27-Apr-2026

ଭୁବନେଶ୍ୱର, (ସମୀର ରଞ୍ଜନ ନାୟକ ): ରାଜ୍ୟ ସଭା ଏମ୍‌ପି ଦିଲ୍ଲୀପ ରାୟ ସୋମବାର କଟକ ଗସ୍ତରେ ଆସି ବରିଷ୍ଠ ନେତା ମହମ୍ମଦ ମୋକିମ୍‌ଙ୍କୁ ଭେଟିଛନ୍ତି। ଏପରିକି ମୋକିମଙ୍କ ବାସଭବନରେ ଦିଲୀପ ବିଧାୟିକା ସୋଫିଆ ଫିର୍ଦ୍ଦୋସଙ୍କୁ ମଧ୍ୟ ଭେଟି ବିଭିନ୍ନ ବିଷୟରେ ଆଲୋଚନା କରିଥିବା ସୂଚନା ମିଳିଛି।ତେବେ ରାଜନୀତିରେ ଆଲୋଚନା ହେବା ସ୍ୱାଭାବିକ କଥା | କିନ୍ତୁ କ୍ଷମତାରେ ଥିବା ବିଜେପି ଦଳର ନେତା କଂଗ୍ରେସ ଦଳରୁ ନିଲମ୍ବିତ ହୋଇଥିବା ନେତାଙ୍କ ସହିତ ସାକ୍ଷାତ କରିବା ରାଜନୀତିର ଆଲୋଚନାକୁ ନୂଆ ଖୋରାକ ଯୋଗାଇଛି | ନିକଟରେ ହୋଇଥିବା ରାଜ୍ୟସଭା ନିର୍ବାଚନରେ କଟକ ବାରବାଟୀ ବିଧାୟିକା ସୋଫିଆ ଫିର୍ଦ୍ଦୋସ ଦଳ ବିରୁଦ୍ଧରେ ଯାଇ ବିଜେପି ସମର୍ଥନରେ ସ୍ୱାଧୀନ ପ୍ରାର୍ଥୀ ଭାବେ ଛିଡା ହୋଇଥିବା ଦିଲ୍ଲୀପ ରାୟଙ୍କୁ ଭୋଟ ଦେଇଥିଲେ। ଯେଉଁଥିପାଇଁ କଂଗ୍ରେସ ତାଙ୍କୁ ଦଳରୁ ନିଲମ୍ବିତ କରିଥିଲା | ଏହାପୂର୍ବରୁ ଦଳର ନେତା ମାନଙ୍କ ମଧ୍ୟରେ ଏବଂ ଦଳର ସଭାପତିଙ୍କ ଉପରେ ଶୃଙ୍ଖଳା ଉପରେ ପ୍ରଶ୍ନ ଉଠାଇ ମହମ୍ମଦ ମୋକିମ ମଧ୍ୟ ଦଳରୁ ବହିସ୍କୃତ ହୋଇଥିଲେ | ଆଉ କିଛି ଦିନ ତଳେ ନିଜେ ଅନ୍ୟ ଦଳରୁ ନିଲମ୍ବିତ ହୋଇଥିବା ନେତା ଏବଂ ନୂଆ କର୍ମୀଙ୍କୁ ନେଇ ଓଡ଼ିଶା ଜନତା କଂଗ୍ରେସ ନାମକ ଏକ ଦଳ ମଧ୍ୟ ତିଆରି କରିଛନ୍ତି। ଆଗକୁ ଆବଶ୍ୟକ ପଡିଲେ ଏହି ଦଳର ମଙ୍ଗ ସୋଫିଆ ଧରି ପାରନ୍ତି ବୋଲି ମଧ୍ୟ ମୋକିମ କହିଛନ୍ତି |