23-Mar-2026

ସୋନପୁର (ମନୋରଞ୍ଜନ ତ୍ରିପାଠୀ )
 ଶ୍ରୀ ରାମେଶ୍ୱର ଷ୍ଟାଡିୟମ୍ ଠାରେ ସୋନପୁର ପ୍ରେସ କ୍ରିକେଟ୍ ଟିମ ଓ ମେଡିକାଲ୍ ଟିମ୍ ମଧ୍ୟରେ ଏକ ବନ୍ଧୁତ୍ୱ ପୁର୍ଣ୍ଣ କ୍ରିକେଟ୍ ମ୍ୟାଚ୍ ଅନୁଷ୍ଟିତ ହୋଇଥିଲା l ୧୦ ଓଭର ବିଶିଷ୍ଟ ଏହି ଟେନିସ ବଲ କ୍ରିକେଟ୍ କୁ ସୁବର୍ଣ୍ଣପୁର ଅତିରିକ୍ତ ଆରକ୍ଷୀ ଅଧୀକ୍ଷକ ଶ୍ରୀ କେ. କେ, ହରିପ୍ରସାଦ ଶୁଭ ଉଦ୍ଘାଟନ କରିଥିଲେ l ଓ ଉଭୟ ଦଳ ର ଖେଳାଳି ଙ୍କ ସହ ପରିଚୟ ପ୍ରଦାନ କରି ଉତ୍ସାହିତ କରିଥିଲେ l ଟସ୍ ଜିଣି ମିଡିଆ ଟିମ ପ୍ରଥମେ ବୋଲିଂ ନିଷ୍ପତ୍ତି ନେଇ ଡେଲି ଅଭ୍ୟାସ ରତ ଖେଳାଳି ମେଡିକାଲ୍ ଟିମ୍ କୁ ବ୍ୟାଟିଂ କରିବାକୁ କହି ସାହସିକତା ର ପରିଚୟ ଦେଇ ଥିଲେ l ମେଡିକାଲ ଟିମ ପ୍ରଥମେ ବ୍ୟାଟିଂ କରି ୧୦ ଓଭର ରେ ୧୭୬ ରନ୍ କରି ମିଡିଆ ଦଳ କୁ ୧୭୭ ରନ୍ ର ଟାର୍ଗେଟ ଦେଇଥିଲେ l ମେଡିକାଲ୍ ଟିମ୍ ପକ୍ଷରୁ କ୍ଷୀରୋଦ ବିଶ୍ଵାଳ ୫୬ ରନ୍ କରି ନଟ ଆଉଟ୍ ରହିଥିବା ବେଳେ ରସିକ ୫୧ ରନ୍ କରି ନଟ ଆଉଟ୍ ରହିଥିଲେ l ମିଡିଆ ଟିମ୍ ପକ୍ଷରୁ ପେସ୍ ବୋଲର ରତନ ପଟ୍ଟନାୟକ ୧ 
 ଓଭର ରେ ମାତ୍ର ୫୬ ରନ୍ ଓ ସନ୍ତୋଷ ମିଶ୍ର ୧ ଓଭର ରେ ମାତ୍ର ୩୬ ରନ୍ ଦେଇଥିଲେ l ମିଡିଆ ଦଳ ପକ୍ଷରୁ ମାନଭଞ୍ଜନ ପୂଜାରୀ ସର୍ବାଧିକ ୨୧ ରନ୍, ଶେଷଦେବ ୨୦ ରନ୍ ଓ ନିରଞ୍ଜନ ଭୋଇ ୧୮ ରନ କରିଥିଲେ l ଓ ଶେଷ ଓଭର ଶେଷ ବଲ ଯାଏ ଖୁବ୍ ସଙ୍ଘର୍ଷ ସହ ଖେଳି ୪ ୱିକେଟ୍ ରେ ମିଡିଆ ଦଳ ୯୮ ରନ କରିଥିଲେ l ମ୍ୟାଚ୍ ପରାଜୟ ସତ୍ତ୍ୱେ ଦୀର୍ଘ ବର୍ଷ ରୁ ଖେଳ ର ଅଭ୍ୟାସ ନ ଥାଇ ବି ବିଶାଳ ସ୍କୋର ର ପିଛା କରି ୯୮ ରନ କରି ଖୁବ ମଜା ନେଇଥିଲେ ମିଡିଆ ଦଳ l ମିଡିଆ ଦଳ ର ଟିମ୍ ମ୍ୟାନେଜର ଭାବେ ଭାସ୍କର ବାବୁ ଶ୍ରଦ୍ଧା କର ଦାଶ ଦାୟିତ୍ବ ତୁଲାଇ ଥିବା ବେଳେ ମନୋରଞ୍ଜନ ତ୍ରିପାଠୀ ଅଧିନାୟକ ଓ ସତ୍ୟବ୍ରତ ପଧାନ ଉପ ଅଧିନାୟକ ଦାୟିତ୍ବ ତୁଲାଇ ଥିଲେ l  ରତନ ପଟ୍ଟନାୟକ, ରାଜ କିଶୋର ତ୍ରିପାଠୀ, ସନ୍ତୋଷ ମିଶ୍ର, ସହଦେବ ମେହେର, ସରୋଜ ପଧାନ, ଧନଞ୍ଜୟ ଆଡ ଯୁଆଡି, ନିରଞ୍ଜନ ଭୋଇ, ମାନ ଭଞ୍ଜନ ପୁଝାରୀ , ଓ ଶେଷଦେବ ପ୍ରମୂଖ ଅଲ୍ ରାଉଣ୍ଡର ଖେଳାଳି ଏଥିରେ  ଭାଗ ନେଇ ଥିଲେ l ମେଡିକାଲ ବ୍ୟାଙ୍କର୍ସ ଟିମ୍ ପକ୍ଷରୁ ଅନାଦି, ସଂତୋଷ, ସୁଶାନ୍ତ, ବିକାଶ, ଅଶୋକ କ୍ଷୀରୋଦ ବିଶ୍ଵାଳ, ରୋଷିକ, ସରୋଜ, ରୋହିତ୍, ହିତେଶ ପ୍ରମୁଖ ଖେଳାଳି ଭାଗ ନେଇ ଥିଲେ  l ଅମ୍ପାୟାର ଭାବେ ନାରାୟଣ ରଥ, ରୋହିତ୍ କୁମାର ଦାୟିତ୍ବ ତୁଲାଇ ଥିଲେ l