29-Mar-2026

ସୋନପୁର (ମନୋରଞ୍ଜନ ତ୍ରିପାଠୀ ) ବିଶ୍ୱ ନାଟକ ଦିବସ ଅବସରରେ ଗତ କାଲି ସୋନପୁର ସାହାରା ଟ୍ରଷ୍ଟ ହାଇସ୍କୁଲ ଠାରେ ନାଟ୍ୟ ଚକ୍ର ଅନୁଷ୍ଠାନ ପକ୍ଷରୁ ନାଟକ "ବୃତ୍ତି" ପରିବେଷଣ କରା ଯାଇଥିଲା l ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ଙ୍କ ଦ୍ଵାରା ରଚିତ ଓ ଗଦାଧର ବାରିକ ଙ୍କ ନିର୍ଦ୍ଦେଶନା ରେ ପରିବେଷିତ ଏହି ନାଟକ ରେ ସୌମ୍ୟ କାନ୍ତ ମିଶ୍ର, ଶ୍ରଦ୍ଧାଞ୍ଜଳୀ ମିଶ୍ର, ଶ୍ରଦ୍ଧାଞ୍ଜଳୀ ଷଡ଼ଙ୍ଗୀ ପ୍ରମୁଖ ସମସ୍ତ କଳାକାର ନିଖୁଣ ଅଭିନୟ କରିଥିଲେ l ଯାହାକି ଅତିଥି ଓ ଦର୍ଶକ ଙ୍କ ପାଇଁ ଖୁବ୍ ମନ ଛୁଆଁ ଥିଲା l  ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଏହି ନାଟକ କୁ ଶୁଭ ଉଦ୍ଘାଟନ କରି ସମାଜ ର କୌଣସି କାର୍ଯ୍ଯ ଛୋଟ ବଡ଼ ନୁହେଁ, ଏହି ନାଟକ ରେ ଜୀବନ ପାଇଁ ସମାଜ ପାଇଁ ଅନେକ ଶିକ୍ଷା ଅଛି ଏବଂ ଏ ନାଟକ ମଣିଷ ର ଜୀବନ ସହ ବହୁତ୍ ସମ୍ପର୍କିତ ବୋଲି ମତ ରଖିଥିଲେ l ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପଧାନ ଯୋଗ ଦେଇ କଳାକାର ଙ୍କ ଅଭିନୟ କୁ ପ୍ରଶଂଶା କରିଥିଲେ l ପ୍ରତୀକ ମହା ରଣା, ସୋମନାଥ ମିଶ୍ର, ଗତି କୃଷ୍ଣ ମିଶ୍ର, ଗିରିଜା ଶଙ୍କର ଭୋଇନା , ସ୍ୱରାଜ ମହାନ୍ତି, ପ୍ରହଲ୍ଲାଦ ମହଲା, ମିଥୁନ କୁମାର ସାହୁ, ରାକା ପଟ୍ଟନାୟକ, ପୀତାମ୍ବର ସୁନା, ସଞ୍ଜୀବ ଥନାପତି, ଆରତୀ ଖମାରୀ, ଦଧି ବାବୁ , ଗୋପାଲ ବେହେରା, ପ୍ରମୁଖ କଳାକାର ଏହି ନାଟକ ରେ ଅଭିନୟ କରିଥିଲେ l ଭେଟରାନ ମ୍ୟୁଜିସିଆନ ଉମେଶ କୁମ୍ଭାର ଙ୍କୁ ନାଟ୍ୟ ଚକ୍ର ପୁରସ୍କାର ରେ ସମ୍ୱର୍ଦ୍ଧିତ କରା ଯାଇଥିଲା l ହଜାର ଦର୍ଶକ ନାଟ୍ୟ ପ୍ରେମୀ ନାଟକ "ବୃତ୍ତି" କୁ ମନଭରି ଉପଭୋଗ କରିଥିବା ବେଳେ ଅନୁଷ୍ଠାନ ର ସମସ୍ତ ସଦସ୍ୟ ସହଯୋଗ କରିଥିଲେ l