06-Feb-2021

ନୟାଗଡ଼ (ପ୍ରଦୀପ କୁମାର ପଣ୍ଡା) ନୟାଗଡ ଜିଲ୍ଲାର ଗଣିଆ ବ୍ଳକ ଅନ୍ତର୍ଗତ ଛାମୁଣ୍ଡିଆ ପଞ୍ଚାୟତ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ବେଶ ଜଣାଶୁଣା | ଏହି ଅଞ୍ଚଳ ରେ ସାଧାରଣ ଜନତା ସୁ ସ୍ୱାସ୍ଥ୍ୟସେବା ରୁ ବଞ୍ଚିତ ହେଉଥିବା ବେଳେ ବିଭିନ୍ନ ରୋଗ ରେ ପୀଡ଼ିତ ହୋଇ କାଳାତିପାତ କରୁଛନ୍ତି | ଏହି ଛାମୁଣ୍ଡିଆ ଗ୍ରାମ ଟି ଅୟନ ଫାଉଣ୍ଡେସନ ର ମୁଖ୍ୟ ଶ୍ରୀଯୁକ୍ତ ପଙ୍କଜ କୁମାର ସାହୁ ଙ୍କ ପୂର୍ବ ପୁରୁଷ ଙ୍କ ଦ୍ୱାରା ପ୍ରତିଷ୍ଠିତ ହୋଇ ଥିଲା | ସେ ଏହି ଗ୍ରାମାଞ୍ଚଳ ର ଜନସାଧାରଣ ଙ୍କ ସ୍ୱାସ୍ଥ୍ୟଗତ ସମସ୍ୟାର ସମାଧାନ ଉଦେଶ୍ୟ ରଖି ଛାମୁଣ୍ଡିଆ କୁଞ୍ଜବିହାରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଏକ ମାଗଣା ସ୍ୱାସ୍ଥ୍ୟ ଶିବିର ର ଆୟୋଜନ କରିଥିଲେ | ଉକ୍ତ ଶିବିର ରେ ଛାମୁଣ୍ଡିଆ ପଞ୍ଚାୟତ ର ପ୍ରାୟ ପାଞ୍ଚଶହ ରୁ ଉର୍ଦ୍ଧ ରୋଗୀ ଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇ ମାଗଣା ଔଷଧ ପ୍ରଦାନ କରାଯାଇଛି | ଏହି ଭଳି ଆଗକୁ ବିଭିନ୍ନ ଜନହିତକର କାର୍ଯ୍ୟକ୍ରମ କରାଯିବ ବୋଲି ଶ୍ରୀଯୁକ୍ତ ସାହୁ ସୂଚନା ପ୍ରଦାନ କରିଛନ୍ତି | ଏହି ସ୍ୱାସ୍ଥ୍ୟ ଶିବିର ରେ ମୁଖ୍ୟ ଅତିଥି ଭାବେ ଦଶପଲ୍ଲା ନିର୍ବାଚନ ମଣ୍ଡଳୀ ର ବିଧାୟକ ତଥା ନୟାଗଡ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହରା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବିଜେଡି ମୁଖପାତ୍ର ତଥା ଖଣ୍ଡପଡା ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟକ ଅନୁଭବ ପଟ୍ଟନାୟକ ଯୋଗଦେଇ ସ୍ୱାସ୍ଥ୍ୟ ଶିବିର ର ଶୁଭ ଉଦଘାଟନ କରିଥିଲେ | ଉକ୍ତ କାର୍ଯ୍ୟକ୍ରମ ରେ ଗଣିଆ ବ୍ଲକ ଅଧକ୍ଷ ସେସଦେବ ସ୍ୱାଇଁ, କନ୍ଧମାଳ ସାଂସଦ ଙ୍କ ନୟାଗଡ଼ ଜିଲ୍ଲା ପ୍ରତିନିଧି ସଦାଶିବ ମିଶ୍ର, ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣା, ନିଖିଳ ଉତ୍କଳ ବିଶ୍ୱ ବିଦ୍ୟାଳୟ କର୍ମଚାରୀ ସଂଘ ଅଧକ୍ଷ ଶାରଦା ଚରଣ ମହାନ୍ତି, ରୋଟାରୀ କ୍ଲବ ବରମୁଣ୍ଡା ର ଅଧକ୍ଷ ବିପିନ କୁମାର ପ୍ରଧାନ, ସ୍ଥାନୀୟ ସରପଞ୍ଚ ମଙ୍ଗୁଳି ସାହୁ ପ୍ରମୁଖ ଯୋଗ ଦେଇଥିଲେ | ଉକ୍ତ କାର୍ଯ୍ୟକ୍ରମ ଟି ପଙ୍କଜ କୁମାର ସାହୁ ଙ୍କ ମା ସ୍ବର୍ଗତ ରିତା ସାହୁ ଙ୍କ ଜନ୍ମ ତିଥିରେ ଆୟୋଜିତ ହୋଇ ଥିବାରୁ ଏହାକୁ ତାଙ୍କ ସ୍ମୃତି ରେ ଉତ୍ସର୍ଗ କରାଯାଇଛି ବୋଲି ଅୟନ ଫାଉଣ୍ଡେସନ ର ଅଧକ୍ଷ ପ୍ରକାଶ କରିଥିବା ବେଳେ ଆଗାମୀ ମେ ମାସରେ ତାଙ୍କ ସ୍ବର୍ଗତ ଜେଜେ ବାପାଙ୍କ ଜନ୍ମ ତିଥିରେ ଏହିଭଳି ଜନହିତକର କାର୍ଯ୍ୟକ୍ରମ କରାଯିବାର ଲକ୍ଷ ରଖିଛନ୍ତି ବୋଲି ସୂଚନା ଦେଇଛନ୍ତି | ଏହି ମାଗଣା ସ୍ୱାସ୍ଥ୍ୟ ଶିବିର ରେ କଟକ ଏବଂ ଭୁବନେଶ୍ୱର ର ବିଭିନ୍ନ ପ୍ରତିଷ୍ଠିତ ଡାକ୍ତର ମାନେ ଯୋଗ ଦେଇ ରୋଗୀ ମାନଙ୍କର ସ୍ୱାସ୍ଥ୍ୟ ପରୀକ୍ଷା କରିଥିଲେ | ବିଶେଷତଃ ଏହି ସ୍ୱାସ୍ଥ୍ୟ ଶିବିର ରେ ନାସା, ଚକ୍ଷୁ, ଗଳା, କର୍ଣ୍ଣ, ଇସିଜି ଆଦି ବିଭିନ୍ନ ମାଗଣା ସ୍ୱାସ୍ଥ୍ୟ ସେବା ଯୋଗାଇଦିଆଯାଇଥିଲା | ଆଗାମୀ ଦିନରେ କିଭଳି ଅଧିକ ଭଲ ଡାକ୍ତର ଏହି ଭଳି କାର୍ଯ୍ୟକ୍ରମ ରେ ଯୋଗଦେବେ ସେଥିପ୍ରତି ଗୁରୁତ୍ୱ ଦିଆଯିବାର ସୂଚନା ମିଳିଛି | ଶ୍ରୀଯୁକ୍ତ ସାହୁ ଙ୍କ ଏହିଭଳି ମନୋବଳ କୁ ଦୃଢ଼ କରିବା ପାଇଁ ଉପସ୍ଥିତ ଅତିଥି ମାନେ ତାଙ୍କୁ ପ୍ରୋତ୍ସାହିତ କରିବା ସହିତ ଆଗାମୀ ଦିନରେ ଜନହିତକର କାର୍ଯ୍ୟକ୍ରମ କରିବାର ଲକ୍ଷ କୁ ଭୁରି ପ୍ରଶଂସା କରିଛନ୍ତି |