03-Feb-2021

ବରଗଡ଼ (ମୁକୁନ୍ଦ ଦାସ :ବରଗଡ ଜିଲା ଅତାବିରା ବ୍ଳକ ଅନ୍ତର୍ଗତ ରଙ୍ଗିଆଟିକ୍ରା ପ୍ରାଥମିକ ବିଦ୍ୟାଳୟ ଗ୍ରାମ୍ୟ ଶିକ୍ଷା କମିଟିର ପୂର୍ବତନ ସଭାପତି ମୋହନଲାଲ ମହାକୁରଙ୍କ ସୋମବାର ବିଳମ୍ବିତ ରାତ୍ରିରେ ପରଲୋକ ହୋଇଯାଇଛି।  ମୃତ୍ୟୁ ବେଳକୁ ତାଙ୍କୁ ୬୦ ବର୍ଷ ହେଉଥିଲା। ସ୍ବର୍ଗତ ମହାକୁର ଗତ ପ୍ରାୟ ଦେଢ ବର୍ଷ ତଳେ ଏକ ସଡକ ଦୁର୍ଘଟଣାର ସମ୍ମୁଖୀନ ହୋଇ  ଚିକିତ୍ସା ପରେ ଶଯ୍ୟାଶାୟୀ ଥିଲେ। ଗତ କିଛିଦିନ ତଳେ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ଭୀମସାର, ବୁର୍ଲାରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧିନ ଅବସ୍ଥାରେ ଥିବାବେଳେ ତାଙ୍କ କୋଭିଡ୍ ରିପୋର୍ଟ ପଜିଟିଭ୍ ଆସିଥିଲା ଏବଂ ସେଠାରୁ ବୁର୍ଲା କୋଭିଡ୍ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା ।ସୋମବାର ବିଳମ୍ବିତ ରାତ୍ରିରେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିଲା। ମଙ୍ଗଳବାର ସମ୍ବଲପୁର ରାଜଘାଟରେ ତାଙ୍କ ଅନ୍ତିମ ସଂସ୍କାର କରାଯାଇଥିଲା। ବଡପୁଅ ବିଭୀଷଣ ମୁଖାଗ୍ନି ଦେଇଥିଲେ। ସ୍ବର୍ଗତ ମହାକୁର ଦୁଲମପୁର ପଞ୍ଚାୟତର ପୂର୍ବତନ ସରପଞ୍ଚ ନିରାକାର ମହାକୁରଙ୍କ ବାପା ଅଟନ୍ତି।  ତାଙ୍କ ପରଲୋକରେ ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି।