06-May-2026

କଟକ (ତପନ ମହାନ୍ତି) : କଟକ ମହାନଗର ନିଗମ ଅନ୍ତର୍ଗତ ୩୨ନଂ ୱାର୍ଡ଼ରେ ବାରବାଟୀ କଟକ ବିଧାୟିକା ସୋଫିଆ ଫିଦୋଷ ଜନସମ୍ପର୍କ ପଦଯାତ୍ରା କରିଛନ୍ତି। ୱାର୍ଡ଼ ଅଞ୍ଚଳର ରାଣୀହାଟ, ଗୋପାଳସାହି, ତଳ ଗୋପାଳସାହି, ମାଳିସାହି ପ୍ରଭୃତି ଅଞ୍ଚଳ ପରିଦର୍ଶନ କରିଥିଲେ। ଏହି ସମୟରେ ସାହି ମୁରବି, ଯୁବକ ଓ ମହିଳାମାନଙ୍କୁ ସାକ୍ଷାତ କରି ୱାର୍ଡ଼ର ବିଭିନ୍ନ ସୁବିଧା ଅସୁବିଧା ସମ୍ପର୍କରେ ପଚାରି ବୁଝିଥିଲେ। ଏହି ଅବସରରେ ବିଭିନ୍ନ ପୂଜା କମିଟି ପକ୍ଷରୁ ବିଧାୟିକାଙ୍କୁ ସ୍ବାଗତ କରିଯିବା ସହ ସମ୍ବନ୍ଧିତ କରାଯାଇଥିଲା I କଟକ ସହରର ବିକାଶ ତାଙ୍କର ପ୍ରାଥମିକତା ଏବଂ ପ୍ରତ୍ୟେକ ୱାର୍ଡ଼ର ସମସ୍ୟାକୁ

ଦୂର କରିବା ପାଇଁ ସେ କାର୍ଯ୍ୟ କରିବାକୁ ସେ ପ୍ରତିବଦ୍ଧ। ୱାର୍ଡର ଉନ୍ନତି ପାଇଁ ଆବଶ୍ୟକୀୟ ପଦକ୍ଷେପ ନେବାରେ କୌଣସି ଅବହେଳା କରାଯିବ ନାହିଁ ବୋଲି ସେ ଜନସାଧାରଣଙ୍କୁ ଆଶ୍ୱାସନା ଦେଇଥିଲେ | ପୂର୍ବରୁ ୱାର୍ଡ଼ ନଂ ୩୩ ଅଞ୍ଚଳରୁ ଜନସମ୍ପର୍କ ପଦଯାତ୍ରା ଆରମ୍ଭ ହୋଇଥିଲା। ଏହି ଅବସରରେ

ବରିଷ୍ଠ ନେତ୍ରୀ ଗିରିବାଳା ବେହେରା, ସ୍ନେହଲତା ଚୌଧୁରୀ, କର୍ପୋରେଟର ଲିଜାରାଣୀ ରାଉତ, ଚନ୍ଦ୍ର ଶେଖର ନାଟିଆ, ବରିଷ୍ଠ ନେତା ବିରେନ୍ଦ୍ର ଦାସ, ଶରତ ଚନ୍ଦ୍ର ସେଠୀ, ସେକ ଲିଆକତ ଉଦ୍ଦୀନ ଅହମ୍ମଦ, ଅବଦୁଲ ନସିମ, ସେକ ଫରୁ, ଶୁଭ୍ରଜିତ ଦାସ, ମଣ୍ଡୁ ବେହେରା, ସୁରଜିତ ସାହୁ, ସନ୍ତୋଷ ପାତ୍ରଙ୍କ ସମେତ ଏହି କାର୍ଯ୍ୟକ୍ରମରେ ବହୁ ସ୍ଥାନୀୟ ଦଳୀୟ କର୍ମୀ, କର୍ମକର୍ତ୍ତା ଓ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ |