09-May-2026

କଟକ, (ତପନ ମହାନ୍ତି): କଟକ ବୋଡ଼ ଅଫ ରେଭିନୁରେ   ଅଘଟଣ    ଲାଲବାଗ ଥାନା ଅନ୍ତର୍ଗତ ବୋର୍ଡ ଅଫ୍ ରେଭିନ୍ୟୁ ର ନୂତନ ନିର୍ମାଣଧୀନ ବିଲିଂ ଛାତରୁ ଖସିପଡ଼ି  ଜଣେ କାର୍ଯ୍ୟରତ ଶ୍ରମିକର ମୃତ୍ୟୁ ଘଟିଛି | ମୃତକ ଜଣକ ହେଲେ ପଶ୍ଚିମବଙ୍ଗର ଆମିନୁଲ୍ ଇସଲାମ୍(୨୦) । ଘଟଣାସ୍ଥଳରେ ପୁଲିସ ପହଞ୍ଚିବା ପରେ ଅନ୍ୟ । ଶ୍ରମିକଙ୍କ ସହଯୋଗରେ । ଆମ୍ବୁଲାନ୍ସ ଯୋଗେ ଗୁରୁତର ଆମିନୁଲ୍‌ଙ୍କୁ ଏସ୍‌ସିବି ମେଡିକାଲ ପଠାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଶବବ୍ୟବଚ୍ଛେଦ ଗୃହରେ ଆମିନୁଲ୍‌ଙ୍କ ଶବ ରଖାଯାଇଥିବା ବେଳେ ଆଜି ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଳି ଜଣାପଡ଼ିଛି।

ପୁଲିସ ସୂଚନା ଅନୁସାରେ, ବୋର୍ଡ ଅଫ୍ ରେଭିନ୍ୟୁର ନୂତନ ବିଲଡିଂ ନିର୍ମାଣ କାର୍ଯ୍ୟ ଏକ ଠିକା । ସଂସ୍ଥା ଦ୍ବାରା କରାଯାଉଛି । ଏହି ସଂସ୍ଥା ପକ୍ଷରୁ ପଶ୍ଚିମବଙ୍ଗର ଶ୍ରମିକମାନେ କାର୍ଯ୍ୟ କରୁଛନ୍ତି।

ଶୁକ୍ରବାର ମଧ୍ୟାହ୍ନରେ କାର୍ଯ୍ୟରତ ଶ୍ରମିକମାନେ ତଳେ ଗୋଟିଏ ସ୍ଥାନରେ ବସି ଖାଉଥିଲେ । ଆମିନୁଲ୍ ତାଙ୍କ ଖାଇବା ଟିଫିନ୍ ତୃତୀୟ ମହଲାରେ ଛାଡ଼ି ଦେଇ ଆସିଥ‌ିବାରୁ ନିଜ ଟିଫିନ୍ ବାକ୍ସ ଆଣିବାକୁ  ଯାଇଥିଲେ । ଟିଫିନ୍ ବକ୍ସ ଆଣି ତଳକୁ ଆସୁଥ‌ିବା  ବେଳେ ଲିଫ୍ଟ ଲଗାଯିବା ପାଇଁ  ଫାଙ୍କା ଥିବା ସ୍ଥାନରେ ତାଙ୍କ ପାଦ ପଡ଼ିଯାଇଥିଲା । ଯାହାଫଳରେ ସେ ତୃତୀୟ ମହାଲାରୁ  ସିଧା ତଳେ ସିମେଣ୍ଟ ଚଟାଣରେ ପଡ଼ିଯାଇଥିଲେ। ଘଟଣାସ୍ଥଳରେ ତାଙ୍କ ମୁଣ୍ଡ ଓ  ଦେହରୁ ପ୍ରବଳ ରକ୍ତସ୍ରାବ ହୋଇଥିଲା I ତାଙ୍କୁ ଆମ୍ବୁଲାନ୍ସ ଯୋଗେ ତୁରନ୍ତ ଏସ୍‌ସିବି ମେଡିକାଲ ନିଆଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା | ଅନ୍ୟପଟେ ଏବେ ପ୍ରବଳ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ନିର୍ମାଣ ଶ୍ରମିକଙ୍କ କାର୍ଯ୍ୟ ସମୟରେ ପ୍ରଶାସନ ପକ୍ଷରୁ ପରିବର୍ତ୍ତନ କରାଯାଇଛି। ତେବେ ପ୍ରବଳ ଖରାରେ କେମିତି କାର୍ଯ୍ୟ ହେଉଛି ତାହା ପ୍ରଶ୍ନବାଚୀ ସୃଷ୍ଟି ହୋଇଛି । ବିନା ସୁରକ୍ଷାରେ ଠିକା ସଂସ୍ଥା ଶ୍ରମିକକୁ କାର୍ଯ୍ୟରେ ନିୟୋଜିତ କରିଥିଲା। କାର୍ଯ୍ୟ ହେଉଥିବା ସ୍ଥଳରେ ଯନ୍ତ୍ରୀଙ୍କ ଦେଖା ଦର୍ଶନ ମିଳୁନଥିବା ଅଭିଯୋଗ ହେଉଛି । ପ୍ରବଳ ଖରା ହେଉଥିବା ଯୋଗୁ ଇଂଜିନିୟର ଜଣକ ଏସି ଘରେ ରହୁଥିଲା ବେଳେ ଶ୍ରମିକ ମାନଙ୍କୁ କିପରି   ଦୁ ଦୁ ଖରାରେ କାମ କରୁଥିଲେ  ବୋଲି ଘଟଣା ସ୍ଥଳରେ ଉପସ୍ଥିତ ଥିବା ଲୋକ କୁହନ୍ତି ।ଯେଉଁ ଇଂଜିନିୟର ଦାଇତ୍ୱରେ  ଥିଲେ  ସେମାନଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହେଉଛି ।