28-Mar-2026

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ ଅନ୍ତର୍ଗତ କୁଶଙ୍ଗ ଆଞ୍ଚଳିକ ଡିଗ୍ରୀ କଲେଜ ଅଧ୍ୟକ୍ଷ ଡ. ବିଜୟ କୁମାର କଲେଟ ଙ୍କୁ   ସମ୍ବର୍ଦ୍ଧନା ଦିଆଯାଇଛି l ଡ. କଲେଟ ଙ୍କୁ ଭାରତ ସରକାର ଙ୍କ ଦ୍ଵାରା ଡକ୍ଟରେଟ ଉପାଧି ପ୍ରଦାନ କରାଯାଇଛି l ଏନେଇ ଆଜି କଲେଜ ପରିସରରେ ଆୟୋଜିତ ସମ୍ବର୍ଦ୍ଧନା ସଭାରେ କୁଶଙ୍ଗ ଗୌନ୍ତିଆ ବୃନ୍ଦାବନ ପଟେଲ ଙ୍କ ସଭାପତିତ୍ବ କରିଥିଲେ l ଏହି ଅବସରରେ ଡ. କଲେଟ୍ ଙ୍କୁ ପୁଷ୍ପଗୁଚ୍ଛ, ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ଏହାସହ ଡ଼. କଲେଟ୍ ଗ୍ରାମବାସୀ ଙ୍କୁ କୃତଜ୍ଞତା ଜଣାଇବା ସହ ଆଗାମୀ ୨୦୨୬ - ୨୭ ଶିକ୍ଷାବର୍ଷ ରୁ ଓଡ଼ିଆ ଓ ଇତିହାସ ବିଭାଗରେ ପିଜି ପାଠ୍ୟକ୍ରମ ଆରମ୍ଭ କରିବାକୁ ମତ ପ୍ରକାଶ କରିଥିଲେ l ଏହି କାର୍ଯ୍ୟକ୍ରମରେ ପ୍ରଶାନ୍ତ ପଟେଲ, ଲଳିତ କୁମାର ପଟେଲ, ଗୋବିନ୍ଦ ଅଗ୍ରୱାଲ, ଆନନ୍ଦ ପଟେଲ, ସାରଥୀ ପଧାନ, କ୍ଷମା ସାଗର ସାହୁ, ଶ୍ୟାମସୁନ୍ଦର ବେହେରା, ଡ ଲକ୍ଷ୍ମଣ କୁମାର ମେହେର, ବାରିଧି ତନୟା ତ୍ରିପାଠୀ, ଲିସାରାଣୀ କଠାର, ଚକ୍ରପାଣି ପଟେଲ, ପଞ୍ଚାନନ ପଟେଲ, ଚକ୍ରଧର ପଟେଲ, ରମାକାନ୍ତ ରାଉତ, ପବିତ୍ର ବାଗ, ଲଳିତ ପଧାନ, ବିପିନ ନାଏକ ପ୍ରମୁଖ ଉପସ୍ଥିତ ଥିଲେ l ସଭାରେ  ଷଡାନନ ରାଉତ ମାନପତ୍ର ପାଠ କରିଥିବା ବେଳେ କରୁଣାକର ପଟେଲ ସଭାକୁ ସଂଯୋଜନା କରିଥିଲେ l ବିଜ୍ଞଶ୍ରୀ ଗୁରୁ ଧନ୍ୟବାଦ୍ ଅର୍ପଣ କରିଥିଲେ l