29-Mar-2026

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ସଦର ଥାନା ଅଧୀନସ୍ଥ , ସରଗାଡ ଗ୍ରାମର  ତିରଲି ନାଗ (୫୨) ଙ୍କ ଏକ ଅଜଣା ଗାଡ଼ି ଧକ୍କାରେ ମୃତ୍ୟୁ ହୋଇଛି l ସୂଚନା ରୁ ପ୍ରକାଶ ଯେ ତିରଳି ନାଗ ଗତ ଶନିବାର ଭୋର୍ ୫ ଟା ୩୦ ରେ ସେ ନିଜ ସାଇକଲ ଯୋଗେ କୌଣସି  କାମରେ  ଯାଉଥିଲେ । ଗାଁ ମୁଣ୍ଡ ରେ ଏକ ଅଜଣା ଗାଡ଼ି ଧକ୍କା ଦେଇ ଫେରାର ମାରିଥିବା ବେଳେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହେଲା l ଖବର ପାଇ ବଲାଙ୍ଗୀର ସଦର ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ  କରିଥିଲେ l ମୃତକ ଜଣକ ତାଙ୍କ ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ l ଏଣୁ ପରିବାର ପକ୍ଷରୁ ସରଗାଡ଼ - ସିଂହାଣିମୁଣ୍ଡା  ରାସ୍ତାରେ ଶବ ରଖି ରାସ୍ତାରୋକ କରିଥିଲେ l ପରେ ଲୋଇସିଂହା ତହସିଲଦାର ଟିକୁନୁ ପୁଟା ପହଞ୍ଚି ରେଡକ୍ରସ ପାଣ୍ଠିରୁ ୨୦ ହଜାର ଟଙ୍କା ପ୍ରଦାନ କରିଥିଲେ। ତାପରେ ରାସ୍ତାରୋକ୍  ରୁ  ପରିବାର ବର୍ଗ ଉଠିଥିଲେ l ଏହାସହ ଦୁର୍ଘଟଣା ଘଟାଇଥିବା ଗାଡିକୁ ଚିନ୍ହଟ କରି ଧରିବା ସହ ପରିବାର କୁ ଉପଯୁକ୍ତ ସହାୟତା ପ୍ରଦାନ ପାଇଁ ସରଗାଡ଼ ସରପଞ୍ଚ ସରୋଜ ବେହେରା ଓ ସମିତିସଭ୍ୟ ବୀରେନ୍ଦ୍ର ସାହୁ ଦାବୀ କରିଛନ୍ତି l