28-Jan-2026

ଆଗଲପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ୍ ର ବୁଦୁଲା ପଞ୍ଚାୟତ ର ବୁଦୁଲା ଉଚ୍ଚ ପ୍ରାଥମିକ ବିଦ୍ୟାଳୟ ରେ ଶିଶୁ ସେଵିକା ପଦବୀ ନିମନ୍ତେ ସର୍ବ ସମ୍ବତୀକ୍ରମେ ଚୟନ ପ୍ରକ୍ରିୟା ଶେଷ ହୋଇଛି। ସ୍କୁଲ ର ପ୍ରଧାନ ଶିକ୍ଷକ ଶ୍ରୀ ଉତ୍ତରା ନାଗ ଙ୍କ ସଭାପତିତ୍ବ ରେ ବିଦ୍ୟାଳୟ ପରିଚାଳନା କମିଟି ର ସମସ୍ତ ସଦସ୍ୟ ସଦସ୍ୟା ଙ୍କ ଉପସ୍ଥିତି ରେ ଆଜିର ଚୟନ ପ୍ରକ୍ରିୟା କରା ଯାଇଥିଲା। ଏହି ପ୍ରାର୍ଥୀ ଚୟନ ପ୍ରକ୍ରିୟା ରେ ବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ରୁ ଚାରିଜଣ ସି ଆର ସି ସି ମଧ୍ୟ ଆସି ପ୍ରାର୍ଥୀ ଚୟନ ଚୁଡାନ୍ତ କରିଥିଲେ। ସେମାନେ ହେଲେ ଶ୍ରୀ ରମେଶ ଚନ୍ଦ୍ର ତ୍ରିପାଠୀ ସି ଆର ସି ସି ଭରସୂଜା, ଶ୍ରୀ ସରୋଜ କୁମ୍ଭାର ସି ଆର ସି ସି ଲକ୍ଷ୍ମଣପାଲି, ଶ୍ରୀ ଦେବାଶିଷ ସାହୁ ସି ଆର ସି ସି ନଅଗାଁ କ ଓ ପରେଶ ସାହୁ ବାବୁଫାଷଡ୍। ସରକାରଙ୍କ ଗାଇଡଲାଇନ ଅନୁଯାୟୀ ଏହି ଚୟନ ପ୍ରକ୍ରିୟା କରା ଯାଇଥିଲା। ସ୍କୁଲ ପରିଚାଳନା କମିଟି ର ସଭାପତି ଶ୍ରୀ ସଫେତ୍ ବିଶ୍ଵାଳ ମଧ୍ୟ ଏହି ଚୟନ ପ୍ରକ୍ରିୟା ରେ ସାମିଲ ହୋଇ ପ୍ରାର୍ଥୀ ଙ୍କ ନାମ ଘୋଷଣା କରା ଯାଇଥିଲା। ସର୍ବ ମୋଟ ୬ ଜଣ ପ୍ରାର୍ଥୀ ଆବେଦନ କରିଥିଲେ। ଛଅ ଜଣ ଙ୍କ ସମସ୍ତ କାଗଜପତ୍ର ଯାଞ୍ଚ କରାଯାଇ ତହସିଲଭୁକ୍ତ ଜାତି ପ୍ରାର୍ଥୀ ପ୍ରମିଳା ତାଣ୍ଡି ଙ୍କୁ ସର୍ବସମ୍ମତି କ୍ରମେ ଶିଶୁ ସେବୀକା ପଦବୀ ପାଇଁ ଯୋଗ୍ୟ ପ୍ରାର୍ଥୀନୀ ଭାବରେ ଘୋଷଣା କରାଗଲା। ସମସ୍ତଙ୍କ ମତାମତ କୁ ବିଚାର କରି ପ୍ରମିଳା ତାଣ୍ଡି ନାମ ଘୋଷଣା କରା ଯାଇଛି l କମିଟି ର ସମସ୍ତ ସଦସ୍ୟ ସଦସ୍ୟା ତଥା ସଭାପତି ଙ୍କ ସର୍ବ ସମ୍ମୁଖରେ ପ୍ରାର୍ଥୀ ପ୍ରମିଳା ତାଣ୍ଡି ଙ୍କୁ ଚୟନ କରା ଯାଇଥିବା ପ୍ରଧାନ ଶିକ୍ଷକ ଶ୍ରୀ ଉତ୍ତରା ନାଗ ସୂଚନା ଦେଇଛନ୍ତି।  ଏହି ଚୟନ ର ସମସ୍ତ ଦସ୍ତାବିଜ୍ ଗୋଷ୍ଠୀ ଶିକ୍ଷା ଅଧିକାରୀ ଙ୍କୁ ଏପ୍ରୋଭାଲ ପାଇଁ ପଠାଯିବ ବୋଲି ସୂଚନା ଦେଇଛନ୍ତି l