17-Jan-2026

ସୋନପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କୃଷକ ଉପଦେଷ୍ଟା କମିଟି ଅଧ୍ୟକ୍ଷ ଭାବେ ଏକଲବ୍ୟ ବେହେରା ଙ୍କୁ ସର୍ବ ସମ୍ମତି କ୍ରମେ ମନୋନୀତ କରାଯାଇଛି l ଆଜି ବୀରମହାରାଜପୁର ଉପ ଜିଲ୍ଲାପାଳ କାର୍ଯ୍ୟାଳୟ ସମ୍ମିଳନୀ  କକ୍ଷ ରେ ବିଟିଟି କନଭେନର ଙ୍କ ଅଧ୍ୟକ୍ଷତା ରେ ଚାଷୀ ଓ କମିଟି ର ଅନୁରୋଧ କ୍ରମେ ବୀରମହାରାଜପୁର ବିଧାୟକ ଇଂ ରଘୁନାଥ ଜଗଦଲା, ବ୍ଲକ ଅଧ୍ୟକ୍ଷା ଶାନ୍ତି ଲୁହା, ଉପାଧ୍ୟକ୍ଷ ନାରାୟଣ ଲୁହା ଜୋନ ୧ ଜିଲ୍ଲାପରିଷଦ ସଭ୍ୟ ଲବକୁମାର ସାହୁ, ଜୋନ ୨ ସଭ୍ୟା ଚନ୍ଦ୍ରକାନ୍ତି ଦନ୍ତା, ଜିଲ୍ଲା ମୁଖ୍ୟ କୃଷି ଅଧିକାରୀ, ଅତିରିକ୍ତ କୃଷି ଅଧିକାରୀ, ବିଟିଏମ୍, ଏଟିଏମ୍ ଙ୍କ ଉପସ୍ଥିତି ରେ ବରିଷ୍ଟ ଚାଷୀ ରାମ ପ୍ରସାଦ କର୍ଣ୍ଣ ଯୁବ ଚାଷୀ ଏକଲବ୍ୟ ବେହେରା ଙ୍କ ନାମ କୃଷକ ଉପଦେଷ୍ଟା କମିଟି ଅଧ୍ୟକ୍ଷ ପାଇଁ  ପ୍ରସ୍ତାବ  ଦେଇଥିଲେ l ଉକ୍ତ ପ୍ରସ୍ତାବ କୁ ଯୁବ ଚାଷୀ ବିଦ୍ୟାଧର ଖୁର୍ଡିଆ ସମର୍ଥନ କରିଥିବା ବେଳେ ସମସ୍ତ ଙ୍କ ଉପସ୍ଥିତି ଚାଷୀ ନେତା(ସଭ୍ୟ) ମାନେ ପ୍ରସ୍ତାବ ରେ ଦସ୍ତଖତ କରି ଏକଲବ୍ୟ ବେହେରା ଙ୍କୁ ଅଧ୍ୟକ୍ଷ ଭାବେ ସମ୍ବର୍ଥନ କରିଥିଲେ l ଉକ୍ତ  ନାମ କୁ ଅନୁମୋଦନ ପାଇଁ ଜିଲ୍ଲାପାଳ ଙ୍କ ସ୍ଵିକୃତି ପରେ ଆନୁଷ୍ଠାନିକ ଘୋଷଣା କରାଯିବ ବୋଲି ଜିଲ୍ଲା ମୁଖ୍ୟ କୃଷି ଅଧିକାରୀ ବୁଦ୍ଧଦେବ ରାଉତ ସୂଚନା ଦେଇଥିଲେ l ଏହି ବ୍ଲକ କୃଷକ ଉପଦେଷ୍ଟା କମିଟି ରେ ୩୦ ଜଣ ଉଭୟ ମହିଳା ପୁରୁଷ ଚାଷୀ ସଭ୍ୟ ରହିଥିବା ବେଳେ ଆଜି ପ୍ରାୟ ୨୪ ଜଣ ଚାଷୀ ଉପସ୍ଥିତ ଥିଲେ ଏବଂ ସର୍ବ ସମ୍ମତି  କ୍ରମେ ବ୍ଲକ କୁଷକ ଉପ ଦେଷ୍ଟା କମିଟି ଅଧ୍ୟକ୍ଷ ଭାବେ ଏକଲବ୍ୟ ବେହେରା ଙ୍କ ନାମ ସମର୍ଥନ କରିଥିଲେ l