06-Feb-2021

ଆଠମଲ୍ଲିକ (ପ୍ରେରଣା ଖବର): ଅନୁଗୁଳ-ସମ୍ବଲପୁର ଜାତୀୟ ରାଜପଥ ୫୫ର ହଣ୍ଡପା ଥାନା ପାଗବନ୍ଦ ନିକଟରେ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛନ୍ତି । ମୃତକ ବାଇକ୍‌ ଆରୋହୀ କାକରପାଣି ଗାଁର ଲେକୁରି ସାହୁ ଓ ଗୁରୁତର ଥିବା ବ୍ୟକ୍ତି ରାଣୀବନ୍ଧ ଗାଁର ମୁରଲୀ ସାହୁ ବୋଲି ଜଣାପଡ଼ିଛି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ଖବର ଅନୁଯାୟୀ, ଲେକୁରି ସାହୁ ଓ ମୁରଲୀ ସାହୁ ଏକ ବାଇକ୍‌ ଯୋଗେ ଯାଉଥିଲେ । ହଠାତ୍‌ ଏହି ସମୟରେ ପାଗବନ୍ଦ ନିକଟରେ ଏକ ଯାତ୍ରୀବାହୀ ବସ୍‌ ପଛପଟୁ ଆସି ଧକ୍କା ଦେଇଥିଲା ।

 ଯାହାଫଳରେ ଘଟଣାସ୍ଥଳରେ ହିଁ ବାଇକ୍‌ ଆରୋହୀ ଲେକୁରି ସାହୁଙ୍କ ମୃତ୍ୟୁ ହୋଇଥିବା ବେଳେ ମୁରଲୀ ସାହୁ ନାମକ ଜଣେ ବ୍ୟକ୍ତି ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ସେଠାରେ ତାଙ୍କ ଚିକିତ୍ସା ଜାରି ରହିଛି । ସେପଟେ ଦୁର୍ଘଟଣା ପରେ ବସ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ବସ୍‌ରେ ଥିବା ଯାତ୍ରୀ ସେହିପରି ଭାବରେ ବସିରହିଛନ୍ତି ।