29-Jan-2026

ଦିଲ୍ଲୀ(ପ୍ରେରଣା ଖବର): ସଂସଦର ବଜେଟ ଅଧିବେଶନ  ଦ୍ଵିତୀୟ ଦିବସରେ ରାଜ୍ୟସଭାରେ ସାଂସଦ ନିରଞ୍ଜନ ବିଶି ଓଡିଶା ର କୃଷକ ମାନଙ୍କ ଖରିଫ ଧାନ ବିକ୍ରୟ କରିବାରେ ସରକାରୀ ଅବହେଳା, ମଣ୍ଡି ଅବ୍ୟବସ୍ଥା, ଟୋକନ ସମସ୍ୟା, କଟନୀଛଟନୀ, ସର୍ବନିମ୍ନ ସହାୟକ ମୂଲ୍ୟ(ଏମ.ଏସ.ପି ) ରେ ଧାନ କିଣିବା କଟକଣା, ଭାରତ ସରକାର ଦ୍ୱାରା ନିର୍ଦ୍ଧାରିତ ଉଚିତ ହାରାହାରି ଗୁଣବତ୍ତା(ଏଫଏକ୍ଯୁ) ର ଉଲଂଘନ ପ୍ରସଙ୍ଗ ଉପସ୍ଥାପନା କରିଥିଲେ l ସାଂସଦ ଶ୍ରୀ ବିଶି ଭାରତ ସରକାର ଙ୍କ ଦୃଷ୍ଟି ଆକର୍ଷଣ କରିଥିଲେ ଯେ ଓଡିଶାର କିସାନ ବହୁତ ପରେଶlନ ଅଛନ୍ତି l ଚାଷୀ ମାନଙ୍କୁ ଟୋକନ ଦିଆଯାଉ ନାହିଁ l ଟୋକନ ଥିବା ଚାଷୀ ଧାନ ମଣ୍ଡିକୁ ନେଲେ, ମିଲର ଧାନ ଉଠାଉ ନ ଥିବାରୁ ଚାଷୀ ମଣ୍ଡିରେ ହଇରାଣ ହେଉଛନ୍ତି l  ଚାଷୀମାନେ ଏଫଏକ୍ଯୁ ଶତକଡା ୨୦ ରୁ ୨୨ ପ୍ରତିଶତ  ଦାବୀ କରୁଥିବା ବେଳେ ଭାରତ ସରକାର   ସମସ୍ତ ରାଜ୍ୟ ପାଇଁ ଶତକଡା ୧୭ ପ୍ରତିଶତ ଏଫଏକ୍ଯୁ ଧର୍ଯ୍ୟ କରିଛନ୍ତି l କିନ୍ତୁ ଓଡିଶା ସରକାର ୧୫ ପ୍ରତିଶତ ଏଫଏକ୍ଯୁ ଧର୍ଯ୍ୟ କରି କ୍ଯୁଇଣ୍ଟାଲ ପିଛା ୮ କେଜି ଧାନ ଚାଷୀ ଠାରୁ କାଟୁଛନ୍ତି  ବୋଲି ସାଂସଦ ଶ୍ରୀ ବିଶି ସର୍ବୋଚ୍ଚ ସଦନ ମାଧ୍ୟମ ରେ ଭାରତ ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ l ସାଂସଦ ଶ୍ରୀ ବିଶି ଆହୁରି ଗୁରୁତ୍ୱପୁର୍ଣ ପ୍ରସଙ୍ଗରେ ପ୍ରକାଶ କରିଥିଲେ ଯେ ଓଡିଶା କୃଷିପ୍ରଧାନ ରାଜ୍ୟ l ଆଧୁନିକ ଯୁଗରେ ଚାଷୀ ମାନେ ବୈଜ୍ଞାନିକ ପ୍ରଣାଳୀ ରେ ଚାଷ କରୁଛନ୍ତି l ଧାନ ଉତ୍ପାଦନ ବଢ଼ୁଛି l ଏକର ପିଛା ୩୦ /୩୫ କ୍ଯୁଇଣ୍ଟାଲ ଧାନ ଉତ୍ପାଦନ ହେଉଛି l ବଡ଼ ଚାଷୀ ୫୦୦ କ୍ଯୁଇଣ୍ଟାଲ ଧାନ ଅମଳ କରୁଛନ୍ତି l ସରକାର ବର୍ତ୍ତମାନ  ବଡ଼ ଚାଷୀ ପିଛା ମାତ୍ର ୧୫୦କ୍ଯୁଇଣ୍ଟାଲ ଧାନ  ୩୧୦୦ ଟଙ୍କା ଏମଏସପି ରେ କିଣିବାକୁ ଘୋଷଣା କରିଛନ୍ତି l  ବଡ଼ ଚାଷୀଙ୍କ ବଳକାଧାନ ଅଭାବୀ ବିକ୍ରି ର ଶିକାର ହେବେ l ଅର୍ଥାତ ଏମ.ଏସ.ପି ରୁ କମ ଦରରେ  କ୍ଯୁଇଣ୍ଟାଲ ପିଛା ୧୫୦୦  ଟଙ୍କା ରେ  ମିଲର କିଣିବେ ବଳକା ଧାନ l ଚାଷୀ ଶୋଷଣ ର ଶିକାର ହେବେ l ଓଡିଶା ପାଇଁ ୭୩ ଲକ୍ଷ ମିଲିୟନ ଟନ ଧାନ ସଂଗ୍ରହ କରିବା ଲକ୍ଷ୍ୟ ଧର୍ଯ୍ୟ ହୋଇଥିବା ବେଳେ ବର୍ତ୍ତମାନ ସୁଦ୍ଧା ୨୩ ଲକ୍ଷ ମେଟ୍ରିକ ଟନ ଧାନ ଉଠିଛି, ତେବେ ମାର୍ଚ୍ଚ ସୁଦ୍ଧା   ସରକାର ଚାଷୀଙ୍କ ଧାନ କ୍ରୟ କରିବା ଅସମ୍ଭବ ବୋଲି ସାଂସଦ ଶ୍ରୀ ବିଶି ଉଦବେଗ ପ୍ରକାଶ କରିଥିଲେ l ତେଣୁ ଭାରତ ସରକାର କୃଷକ ସମସ୍ୟା ସମାଧାନ କରିବାକୁ  ସାଂସଦ ଶ୍ରୀ ବିଶି ଦାବୀ କରିଥିଲେ l