27-Feb-2026

ବଲାଙ୍ଗିର ଜିଲ୍ଲାର ସକମା ସ୍ଥିତ ଯୁବୋଦୟା କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜିର ଛାତ୍ରଛାତ୍ରୀମାନେ ଗତ ବର୍ଷର ପରମ୍ପରାକୁ ଅବ୍ୟାହତ ରଖି ଏହି ବର୍ଷ ମଧ୍ୟ ରାଜେନ୍ଦ୍ର ବିଶ୍ୱବିଦ୍ୟାଳୟର ପତାକା ତଳେ ରାଜ୍ୟ ସ୍ତରୀୟ ଅନ୍ତର-ବିଶ୍ୱବିଦ୍ୟାଳୟ କ୍ରୀଡା ପ୍ରତିଯୋଗିତାରେ ଅଂଶଗ୍ରହଣ କରିଛନ୍ତି।
ଗତ ବର୍ଷର ଭଳି ଏହି ବର୍ଷ ମଧ୍ୟ ଝିଅ ଦଳ ରାଜ୍ୟ ସ୍ତରକୁ ପହଞ୍ଚି ସଫଳତାର ସହ ଅଂଶଗ୍ରହଣ କରୁଛନ୍ତି। ଏହା ସହିତ ପ୍ରଥମ ଥର ପାଇଁ ପୁରୁଷ ବାସ୍କେଟବଲ୍ ଦଳ ବାଲେଶ୍ୱରରେ ଆୟୋଜିତ ରାଜ୍ୟ ସ୍ତରୀୟ ପ୍ରତିଯୋଗିତାରେ ଯୋଗଦେଇ

କଲେଜ ପାଇଁ ଗୌରବ ଆଣିଛି।
ଏହା ଜଣା ଯାଉଛି ଯେ କଲେଜରୁ ମୋଟ ୧୩ ଜଣ ଖେଳାଳି ରାଜ୍ୟ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିଛନ୍ତି। ତାହାରୁ ୭ ଜଣ ଝିଅ ଓ ୬ ଜଣ ପୁଅ ବସ୍କେଟ ବଳର  ଅନ୍ତିମ ଦଳରେ ସ୍ଥାନ ପାଇଛନ୍ତି। ତାଙ୍କର ନାମଗୁଡ଼ିକ- ପୁରୁଷ ଦଳ; ଧ୍ରୁବ ସିଂହନିନା (କ୍ୟାପ୍ଟେନ୍), ଅମନ ଗୁପ୍ତା (ଉପ-କ୍ୟାପ୍ଟେନ୍), ଅଙ୍କିତ ମିଶ୍ର, ଆୟୁଷ ଅବିସାନ୍ତ୍ ନାଥ, ସାଇଲିନ କୁମ୍ଭାର, ଓମପ୍ରକାଶ ଦିକ୍ଷିତ । ମହିଳା ଦଳ; ଅର୍ପିତା (କ୍ୟାପ୍ଟେନ୍), ସ୍ନେହା (ଉପ--କ୍ୟାପ୍ଟେନ୍), ଜ୍ୟୋତି, ଶ୍ରୁତି, ମୌସମୀ, ସୋନାକ୍ଷୀ, ସିମରନ ସିଂହ
ରାଜେନ୍ଦ୍ର ବିଶ୍ୱବିଦ୍ୟାଳୟର କ୍ରୀଡା ପରିଷଦ ମୁଖ୍ୟ ଶ୍ରୀ ବିଶ୍ୱଜିତ୍

ବେହେରାଙ୍କ ନିର୍ଦ୍ଦେଶନା ଅନୁଯାଇ ଦଳକୁ ବାଲେଶ୍ୱର ପଠାଯାଇଥିଲା। ଜିଲ୍ଲା କ୍ରୀଡା ଅଧିକାରୀ ଶ୍ରୀ ପରାଶର ବାଗଙ୍କ ମୂଲ୍ୟବାନ ସାହାଯ୍ୟ ଓ ଆର୍.ଏନ୍. ସିଂହଦେଓ ଷ୍ଟାଡିୟମରେ ନିୟମିତ ଅଭ୍ୟାସ ଫଳରେ ବିଶ୍ୱବିଦ୍ୟାଳୟ ବାସ୍କେଟବଲ୍ ଦଳ ରାଜ୍ୟ ସ୍ତରରେ ପ୍ରତିନିଧିତ୍ୱ କରିବାକୁ ସମର୍ଥ ହୋଇପାରିଛି।
ସମସ୍ତ ଛାତ୍ରଛାତ୍ରୀ ଓ କଲେଜ ପ୍ରଶାସନ ପକ୍ଷରୁ ଦଳକୁ ଉତ୍କୃଷ୍ଟ ପ୍ରଦର୍ଶନ ପାଇଁ ଅନେକ ଶୁଭେଚ୍ଛା ଜଣାଯାଇଛି।