07-Feb-2021

ଡୁଙ୍ଗୁରିପାଲି/ପଣ୍ଡକିଟାଲ (ପ୍ରେରଣା ଖବର)- ମାନବ ଜୀବନକୁ ସୁରକ୍ଷିତ ରଖିବାକୁ ହେଲେ ସମସ୍ତଙ୍କୁ ସଢକ ସୁରକ୍ଷା ପ୍ରତି ଯଥେଷ୍ଟ ସତର୍କତା ହେବାକୁ ପଡିବ ବୋଲି ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଣ୍ଡକିଟାଲ ଠାରେ ଜୁନିଅର ରେଡକ୍ରସ ତରଫରୁ ଅନୁଷ୍ଠିତ ହୋଇଯାଇଥିବା ସଡକ ସୁରକ୍ଷା ମାସ ପାଳନ ଅବସରରେ ବକ୍ତମାନେ ମତବ୍ୟକ୍ତ କରିଅଛନ୍ତି । କେନ୍ଦ୍ର ସରକାରଙ୍କ ସଡକ ପରିବହନ ବିଭାଗଙ୍କ ଆହ୍ୱାନ କ୍ରମେ ଏ ବର୍ଷର ଥିମ “ସଡକ ସୁରକ୍ଷା,ଜୀବନ ରକ୍ଷା” ସଂପର୍କିତ  ପ୍ଲାକାର୍ଡ ପ୍ରଦର୍ଶନ କରି ଏବଂ ସ୍ଲୋଗାନ ଦେଇ  ପଣ୍ଡକିଟାଲ ମୁଖ୍ୟ ରାସ୍ତାରେ ବିଭିନ୍ନ ବର୍ଗର ଯାତାୟତ କରୁଥିବା ପଥଚାରୀ, ଗାଡି ଡ୍ରାଇଭର ମାନଙ୍କୁ ନିଜ ଜୀବନକୁ ସୁରକ୍ଷିତ କରି ସାବଧାନତାର ସହିତ ଗାଡି ଚଳାଇ ଯାତ୍ରା କରିବାକୁ ସଚେତନ କରାଯାଇଅଛି । ମୁଖ୍ୟ ଅତିଥି ଭାବରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଗୋକୁଲ ବିହାରୀ ଦାଶ ପତାକା ପ୍ରଦର୍ଶନ କରି ଏହି କାର୍ଯ୍ୟକ୍ରମକୁ  ଶୁଭାରମ୍ଭ କରିଥିଲେ । ସମ୍ମାନୀତ ଅତିଥି ଭାବରେ ସ୍ଥାନୀୟ ଡାକ୍ତର ବଳିଷ୍ଠ ପ୍ରଧାନ, ସିଆରସିସି ହାରାଧନ ବାରିକ, ଶାହାଜବାହାଲ ସ୍କୁଲର ପ୍ରଧାନ ଶିକ୍ଷକ ମେରୁଧର ପାତ୍ର ପ୍ରମୁଖ କାର୍ଯ୍ୟକ୍ରମରେ ଯୋଗଦାନ କରି ମତବ୍ୟକ୍ତ କରିଥିଲେ । ସମଗ୍ର କାର୍ଯ୍ୟକ୍ରମକୁ ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ପରିଚାଳନା କରିଥିଲେ । ବାଙ୍କିପାଳି ହାଇସ୍କୁଲର ଜୁନିଅର ରେଡକ୍ରସ ସାଧନ କର୍ମି ହୃଷିକେଶ ଡାଙ୍ଗ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ । ଏହି ବ୍ଲକରେ କାର୍ଯ୍ୟରତ ଥିବା ବିଭିନ୍ନ ସ୍କୁଲର ପରାମର୍ଶଦାତା ଆକୁନ୍ଦ ସାହୁ, ରମେଶ ପଧାନ, ସଂପଦ ଖମାରି, ସୁଶିଲ ସାହୁ, ହେମ ଶାଗର ବାଗ, ସଂଚିତ କୁମାର ବାଗ, , ଗୋପେଶ ପଣ୍ଡା, ସମାଜ ସେବୀ ହଲଧର ମେହେର ଏବଂ ସୋନପୁରର ରେଡକ୍ରସ ସାଧନକର୍ମି ଚନ୍ଦ୍ର ଶେଖର ମହାପାତ୍ର ପ୍ରମୁଖ କାର୍ଯ୍ୟକ୍ରମରେ ଯୋଗଦାନ କରିଥିଲେ । ରାଜ୍ୟ ଜୁନିଅର ରେଡକ୍ରସ ଅଫିସର ଲକ୍ଷ୍ମଣ ସ୍ୱାଁଇ ଭିଡିଓ କନଫେରେନସିଂ ମାଧ୍ୟମରେ ନିଜର ଶୁଭେଚ୍ଚା ଜଣାଇଥିଲେ ।  ଶେଷରେ ବଡକର୍ଲ୍ଲେ ହାଇସ୍କୁଲର ପରାମର୍ଶଦାତା ରବିନ୍ଦ୍ରନାଥ ଦୀପ ଧନ୍ୟବାଦ ଅର୍ପଣ କରିଥିଲେ ।