06-Feb-2026

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ଜିଲ୍ଲାର ଲୋଇସିଂହା ସ୍ଥିତ ଅଗ୍ରସେନ୍ ଭବନ୍ ଠାରେ ବିଧାୟକ କପ୍ ଫୁଟବଲ୍ ଟୁର୍ଣ୍ଣାମେଣ୍ଟ 2026 ଆୟୋଜନ ସକାଶେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ସାମ୍ବାଦିକ ସମ୍ମିଳନୀ ରେ ମାନ୍ୟବର ସ୍ବାସ୍ଥ୍ୟମନ୍ତ୍ରୀ ଙ୍କ ପ୍ରତିନିଧି ଲୋଇସିଂହା ଶ୍ରୀ ଗୌରାଙ୍ଗ ନାଏକ, ସ୍ବାସ୍ଥ୍ୟମନ୍ତ୍ରୀ ଙ୍କ ଆଗଲପୁର ପ୍ରତିନିଧି ଶ୍ରୀ ପିତାମ୍ବର କଣ୍ଟା, ସ୍ବାସ୍ଥ୍ୟମନ୍ତ୍ରୀ ଙ୍କ ପ୍ରତିନିଧି ପୁଇନ୍ତଳା ଶ୍ରୀ ଅଜିତ ପଣ୍ଡା ସମ୍ବିଲନି ରେ ଭାଗ ନେଇଥିଲେ। ଏହାସହ ଲୋଇସିଂହା ପଞ୍ଚାୟତ ର ସରପଞ୍ଚ ଶ୍ରୀ ନବକିଶୋର ନାଏକ, ଲୋଇସିଂହା ଏନ ଏ ସି ଦାୟିତ୍ୱରେ ଥିବା ବୁର୍ଡା ସରପଞ୍ଚ ଶ୍ରୀ ସୁଦିପ ସା ଓ ବିଧାୟକ କପ୍ ଫୁଟବଲ୍ ପ୍ରତିଯୋଗିତା ର ସଭାପତି ଶ୍ରୀ ରାମଚନ୍ଦ୍ର ସାହୁ ଉପସ୍ଥିତ ଥିବାବେଳେ ଏହି ଫୁଟବଲ୍ ଟୁର୍ଣ୍ଣାମେଣ୍ଟ କୁ ଆୟୋଜନ କରୁଥିବା ପଲ୍ଲୀ ଆଲୋକ୍ ପାଠାଗାର ର ସଦସ୍ୟ ମଧ୍ୟ ଉପସ୍ଥିତ ଥିଲେ l ଏହି ଟୁର୍ଣ୍ଣାମେଣ୍ଟ ତୃଣ ମୂଳ ସ୍ତରରେ ଥିବା ଖେଳାଳିଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଆଣିଛି ବୋଲି ସମ୍ମିଳନୀ ରେ ପ୍ରକାଶ କରିଥିଲେ। ପ୍ରଥମେ ଲୋଇସିଂହା ବିଧାନ ସଭା ନିର୍ବାଚନ ମଣ୍ଡଳୀ ର ପ୍ରତ୍ୟେକ ବ୍ଲକ୍ ରେ ବ୍ଲକ୍ ସ୍ତରୀୟ ଖେଳ ଅନୁଷ୍ଠିତ ହେବ। ଯେଉଁ ଦଳ ବ୍ଲକ୍ ସ୍ତରରେ ଉନ୍ନୀତ ହେବ ସେହି ଦଳ ଲୋଇସିଂହା ଷ୍ଟାଡିୟମ୍ ରେ ନିଜ ନିଜ ଖେଳ ପ୍ରଦର୍ଶନ କରି ସେମି ଫାଇନାଲ ଖେଳିବ। ଲୋଇସିଂହା ଏନ ଏ ସି ର