22-Jan-2026

ବଲାଙ୍ଗିର-(ନି.ପ୍ର): ଗତକାଲି ବଲାଙ୍ଗୀର ସଦର ବ୍ଲକ ରଜାମୁଣ୍ଡା ନିବାସୀ ଚନ୍ଦ୍ରକୁମାର ପୁରୋହିତଙ୍କ ଧର୍ମପତ୍ନୀ ସୁଶୀଳା ଦେବୀ(୭ଠ) ଙ୍କ ହୃଦଘାତରେ ନିଜ ବାସଭବନରେ ପରଲୋକ ହୋଇଯାଇଛି । ସେ ଜଣେ ପରୋପକାରୀ ଓ ଧର୍ମପାରାୟଣା ମହିଳା ଥିଲେ । ତାଙ୍କ ମୃତ୍ୟଶଯ୍ୟାରେ ତାଙ୍କ ପୁତ୍ର ଭବାନୀ ପୁରୋହିତ, ପୁତ୍ରବଧୁ ସ୍ୱରୂପା ପୁରୋହିତ, ଡେଢ଼ଶୁର ଗୋପବନ୍ଧୁ ପୁରୋହିତ, ସହଧର୍ମିଣୀ ପଂକଜିନୀ ପୁରୋହିତ, ଦେଢ଼ଶୁର ଗୋପାଳ ଚନ୍ଦ ପୁରୋହିତ୍ର, ସହଧର୍ମିଣୀ କୁମୁଦିନୀ,ଦିଅର ମୃତ୍ୟୁଞ୍ଜୟ ପୁରୋହିତଙ୍କ ସମେତ ପୁରୋହିତ ପରିବାରର ଅନ୍ୟାନ୍ୟ ସଦସ୍ୟ ଉପସ୍ଥିତ ରହି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ରଜାମୁଣ୍ଡା ଗାଁ ରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା । ସୁଶୀଳା ଦେବୀଙ୍କ ପରଲୋକରେ ରଜାମୁଣ୍ଡା ଗାଁ ରେ ଶୋକର ଛାୟା ଖେଳି ଯାଇଛି ।