗ୍ରାମ ର ମହିଳା ଦୁଗ୍ଧ ଚାଷୀ ହେଉଛନ୍ତି ଶ୍ରୀମତୀ ଯଶୋବନ୍ତି ନାଏକ l ସେ ଗୋ-ସୁଗମ ଯୋଜନା ରେ ସ୍ଥାନୀୟ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଡୁଡୁକା ଶାଖା ରୁ ଚଉଦ ଲକ୍ଷ ଚଉରାସୀ ହଜାର ଋଣ ଆକାରରେ ଆଣି ଏକ ଡ଼ାଇରୀ ଫାର୍ମ ସ୍ଥାପନ କରିଥିଲେ l ଗତ ବୁଧବାର ସନ୍ଧ୍ୟା ରେ କାଳ ବୈଶାଖୀ ତାଣ୍ଡବ ଝଡତୋଫାନ ରେ ଡ଼ାଇରୀ ଫାର୍ମ ର ଆଜବେଷ୍ଟସ ଛପର ଉଡି ଭାଙ୍ଗି ନଷ୍ଟ ହୋଇଯାଇଥିବା ଫାର୍ମ ର ମାଲିକାଣି ଶ୍ରୀମତୀ ଯଶୋବନ୍ତି ନାଏକ ଅଭିଯୋଗ କରିଛନ୍ତି l

ବ୍ୟକ୍ତିଗତ ଗୋ ସୁଗମ ଯୋଜନା ରେ ଯଶୋବନ୍ତି ଋଣ ଆଣି ଡ଼ାଇରୀ ଫାର୍ମ ନିର୍ମାଣ କରିଥିଲେ।ବର୍ତ୍ତମାନ ଫାର୍ମ ର ଛପର ସହ କାନ୍ଥ ନଷ୍ଟ ହୋଇଥିବାରୁ ଆଗକୁ ଗାଇ ବାଛୁରୀ ଆଣି ପାଳନ କରିବା କଷ୍ଟକର ହେବ ବୋଲି ଶ୍ରୀମତୀ ନାଏକ ଚିନ୍ତାପ୍ରକଟ କରିଛନ୍ତି l ଶ୍ରୀମତୀ ନାଏକ ଙ୍କ ଉପରେ ବ୍ୟାଙ୍କ କରଜ ଥିବା ଏବଂ ନିଜେ ଗରିବ ଶ୍ରେଣୀ ର ହୋଇଥିବାରୁ ଉକ୍ତ ଫାର୍ମ କୁ ମରାମତି କରିବା ତାଙ୍କ ପକ୍ଷେ ସମ୍ଭବ ହୋଇପାରୁନାହିଁ।ପ୍ରଶାସନ ଏଥିପ୍ରତି ଦୃଷ୍ଟି ଦେଇ ସରକାରୀ ସହାୟତା ପ୍ରଦାନ କରିବାକୁ ସେ ଅନୁରୋଧ କରିଛନ୍ତି l