ବୁର୍ଡ଼ା ଏଫ୍ ସି, ଲୋଇସିଂହା ଏଥଲେଟିକ ଆସୋସିଏସନ୍, ବି ଡି ଏଫ୍ ଏ ଲୋଇସିଂହା ଓ ଏସ ୱାଇ ଏସ ସୂଜିଆ ମଧ୍ୟରେ ଅନୁଷ୍ଠିତ ହେବ। ଠିକ୍ ସେହିପରି ଆଗଲପୁର ବ୍ଲକ୍ ର ଆଗଲପୁର,ନୁନିଆପାଲି,ବଡଟିକା, ରୀନବଚନ,ମୂର୍ସୁଣ୍ଡି, ନଅଗାଁ ଖ, ଡେଙ୍ଗଜୁରି ଓ ବକଟି ମଧ୍ୟରେ ଅନୁଷ୍ଠିତ ହେବ। ତା ସହିତ ପୁଇନ୍ତଲା ବ୍ଲକ୍ ର ବିଲେଇ ସର୍ଡା, ମହିମୁଣ୍ଡା, କୁରୁଲ,ସମଲେଶ୍ଵରୀ କ୍ଲବ ଗଇଁନ୍ତଲା ମଧ୍ୟରେ ଅନୁଷ୍ଠିତ ହେବ। ଲୋଇସିଂହା ବ୍ଲକ୍ ରୁ ମାଣ୍ଡିଆପଦର୍, କୁସଙ୍ଗ, କୁଟୁରାପାଲି, ଛତା ବାହାଲ, ଯୋଗୀସର୍ଡ଼l, ଝାରମୁଣ୍ଡା, ଗେଡ୍ଡି, ସରଗାଡ଼, ବାଦିବାହାଲ ଓ କୁଶମେଲ ମଧ୍ୟରେ ଅନୁଷ୍ଠିତ ହେବ। ଏହି ଖେଳ ଆସନ୍ତା 8 ତାରିଖ ରୁ ଆରମ୍ଭ ହୋଇ 12 ତାରିଖ ଯାଏ ଚାଲିବ। ଯେଉଁମାନେ ବ୍ଲକ୍ ସ୍ତରରେ ଭଲ ଖେଳ ପ୍ରଦର୍ଶନ କରିବେ ସେମାନେ 13 ଓ 14 ତାରିଖ ଲୋଇସିଂହା ଷ୍ଟାଡିୟମ୍ ରେ ସେମି ଫାଇନାଲ ଓ ଫାଇନାଲ ଖେଳିବେ। ସମସ୍ତ ଖେଳାଳି ଙ୍କୁ ଟ୍ରଫି ପ୍ରଦାନ କରାଯିବ। ଯେଉଁ ଦଳ ଫାଇନାଲ ଖେଳ ରେ ବିଜେତା ହେବେ ତାଙ୍କୁ ନଗଦ 30 ହଜାର  ଟଙ୍କା ସହ ଟ୍ରଫି ପ୍ରଦାନ କରାଯିବ ଓ ଉପ ବିଜେତା ଦଳ କୁ 20 ହଜାର ଟଙ୍କା ସହ ଟ୍ରଫି ପ୍ରଦାନ କରାଯିବ। ଦଳମତ ନିର୍ବିଶେଷରେ ସମସ୍ତେ ଏହି ଟୁର୍ଣ୍ଣାମେଣ୍ଟ କୁ ସଫଳ ପାଇଁ ସହଯୋଗ କରିବେ ବୋଲି ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି। ଏହି ଟୁର୍ଣ୍ଣାମେଣ୍ଟ ପାଇଁ କାର୍ଯକରି ସଭାପତି ଓ କାର୍ଯକାରୀ କମିଟି ଗଠନ କରାଯାଇଛି। ଉର୍କିଂ କମିଟି ର ସଭାପତି ଭାବେ ଶ୍ରୀ ରାମଚନ୍ଦ୍ର ସାହୁ ମନୋନୀତ ହୋଇଛନ୍ତି l