05-Feb-2021

ଅନୁଗୋଳ(ପ୍ରେରଣା ଖବର) : ଡିଜେଲ ଚୋରି ରାକେଟର ପର୍ଦ୍ଦାଫାଶ କଲା ପୋଲିସ । ଅନୁଗୋଳ ଜିଲ୍ଲା କଣିହାଁ ଥାନା କୁମୁଣ୍ଡା ଗ୍ରାମ ନିକଟରେ ଚାଲିଥିବା ଡିଜେଲ ଚୋରି ରାକେଟ ଉପରେ ଜିଲ୍ଲା ପୋଲିସର ସ୍ବତନ୍ତ୍ର ସ୍କାର୍ଡ ଚଢ଼ାଉ କରିଛି । ଏହି ସମୟରେ ବିପୁଳ ପରିମାଣର ଡିଜେଲ, ୨ଟି ବୋଲେରୋ, ଦୁଇଟି ବାଇକ୍, ଗୋଟିଏ ସ୍କୁଟି ଜବତ କରିବା ସହିତ ୫ ଜଣଙ୍କୁ ଘଟଣାସ୍ଥଳରୁ ଗିରଫ କରିଛି ।

ଏହି ଗ୍ୟାଙ୍ଗ ବିଭିନ୍ନ ଖଣି ଓ ଟ୍ରାନ୍ସପୋର୍ଟ କମ୍ପାନୀର ଗାଡିରୁ ଡିଜେଲ ଚୋରି କରିଥାନ୍ତି । ଏନେଇ ବିଭିନ୍ନ ଅଭିଯୋଗ ଆସିବାରୁ ଚଢ଼ାଉ କରାଯାଇଥିଲା । ଏହା ପୂର୍ବରୁ ପାଳଲହଡାରେ ଏକ ଗ୍ୟାଙ୍ଗକୁ କିଛି ଦିନ ପୂର୍ବରୁ ଧରାଯାଇଥିଲା । ଏଥିରେ ତାଙ୍କର ସଂପୃକ୍ତ ଥିବା ନେଇ ଅନୁମାନ କରାଯାଉଥିବା ସ୍ପେଶାଲ ସ୍କ୍ବାଡ୍ର ଅଧିକାରୀ କରିଛନ୍ତି । ସମସ୍ତ ଜବତ ଡିଜେଲ, ଗାଡି ଓ ଅଭିଯୁକ୍ତ ୫ ଜଣକୁ କଣିହାଁ ପୋଲିସକୁ ହସ୍ତାନ୍ତର କରାଯାଇଛି ।