11-Oct-2020

ଟିଟିଲାଗଡ଼ ,11/10(ଜ୍ୟୋତି ପ୍ରକାଶ ପୁରୋହିତ)  ଆଜି ସ୍ଥାନୀୟ ଧବଳେଶ୍ଵର ମହାଦେବ ମନ୍ଦିର ପ୍ରାଙ୍ଗଣ ସ୍ଥିତ ପ୍ରହରୀ ମଣ୍ଡପ ନିକଟରେ ଟିଟିଲାଗଡ଼ ସାଉଣ୍ଡ ଲାଇଟ ଓ ଟେଣ୍ଟ ସଙ୍ଘ ର ଏକ ବୈଠକ ଅନୁଷ୍ଠିତ ହୋଇଛି । ତାଙ୍କର ଅନୁରୋଧ କୁ ସରକାର ଙ୍କ ନିକଟକୁ ପହଞ୍ଚାଇବା ସକାଶେ ଉକ୍ତ ବୈଠକ ରେ ସ୍ଥାନୀୟ ସାମ୍ବାଦିକ ମାନଙ୍କୁ ନିମନ୍ତ୍ରଣ କରିଥିଲେ । କରନା ମହାମାରୀ ଯୋଗୁଁ ମାର୍ଚ୍ଚ ମାସରୁ ସେମାନଙ୍କ ବ୍ୟବସାୟ ସମ୍ପୁର୍ଣ୍ଣ ଥପ୍ ହୋଇ ପଡ଼ିଛି। ପରିବାର ର ଭରଣ ପୋଷଣ ବହୁ କାଠିକର ହୋଇପଡିଛି। ରୋଜଗାର ପାଇଁ ଅନ୍ୟ ପନ୍ଥା ନାହିଁ। ଦୁଃଖ ବା ଜଣାଇବେ କାହାକୁ। ଏପଟେ ପୁଣି ପିଲାଙ୍କ ପାଠପଢ଼ା ଖର୍ଚ୍ଚ। ପିଲାଙ୍କ ଭବିଷ୍ୟତ କୁ ଅନାଇ ଅନିଛା ସତ୍ୱେ ସ୍କୁଲ ବନ୍ଦ ଥାଇ ମଧ୍ୟ ସ୍କୁଲ ଫି ଓ ବସ ଫି ଦେବାକୁ ପଡୁଛି ଏବଂ ପଡିବ। ତେବେ ମାଲିକ ମାନେ ଏପଟୁ ସେପଟୁ କାମ ଚଳାଇ ନେଉ ଛନ୍ତି ହେଲେ ତାଙ୍କ ପାଖରେ କାମ ପାଇଁ ନିୟୋଜିତ ଥିବା ଲୋକଙ୍କ ପରିସ୍ଥିତି ସାଙ୍ଘାତିକ ଅଛି। 
ତେବେ ସରକାର ଯେତେବେଳେ କଳାକାର ମାନଙ୍କ ପାଇଁ ଭତ୍ତା ଓ ବିଭିନ୍ନ ସୁବିଧା ଦେଲେ  କିନ୍ତୁ ଆମ୍ଭ ମାନଙ୍କୁ କୌଣସି ସୁବିଧା ଦେଇ ନାହାନ୍ତି। ତେଣୁକରି ସରକାରଙ୍କୁ ଅନୁରୋଧ ଯେ ଆମ୍ଭମାନଙ୍କ ଦୁଃଖ ବୁଝନ୍ତୁ ଏବଂ କଟକଣା କୋହଳ କରିବା ସହିତ ଆମ୍ଭମାନଙ୍କ କାମ ଆରମ୍ଭ କରିବା ପାଇଁ ଅନୁମତି ଦିଅନ୍ତୁ। 
ସଙ୍ଘ ର ସଭାପତି ଶ୍ରୀ ଧିରେଦ୍ର ସାହୁଙ୍କ ନେତୃତ୍ବରେ ଅନୁଷ୍ଠିତ ହୋଇଥିବା ବେଳେ ସହ  ସମ୍ପାଦକ ମନୀଷ ସୁନା ସଭା କୁ ପରି ଚଲନା କରିଥିଲେ । ଉପସଭାପତି ରସିକ ପୋଢ଼, ସମ୍ପାଦକ ତ୍ରିଲୋଚନ ନାଏକ, କୋଷଧ୍ୟକ୍ଷ ମୁରଲୀ ପୁଟେଲ , ସହ କୋଷଧ୍ୟକ୍ଷ ନାରାୟଣ ବଗର୍ତୀ , ଉପଦେଷ୍ଟା ସିମନ ଜାଲ, ଶଙ୍କର ରାଓ ,ବ୍ରହ୍ମ ନନ୍ଦ ରଣା, ଅମୂଲ୍ୟ ମହାକୁର ଏବଂ ସଦସ୍ୟ ଉମେଶ ବଛା, ଧ୍ରୁବ ରାଜ ମାଝୀ, ରାଜୁ ବାଗ, ଭଗବାନ ଚନ୍ଦନ ସହଯୋଗ କରିଥିଲେ।