23-Jan-2026

ସୋନପୁର (ମନୋରଞ୍ଜନ ତ୍ରିପାଠୀ)
 ସର୍ବ ଭାରତୀୟ ଲାଲ୍ ମନି କ୍ରିକେଟ ସେମି ଫାଇନାଲ ମ୍ୟାଚ ୱାଇ ଏସ ସି ସି ବଲାଙ୍ଗିର ଓ ବାପୁଜୀ କ୍ଲବ୍ ଭୁବନେଶ୍ୱର ମଧ୍ୟରେ ଅନୁଷ୍ଟିତ ହୋଇଥିଲା l ପ୍ରଥମେ ଟସ୍ ଜିଣି ବାପୁଜୀ କ୍ଲବ୍ ଫିଲ୍ଡିଂ ନିଷ୍ପତ୍ତି ନେଇଥିଲେ l ବଲାଂଗୀର ଦଳ ୨୦ ଓଭର ବିଶିଷ୍ଟ ମ୍ୟାଚ୍ ରେ ପ୍ରଥମେ ବ୍ୟାଟିଂ କରି ୨୦ ଓଭର ରେ ୯ ୱିକେଟ୍ ହରାଇ ୧୩୮ ରନ୍ ହାସଲ କରିଥିଲେ l ଦଳ ପକ୍ଷରୁ ଶ୍ରେଷ୍ଟ ଋଷଭ ୪୫ ବଲ ରେ ୫୫ ରନ୍, ବିବେକ କୁମାର ୧୪ ବଲ ରେ ୩୧ ରନ୍, ଉତ୍କର୍ଷ ୯ ବଲ ରେ ୧୧ ରନ୍, ଚିନା ଦାସ ୯ ବଲ ରେ ୧୨ ରନ୍ କରିଥିଲେ l ବାପୁଜୀ କ୍ଲବ୍ ପକ୍ଷରୁ ସୟଦ ଜାକି ସର୍ବାଧିକ ୪ ଟି ୱିକେଟ୍, ରାକେଶ ପଟ୍ଟନାୟକ ଓ ପ୍ରାୟସ ସିଂହ ପ୍ରତ୍ୟେକ ୨ ଟି ଲେଖାଏଁ ୱିକେଟ୍, ଓ ସୁଶିଲ ବାରିକ ୧ ଟି ୱିକେଟ୍ ହାସଲ କରିଥିଲେ l ପ୍ରତି ଉତ୍ତର ରେ ୬ ୱିକେଟ୍ ହରାଇ ୧୮.୪ ଓଭର ରେ ବାପୁଜୀ କ୍ଲବ୍ ଭୁବନେଶ୍ୱର ଦଳ ୧୩୯ ରନ୍ କରି ମ୍ୟାଚ୍ ବିଜୟୀ ହୋଇ ସିଧା ଫାଇନାଲ ରେ ପ୍ରବେଶ କରିଥିଲେ l 
ବାପୁଜୀ କ୍ଲବ୍ ପକ୍ଷରୁ ବିକାଶ ଦୀକ୍ଷିତ ୪୧ ବଲ ରେ ୪୫ ରନ୍, ପ୍ରାୟସ ସିଂହ ୨୧ ବଲ ରେ ୩୦ ରନ୍, ଆର୍ଯ୍ୟ ଶ୍ରୀ ଭଟ୍ଟ ୧୭ ବଲ ରେ ୨୪ ରନ୍ , ଶୁଭମ ଶତ୍ରୁଜିତ ୧୩ ବଲ ରେ ୧୬ ରନ୍ କରିଥିଲେ l ବଲାଙ୍ଗିର ଦଳ ପକ୍ଷରୁ ଚିନା ଦାସ ୨ ଟି ୱିକେଟ୍, ଓ ଓଁକାର, ସତ୍ୟଜିତ, ବିବେକ ଓ ଉତ୍କର୍ଷ ପ୍ରତ୍ୟେକ ୧ ଟି ଲେଖାଏଁ ୱିକେଟ୍ ହାସଲ କରିଥିଲେ l ଟି ୧୦ ମ୍ୟାଚ ରେ ବଲାଙ୍ଗିର ଦଳ ପ୍ରଥମେ ବ୍ୟାଟିଂ କରି ୧୦ ଓଭର ରେ ୮ ୱିକେଟ୍ ହରାଇ ମାତ୍ର ୮୬ ରନ୍ କରି ଥିଲେ l ଦଳ ପକ୍ଷରୁ ଶ୍ରେଷ୍ଟ ଋଷବ ୧୭ ବଲ ରେ ୩୩ ରନ୍ , ସତ୍ୟଜିତ ସିଂଦେଓ ୮ ବଲ ରେ ୨୮ ରନ୍, ଆଦିତ୍ୟ ରାଜ ଝା ୬ ବଲ ରେ ୧୪ ରନ କରିଥିଲେ l ବାପୁଜୀ କ୍ଲବ୍ ପକ୍ଷରୁ ନମନ୍ ଧ୍ରୁବ ସର୍ବାଧିକ ୩ ଟି ୱିକେଟ୍, ସୁଶିଲ ବାରିକ ୨ ଟି ୱିକେଟ୍ ହାସଲ କରିଥିଲେ l ଏ ସହଜ ବିଜୟ ଲକ୍ଷ୍ୟ କୁ ବାପୁଜୀ ଭୁବନେଶ୍ୱର ଦଳ ୬ .୨ ଓଭର ରେ ୪ ୱିକେଟ୍ ହରାଇ ୯୦ ରନ ହାସଲ କରିଥିଲେ l ପ୍ରାୟସ ସିଂହ ୮ ବଲ ରେ ୧୮ ରନ, ଶୁଭମ ୫ ବଲ ରେ ୧୩ ରନ, କ୍ଷମା ସାଗର ୪ ବଲ ରେ ୧୦ ରନ କରିଥିଲେ l ବଲାଙ୍ଗିର ଦଳ ପକ୍ଷରୁ ଡିନା ଦାସ ୨ ଟି ୱିକେଟ୍, ଆଦିତ୍ୟ ରାଜ ଝା ୧ ଟି ୱିକେଟ୍, ଓ ବିବେକ କୁମାର ୧ ଟି ୱିକେଟ୍ ହାସଲ କରିଥିଲେ l ଭୁବନେଶ୍ୱର ବାପୁଜୀ କ୍ଲବ୍ ଉଭୟ ମ୍ୟାଚ ବିଜୟ ହାସଲ କରି ଲାଲ୍ ମନି କ୍ରିକେଟ ର ଫାଇନାଲ କୁ ପ୍ରବେଶ କରିଛି l ବାପୁଜୀ କ୍ଲବ୍ ର ଖେଳାଳୀ ପ୍ରାୟସ ସିଂହ ଙ୍କୁ ଆଜିର ଅତିଥି ସୋନପୁର ଷ୍ଟେଟ ବ୍ୟାଙ୍କ ଚିଫ୍ ଜେନେରାଲ ମ୍ୟାନେଜର ଶ୍ରୀ ଲକ୍ଷ୍ମଣ ମାଝୀ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ l ପୌର ପରିଷଦ ଅଧ୍ୟକ୍ଷା ତାମସି ତାମସ୍ମିତା ନାଏକ୍,  କାଉନସିଲର କଇରୁ ସ୍ବାଇଁ, ଡି ଏ ଏ ସଂପାଦକ ପୀୟୂଷ କୁମାର ପଣ୍ଡା ଆଜିର ମ୍ୟାଚ କୁ ଉଦ୍ଘାଟନ  କରିଥିଲେ l ଓସିଏ ପେନେଲ୍ ଅମ୍ପାୟର ସତ୍ୟ ପ୍ରସାଦ ରଥ, ଓ ଅମିୟ ସାହୁ ଖେଳ ପରିଚାଳନା କରିଥିଲେ l ପ୍ରଦୀପ ସେଠି ସ୍କୋରର ଭାବେ ଓ ଦିନେଶ ହିମାଂଶୁ ଅନ ଲାଇନ ସ୍କୋରୀଙ୍ଗ ଦାୟିତ୍ଵ ନିର୍ବାହ କରିଥିଲେ l ପାର୍ଥ ସାରଥୀ, ବିନୋଦ ଓ ଟୁଟୁ ରାଓ ଖେଳ ର ପ୍ରତ୍ୟକ୍ଷ ଧାରା ବିବରଣୀ ପ୍ରଦାନ କରିଥିଲେ l