23-Mar-2026

ବଲାଙ୍ଗୀର (ପ୍ରେରଣା ଖବର): ସ୍ୱାସ୍ଥ୍ୟ ସେବାରେ ନିଜର କ୍ୟାରିୟର ଗଠନ କରିବାକୁ ଚାହୁଁଥିବା ମହିଳା ମାନଙ୍କ ପାଇଁ ରାଜ୍ୟରେ ଅନେକ ନର୍ସିଂ କଲେଜ କାର୍ଯ୍ୟ କରୁଛି । ଏହି ପରିପ୍ରେକ୍ଷୀରେ ଏଏନ୍‌ଏମ ଛାତ୍ରୀ ମାନଙ୍କୁ ନିଜର କୋର୍ସ ସମାପ୍ତ ପରେ ଚାକିରୀ ଖୋଜିବାକୁ ପଡିବ ନାହିଁ ବଂର ନିଯୁକ୍ତିର ଏକ ଅପୂର୍ବ ସୁଯୋଗ ଆଣି ଦେଇଛି ଉତ୍କଳ କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍ସ । ଆଜି ବଲାଙ୍ଗୀର ଆଦର୍ଶ ପଡା ସ୍ଥିତ ଉତ୍କଳ କଲେଜ ଅଫ୍ ନର୍ସିଂ ପରିସରରେ ଭୁବନେଶ୍ୱରର ନିଯୁକ୍ତିକାରୀ ସଂସ୍ଥା ସୁଯତ୍ନ ହେଲଥ କେୟାର ପକ୍ଷରୁ ଏକ ମେଗା ନିଯୁକ୍ତି ମେଳା ଵା ଜବ ଡ୍ରାଇଭ ଅନୁଷ୍ଠିତ ହୋଇଥିଲା । ଏଥିରେ ୨୮ଜଣ ଏଏନ୍‌ଏମ୍ ଛାତ୍ରୀ ନାମ ପଂଜିକୃତ କରିଥିବା ବେଳେ ୧୮ଜଣ ଛାତ୍ରୀଙ୍କ ସାଟିର୍ଫିକେଟ ଯାଂଚ କରାଯାଇ ତୁରନ୍ତ ନିଯୁକ୍ତିପତ୍ର ପ୍ରଦାନ କରାଯାଇଥିଲା । ଉତ୍କଳ କଲେଜ ଅଫ୍ ନର୍ସିଂ ର ପ୍ରଶାସନିକ ଅଧିକାରୀ ରବିନ୍ଦ୍ର କୁମାର ତ୍ରିପାଠୀଙ୍କ ତତ୍ତ୍ୱାବଧାନରେ ଆୟୋଜିତ ଏହି ପ୍ଲେସମେଣ୍ଟ ଡ୍ରାଇଭ୍ ରେ ଏକାଡେମିକ ହେଡ୍ ଜୟଲକ୍ଷ୍ମୀ ନାଏକ ଓ ଅଧ୍ୟକ୍ଷା ମଞ୍ଜୁଲତା ସାହୁ ପ୍ରମୁଖ ସହଯୋଗ କରିଥିଲେ । ବଲାଙ୍ଗୀରରେ ପ୍ରଥମ ଥର ପାଇଁ ଉତ୍କଳ କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍ସ ଏଏନ୍‌ଏମ୍ ଛାତ୍ରୀ ମାନଙ୍କୁ ଅଧ୍ୟୟନ ସମୟରେ ହିଁ ନିଯୁକ୍ତି ପ୍ରଦାନ କରିବାର ଏକ ସୁଯୋଗ ଦେଇଛି । ଏହି ପଦକ୍ଷେପକୁ ଛାତ୍ରୀ ମାନେ ପ୍ରଶଂସା କରିବା ସହ ଉତ୍କଳ କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍ସ କୁ ନିଜର କୃତଜ୍ଞତା ଜ୍ଞାପନ କରିଛନ୍ତି । ଏହି ଅବସରରେ ସୁଯତ୍ନ ହେଲଥ କେୟାରର ପରିଚାଳନା ନିର୍ଦ୍ଦେଶକ ଜ୍ଞାନରଂଜନ ଭୂୟାଁ ଏବଂ ନିଯୁକ୍ତି ସଂଯୋଜକ ସୁଭଶ୍ରୀ ମଲ୍ଲିକ ଏହି ପ୍ଲେସମେଣ୍ଟ ଡ୍ରାଇଭ୍ ରେ ଉପସ୍ଥିତ ରହି ଏଏନ୍‌ଏମ୍ ଛାତ୍ରୀ ମାନଙ୍କ କ୍ୟାରିୟର କାଉନସେଲିଙ୍ଗ କରିବା ସହ ସ୍ୱାସ୍ଥ୍ୟ ସେବାର ମହତ୍ୱ ଓ ଜଣେ ସ୍ୱାସ୍ଥ୍ୟ କର୍ମଚାରୀ ଭାବରେ ସମାଜ ପ୍ରତି ଥିବା ଦାୟିତ୍ୱ ସଂପର୍କରେ ବିଷଦ ଆଲୋଚନା କରିଥିଲେ ।