03-Feb-2021

ରେଢାଖୋଲ ( ଅନିଲ କୁମାର ପୃଷ୍ଟି ) : ନିଶାଖୋର ପୁଅର ଭୟଙ୍କର କାଣ୍ଡ । ଗୋଡ଼ାଇ ଗୋଡ଼ାଇ ନିଜ ବାପାକୁ ପିଟିଲା । ଆଜି ରେଢାଖୋଲ ଉପଖଣ୍ଡ ଚାରମାଳ ଗାଁରେ ଘରୋଇ କଳିରୁ ପୁଅ ଅଶୋକ ସେଠୀ କାଠ ଫାଳିଆରେ ବାପା ବଳରାମ ସେଠୀଙ୍କୁ ମରଣାନ୍ତକ ଆକ୍ରମଣ କରିଥିବା ଜଣାପଡିଛି । ଯାହାଫଳରେ ବାପାର ଗୋଡ ଭାଙ୍ଗିଯିବା ସହିତ ହାତରେ ମଧ୍ୟ ଆଘାତ ଲାଗିଛି।ଏ ଘଟଣା ପରେ ପ୍ରଥମେ ବଳରାମଙ୍କୁ ଚାରମାଳ ମେଡିକାଲକୁ ନିଆଯାଇଥିଲା । ପରେ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି। ଖବରରୁ ଜଣାପଡିଛି ଯେ ବାପ,ପୁଅ ଉଭୟ ନିଶା ଶକ୍ତ ଅବସ୍ଥାରେ ଥିଲେ । ସେତିକି ବେଳେ କୌଣସି କଥାକୁ ନେଇ ଗଣ୍ଡଗୋଳ ଘଟିଥିଲା। ଏଥିରେ ଉତ୍ତ୍ୟକ୍ତ ହୋଇ ପୁଅ ଅଶୋକ ଚଣ୍ଡାଶୋକ ପାଲଟିଗଲା ଓ ଗୋଡ଼ାଇ ଗୋଡ଼ାଇ ବାପାକୁ କାଠ ଫାଳିଆରେ ନିର୍ଦ୍ଧୁମ ପିଟି ଚାଲିଲା । ଯାହାଫଳରେ ବାପା ବଳରାମ ଏବେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।