25-Feb-2026

ନୂଆପଡ଼ା (ରାମନାଥ ପଣ୍ଡା )
ଜାତୀୟ ସେବା ଯୋଜନା,ଓଡ଼ିଶା ୟାଚିଂ କ୍ଲବ,ରାଜ୍ୟ ଯୁବକ୍ରୀଡ଼ା ମନ୍ତ୍ରଣାଳୟ ଓଡ଼ିଶା ସରକାର ଭୁବନେଶ୍ୱର ଓ ଉଚ୍ଚ ଶିକ୍ଷା ବିଭାଗ ଓଡ଼ିଶା ସରକାରଙ୍କ ସହଯୋଗରେ କଟକ ସ୍ଥିତ ମହାନଦୀ ଘାଟ ନିକଟସ୍ଥ ସୂର୍ଯ୍ୟଦୀପରେ ଦୁଃସାହସିକ ଜଳକ୍ରୀଡ଼ା ଶିବିର ଅନୁଷ୍ଠିତ ହୋଇଯାଇଛି ।କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ସୂର୍ଯ୍ୟବଂଶୀ ସୁରଜ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି ।ସମ୍ମାନିତ ଅତିଥି ରୂପେ ବିଧାୟକ ପ୍ରକାଶ ଚନ୍ଦ୍ର ସେଠୀ,ଅଭିନେତା ଶ୍ରୀତମ ଦାସ ପ୍ରମୁଖ ଯୋଗଦାନ କରିଥିଲେ।ଶିବିରରେ ଚାରୋଟି ଜିଲ୍ଲା ସମ୍ବଲପୁର,ସୁନ୍ଦରଗଡ,ନୂଆପଡ଼ା ଓ କଳାହାଣ୍ଡିରୁ ୧୫୦ ଜଣ ଏନ୍ ଏସ ଏସ ସ୍ବେଚ୍ଛାସେବୀ ପ୍ରଶିକ୍ଷଣ ନେଇଛନ୍ତି ।ଅଂଶଗ୍ରହଣକାରୀ ସୂର୍ଯ୍ୟ ଦୀପରେ ବିଭିନ୍ନ ଦୁଃସାହସିକ ଜଳକ୍ରୀଡ଼ା, ସ୍କୁବା ଡ୍ରାଇଭିଂ,ସ୍ନୋ କେର୍ଲିଂ, ୱିଣ୍ଡ ସର୍ପିଂ,କାୟାକ, ପେଡାଲ ବୋଟ ଭଳି ତାଲିମ ନେଇଛନ୍ତି ।ମା ମାଣିକେଶ୍ଵରୀ ବିଶ୍ଵବିଦ୍ୟାଳୟରୁ ତଥା ବୋଡ଼େନ ସ୍ନାତକ ମହାବିଦ୍ୟାଳୟ କାର୍ଯ୍ୟକ୍ରମ ଅଧିକାରୀ ଡଃ କିଶୋର କୁମାର କର୍ଣ୍ଣ ଓଡ଼ିଶାର କଣ୍ଟି ଜେଣ୍ଟ ଲିଡର ଓ ସ୍ବେଚ୍ଛାସେବୀ ପ୍ରେମଶିଲା ମାଝୀ,ସାକ୍ଷୀ ରାଉତ,ପ୍ରିୟଙ୍କା ଛତ୍ରିଆ,କ୍ଷୀରୋଦ ଗହିର ଓ ନରେନ୍ଦ୍ର ରାଉତ ଯୋଗଦାନ କରିଥିଲେ ।