29-Jan-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ଓଡ଼ିଶା ନବନିର୍ମାଣ କୃଷକ ସଂଗଠନ ପକ୍ଷରୁ ଡ଼ାକରା ଦିଆଯାଇଥିବା ଓଡିଶା ବନ୍ଦକୁ ସୁବର୍ଣ୍ଣପୁର ର ସମଗ୍ର ଜିଲ୍ଲାରେ ଏହାର ପ୍ରଭାବ ଦେଖିବାକୁ ମିଳିଥିଲା। ଏହି ବନ୍ଦ ଡାକରାକୁ ଜିଲ୍ଲା କୃଷକ ସଂଗଠନ, କଂଗ୍ରେସ ଦଳ ସହ ଅନ୍ୟାନ୍ୟ ଚାଷୀ ସଂଗଠନ ସ୍ୱତଃ ପ୍ରବୃତ ଭାବରେ ନିଜ ସମର୍ଥନ ଘୋଷଣା କରିଥିବା ହେତୁ ଏହି ବନ୍ଦ ର ପ୍ରଭାବ ସମଗ୍ର ଜିଲ୍ଲାରେ ପଡିଥିବା ଦେଖାଯାଇଛି। ମଣ୍ଡି ବ୍ୟବସ୍ଥାର ସରଳୀକରଣ,  ଚାଷୀର ଉତ୍ପାଦିତ ସମସ୍ତ ଧାନକୁ ୩୧୬୯ଟଙ୍କାରେ କିଣିବା,  ଟାଟା ପାୱାର ର ଶୋଷଣ ବନ୍ଦ କରିବା,  କୃଷି ମନ୍ତ୍ରୀ ଙ୍କ ଉପସ୍ଥିତି ରେ ଚାଷୀ ଙ୍କ ଉପରେ‌ ମରଣାନ୍ତକ ଆକ୍ରମଣ ପ୍ରତିବାଦ ସହ ପଲ୍ୟୁସନ ନାମରେ ନିରିହ ଲୋକ ଙ୍କଠାରୁ ହଜାର ହଜାର ଟଙ୍କା ଫାଇନ ଆଦାୟ ସବୁକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଥିଲା। ଆଜିକାର ବନ୍ଦ ଡାକରା ଯୋଗୁଁ ସମସ୍ତ‌ ଦୋକାନ ବଜାର କାର୍ଯ୍ୟାଳୟ ସହ‌ ଜନଜୀବନ ପ୍ରଭାବିତ ହୋଇ ଥିଲା। ନବ ନିର୍ମାଣ କୃଷକ ସଂଗଠନର ସଭାପତି ରାଜେନ୍ଦ୍ର ମିଶ୍ର ସଂଯୋଜକ ପ୍ରଦ୍ୟୁମ୍ନ ପାଢ଼ୀ, ସୁଧୀର ବଘାର, ଜିଲ୍ଲା କୃଷକ ସଂଗଠନ ର ସଭାପତି ବୈକୁଣ୍ଠ ଶତପଥି, ପଦ୍ମଲୋଚନ ମିଶ୍ର, ଗୋବିନ୍ଦ ମିଶ୍ର, ପ୍ରଦୀପ ପୁରୋହିତ, ପ୍ରମୋଦ ଗୁରୁ ଜିଲ୍ଲା କଂଗ୍ରେସ ଦଳର ସୋନପୁର ର ପୂର୍ବତନ ବିଧାୟକ ବିନୋଦ ପାତ୍ର, ଜିତେନ୍ଦ୍ର ପଟ୍ଟନାୟକ, ସୁଧିର ପଣ୍ଡା, ଶେଷଦେବ ମେହେର, ରଞ୍ଜିତ ରାୟ, ତରଣୀ ବାରିକ, ସଚ୍ଚିଦାନନ୍ଦ ସାହୁ, ଭରତ ଜେନା, ରାଜେନ୍ଦ୍ର ମେହେର ପ୍ରମୁଖ ଙ୍କ ସହ ଅନେକ ଦଳୀୟ କର୍ମୀ ଏହି ବନ୍ଦ ପାଳନରେ ସକ୍ରୀୟ ଯୋଗ ଦେଇଥିଲେ।