05-Feb-2021

କଳାହାଣ୍ଡି (ସଂଜୀବ କୁମାର ଦାସ): ରେଳ ଧାରଣା କଡରୁ ବେଦାନ୍ତ ମେଡିକାଲ କର୍ମଚାରୀଙ୍କ ମୃତଦେହ ଠାବ ହୋଇଛି । ଟ୍ରେନ୍ ରେ କଟି ମୃତ୍ୟୁ ହୋଇଥିବା ସନ୍ଦେହ । ଘଟଣାସ୍ଥଳରେ ପୋଲିସର ତଦନ୍ତ ଆରମ୍ଭ ।

ସୂଚନାଯୋଗ୍ୟ ଯେ, କଳାହାଣ୍ଡି ଜିଲ୍ଲା ଲାଞ୍ଜିଗଡ ରୋଡ୍ ରେଳଷ୍ଟେସନର ସିକେରକୁପା ରେଳ ଲାଇନରୁ ମୃତଦେହ ଠାବ ହୋଇଛି।  ଟ୍ରେନରେ କଟି ମୃତ୍ୟୁବରଣ କରିଥିବା ସନ୍ଦେହ କରାଯାଉଛି। ମୃତକ ଜଣଙ୍କ ଲାଞ୍ଜିଗଡ ବେଦାନ୍ତ ମେଡିକାଲ କର୍ମଚାରୀ ଜଗନ୍ନାଥ ବାଗ । ତାଙ୍କ ବୟସ ୪୭ ବର୍ଷ ବୋଲି ଜଣାପଡିଛି । ତାଙ୍କ ଘର ଭବାନୀପାଟଣା ଗୌଟିଆପଡାର । ସେ ୨୦୦୫ ମସିହାରୁ ଲାଞ୍ଜିଗଡ ବେଦାନ୍ତ ମେଡିକାଲରେ କାମ କରୁଥିଲେ। 
ସିକେରକୁପା ଟ୍ରେନ୍ ଫାଟକ ନିକଟରେ ତାଙ୍କର ଓଡି ୦୮ ଏଲ ୬୪୭୪ ନମ୍ବର ବିଶିଷ୍ଟ ବାଇକ୍ ଠିଆ ହୋଇଥିଲା ।  ୨୦୦ ମିଟର ଦୂରରେ ତାଙ୍କର ମୃତଦେହ ପଡିଥିବା ଦେଖାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।