29-Mar-2026

କଣ୍ଟାମାଳ(ଜୟ କୁମାର ମହାରଣା): ବିଶ୍ଵ ନାଟ୍ୟ ଦିବସ ଅବସରରେ ଶୁକ୍ରବାର ପଲଶାଗୋରା ଜଗନ୍ନାଥ ମନ୍ଦିର ପ୍ରାଙ୍ଗଣରେ " ଇଣ୍ଟରନେସନାଲ ଥିଏଟର,କଣ୍ଟାମାଳ"ଶାଖାର ସଭାପତି ଜୟ କୁମାର ମହାରଣା ଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଯାଇଅଛି। ପ୍ରଥମେ ସଂଧ୍ୟା ୬.୩୦ ଘଣ୍ଟା ସମୟରେ ଦୀପ ପ୍ରଜ୍ବଳନ କରାଯାଇଥିଲା। ଅନୁଷ୍ଠାନର ସଂପାଦକ ଦିଲୀପ କୁମାର ମହାନ୍ତି କହିଥିଲେ ଯେ ୧୯୬୨ ମସିହାରୁ  ଥିଏଟର ସହ ଯୋଡ଼ି ହୋଇଥିବା ବ୍ୟକ୍ତି ଓ ଅନୁଷ୍ଠାନ ଏହି ଦିବସକୁ ପାଳନ କରି ଆସୁଛନ୍ତି ଏବଂ ପ୍ରତ୍ୟେକ ବର୍ଷ ଜଣେ ଜଣେ ନାଟ୍ୟ ବ୍ୟକ୍ତିତ୍ୱ ସାରା ପୃଥିବୀ କୁ ବାର୍ତ୍ତା ଦେଇଥାଆନ୍ତି। ଏହାପରେ ସେ ୨୦୨୬ ବର୍ଷ ପାଇଁ ଦେଇଥିବା ଆମେରିକାର ନାଟ୍ୟକାର ଉଇଲିୟମ ଡାଫେ ଙ୍କ ବାର୍ତ୍ତା ପଠନ କରିଥିଲେ । ଅନ୍ୟମାନଙ୍କ ମଧ୍ୟରେ ଅଭିନେତା ମନୋଜ ମହାନ୍ତି,ବସନ୍ତ ବାଘ, ଅଚ୍ୟୁତ ଖମାରୀ,ଭକ୍ତରାମ ଗୁରୁ ଓ ପୂର୍ଣ୍ଣ ଚରଣ ସାହୁ -ନାଟ୍ ନାଟୁଆ ର୍ କଥା .. ଉପରେ ବକ୍ତବ୍ୟ ରଖିଥିଲେ। ନାଟ୍ୟପ୍ରେମୀ ଜଗତ ମୋହନ ସାହୁ,କୁନା ଭୋଇ,ମୋତିଲାଲ ମେହେର,ମାନସ ବଗର୍ତ୍ତୀ,ମନୋଜ ବାରିକ ଓ ମାଁ ଭୈରବୀ ନାଟ୍ୟ ସଂସଦର କଳାକାରମାନେ ଯୋଗ ଦେଇଥିଲେ। ଶେଷରେ ଅଶୋକ ମହାନ୍ତି ଧନ୍ୟବାଦ ଅର୍ପଣ କରିଥିଲେ।