07-Feb-2026

ଡୁଙ୍ଗୁରିପାଲି, ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ମାୟାବାର୍ହା କ୍ଲଷ୍ଟର ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପଣ୍ଡକିଟାଲ ଠାରେ ଅଭିପ୍ରେରଣା କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଶିକ୍ଷୟିତ୍ରୀ ସୁଶ୍ରୀ ତପସ୍ବିନୀ ଦାଶ ପଞ୍ଚମ ଓ ଅଷ୍ଟମ ଶ୍ରେଣୀରେ ଅଧ୍ୟୟନ ରତ ଛାତ୍ରଛାତ୍ରୀ ମାନଙ୍କୁ ସମାପ୍ତିସୂଚକ ମୂଲ୍ୟାୟନ ୨ ରେ ଚାପ ମୁକ୍ତ ଓ ଭୟମୁକ୍ତ ରହିବା ପାଇଁ ଏହି ଅଭିନବ କାର୍ଯ୍ୟକ୍ରମ ସମ୍ପାଦନ କରିଥିଲେ।ଉକ୍ତ କାର୍ଯ୍ୟକ୍ରମରେ ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ଦ୍ୱାରା ପ୍ରଦତ୍ତ ମୂଲ୍ୟାୟନ କାର୍ଯ୍ୟସୂଚୀ,ମୂଲ୍ୟାୟନର ଉପାଦାନ, ଉପ- ଉପାଦାନ ଓ ଗୁରୁତ୍ୱ, ପ୍ରଶ୍ନପତ୍ରର ପ୍ରକାର ଓ ପ୍ରଶ୍ନପତ୍ରର ଅଭ୍ୟାସ ବିଷୟରେ ପ୍ରାଞ୍ଜଳ ଭାବରେ ଛାତ୍ରଛାତ୍ରୀ ମାନଙ୍କୁ ବୁଝାଇ ଥିଲେ।ପରୀକ୍ଷା ଢାଞ୍ଚାରେ ଲିଖିତ ଓ ପ୍ରକଳ୍ପ କାର୍ଯ୍ୟର ମୂଲ୍ୟାୟନ ବିଷୟରେ ଛାତ୍ରଛାତ୍ରୀଙ୍କୁ ସବିଶେଷ ଭାବରେ ସୁଶ୍ରୀ ଦାଶ ବୁଝାଇଥିଲେ। ଏହି ଅଭିନବ କାର୍ଯ୍ୟକ୍ରମ ଛାତ୍ରଛାତ୍ରୀ ମାନଙ୍କୁ ଆଗାମୀ ଦିନରେ  ପରୀକ୍ଷାରେ ଚାପମୁକ୍ତ ଓ ଭୟମୁକ୍ତ ରହିବାର  ସୁଯୋଗ ସୃଷ୍ଟି ହେବ ଓ ପିଲାମାନଙ୍କର ଆତ୍ମବିଶ୍ୱାସ ବୃଦ୍ଧି ହୋଇଛି ବୋଲି ଅଭିଭାବକ ମାନେ ମତ ଦେଇଛନ୍ତି।ପ୍ରକାଶ ଥାଉ କି ସୁଶ୍ରୀ ଦାଶ ତାଙ୍କର ସ୍ୱତନ୍ତ୍ର ଶିକ୍ଷାଦାନ ଯୋଗୁ ଚଳିତ ବର୍ଷ ଜଣେ ଛାତ୍ର ତୃତୀୟ ମେଧା ବୃତ୍ତି ପରୀକ୍ଷାରେ ସଫଳତାର ସହିତ ଉତ୍ତୀର୍ଣ୍ଣ ହୋଇଛନ୍ତି।ଅଭିପ୍ରେରଣା ଅଭିନବ କାର୍ଯ୍ୟକ୍ରମକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି।