23-Mar-2026

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ଝରଣୀପାଲୀ ପଂଚାୟତ ରେ ପଂଚାୟତ ସ୍ତରୀୟ ଯୁଗ୍ମ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଉକ୍ତ ଶିବିର ଟି ସରପଞ୍ଚ ଶ୍ରୀମତୀ ସୁଜାତା ସାହୁ ଙ୍କ ତତ୍ୱାବଧାନ ରେ ଆଗଲପୁର ବ୍ଲକ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରୁଦ୍ରପ୍ରତାପ ସୁନା ଯୋଗ ଦେଇଥିଲେ l ଏହାସହ ଆଗଲପୁର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଡାକ୍ତର ଧୀରେନ୍ଦ୍ର ମେହେର, ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର ମଧ୍ୟ ଶିବିର ରେ ଉପସ୍ଥିତ ରହି ଅଭିଯୋଗ ଗ୍ରହଣ କରିଥିଲେ l ଗ୍ରାମ ପଂଚାୟତ ଅଧିକାରୀ ଶ୍ରୀ ଦେବରାଜ ତାଣ୍ଡି, ଅଂଶୁମାନ ଦେବ ବାବୁ, ସୁଶାନ୍ତ ମହାକୁର, ଜ୍ଞାନରଞ୍ଜନ ସା, ସିପୁନ ପୁଟେଲ, ଅଭି ସାହୁ, ଏ ପି ଓ  ଜଗତଜିତା ସେଠି, କନିଷ୍ଟ ଯନ୍ତ୍ରୀ ବିଭୁତି ସାମଲ ପ୍ରଭୃତି  ଶିବିର ରେ ଉପସ୍ଥିତ ରହି ନିଜ ନିଜ ବିଭାଗର ଅଭିଯୋଗ ଗୁଡିକ ଗ୍ରହଣ କରିଥିଲେ l ପଂଚାୟତ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ରଶ୍ମିରଞ୍ଜନ ପଧାନ, ଯୋଗାଣ ସହାୟକ ଉପସ୍ଥିତ ରହି ଶିବିର କୁ ସହଯୋଗ କରିଥିଲେ l ଆଜିର ଜନ ଶୁଣାଣି ଶିବିର ରେ ସର୍ବ ମୋଟ ୧୬ ଗୋଟି ଅଭିଯୋଗ ପଞ୍ଜିକରଣ ହୋଇଥିବା ପଞ୍ଜିକରଣ ଅଧିକାରୀ ସୂଚନା ଦେଇଛନ୍ତି l ବିଭିନ୍ନ ପ୍ରକାର ର ଯଥା  ମନରେଗା, ଭତ୍ତା, ରାସନ କାର୍ଡ, ଆବାସ ଗୃହ, ପାନୀୟ ଜଳ, ରାସ୍ତା ଉପରେ ଅଭିଯୋଗ ପଞ୍ଜିକରଣ ହୋଇଥିଲା l ଶାନ୍ତି ଓ ଶୃଙ୍ଖଳା ସହ ଏହି ଶିବିର ଟି ସମାପନ ହୋଇଥିବା ସରପଞ୍ଚ ଶ୍ରୀମତୀ ସାହୁ ପ୍ରକାଶ କରିଛନ୍ତି l