07-Jan-2026

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର) ଡାବୁଗାଁ ପଞ୍ଚାୟତ ଅଧୀନ ବୋରିଗାଁ – ମେଣ୍ଡ୍ରା ଗ୍ରାମକୁ ଜୀବ ପାଇଁ ରାସ୍ତା ନିର୍ମାଣ ପାଇଁ ଗ୍ରାମବାସୀ ଙ୍କ ଭାରତମାଳା ରାସ୍ତା ଅବରୋଧ କରି ଆନ୍ଦୋଳନ କରାଯାଇଛି | ସୂଚନାଯୋଗ୍ୟ:-  ଡାବୁଗାଁ ପଞ୍ଚାୟତ ଅଧୀନ ବୋରିଗାଁ – ମେଣ୍ଡ୍ରା ଗ୍ରାମକୁ ସଂଯୋଗ କରୁଥିବା ରାସ୍ତାରେ ବର୍ତ୍ତମାନ ସେହି ରାସ୍ତା ମଧ୍ୟ ଦେଇ ଭାରତ ସରକାର ଙ୍କ ଭାରତମାଳା ରାସ୍ତା ଯାଇଥିବାରୁ ଉକ୍ତ ରାସ୍ତା ଅତିକ୍ରମ କରି ଯିବା ଆସିବାରେ ଗ୍ରାମବାସୀ ଅସୁବିଧା ର ସମ୍ମୁଖୀନ ହେଉଛନ୍ତି ଭାରତମାଳା ରାସ୍ତା ହେବ ଦିନଠାରୁ  ମେଣ୍ଡ୍ରା ଗ୍ରାମର ଲୋକ ମାନେ ବୋରିଗାଁ ପଞ୍ଚାୟତ କାର୍ଯ୍ୟ| ଳୟ ଓ ଡାବୁଗାଁ ବ୍ଲକ କାର୍ଯ୍ୟ|ଳୟ କୁ ଆସିବାକୁ ହଇରାଣ ହେଉଛନ୍ତି | ପୂର୍ବରୁ ଭାରତମାଳା ରାସ୍ତା ପାରି ହୋଇ ଲୋକେ ଯିବା ଆସିବା କରୁଥିଲେ |

ବର୍ତ୍ତମାନ ଭାରତମାଳା ରାସ୍ତାର ଉଭୟପାର୍ଶ୍ଵ ବାଡ ଦିଆଯାଇଥିବାରୁ ଲୋକେ ଯିବାସିବାରେ ଅସୁବିଧା ଭୋଗୁଛନ୍ତି | ପୂର୍ବରୁ ଉକ୍ତ ରାସ୍ତା ଉପରେ ନିର୍ଭର କରୁଥିବା ଗ୍ରାମବାସୀ ମାନେ ବିଭିନ୍ନ ସମୟରେ ଜିଲାପାଳ, ଏନଏଚଏଆଇ ଅଧିକାରୀ ଙ୍କୁ ବାରମ୍ବାର ଜଣାଇଥିଲେ ମଧ୍ୟ କୌଣସି ସୁଫଳ ମିଳିନଥିଲା | ଶେଷରେ  ବୋରିଗାଁ ପଞ୍ଚାୟତର ବୋରିଗାଁ, ଖୁଟୁଗୁଡା, ନୂଆଗୁଡା, ଆମ୍ବାଗୁଡା, ମେଣ୍ଡ୍ରିଗୁଡା, ମେଣ୍ଡ୍ରା, ଗୋଦମା, ପରଶୁବେଡା ଗ୍ରାମର ପ୍ରାୟ ୧ ହଜାରରୁ ଊର୍ଦ୍ଧ୍ଵ ଗ୍ରାମବାସୀ ମାନେ ବୁଧବାର ସକାଳ ୧୦ ଘରୁ ଅପରାହ୍ନ ୫ ଘ. ପର୍ଯ୍ୟନ୍ତ ଭାରତମାଳା ରାସ୍ତା ଅବରୋଧ କରି ଆନ୍ଦୋଳନ କରିଥିଲେ | ଅପରାହ୍ନ ୪ ଘ. ରେ ଡାବୁଗାଁ ବିଧାୟକ ମନୋହର ରନ୍ଧାରୀ, ଡାବୁଗାଁ ତହସିଲଦାର ଗୀତା ମୁର୍ମୁ, ବୋରିଗାଁ ସରପଞ୍ଚ ଶୁକୃ ଭତ୍ରା, ଡାବୁଗାଁ ଥାନା ସବଇନିସ୍ପେକ୍ଟର ଚନ୍ଦନ ସାହୁ, ପ୍ରୋବେଶନର ସବଇନିସ୍ପେକ୍ଟର ଦଣ୍ଡ ଚରଣ ସେଠୀ ଓ ଏଏସଆଇ ଗୋପାଳକୃଷ୍ଣ ହାଲୱା ପ୍ରମୁଖ ପହଞ୍ଚି ଗ୍ରାମବାସୀଙ୍କୁ ବୁଝାସୁଝା କରିଥିଲେ | ପରେ ଏନଏଚଏଆଇ ଅଧିକାରୀ  ପହଞ୍ଚି ଉପରିସ୍ଥ ଅଧିକାରୀ ଙ୍କୁ ଜଣାଇ ୧୫ ଦିନ ମଧ୍ୟରେ ସମସ୍ୟା ସମାଧାନ କରିବା ପାଇଁ ଏକ ଲିଖିତ ପ୍ରତିଶ୍ରୁତି ଦେବାପରେ ଗ୍ରାମବାସୀ ମାନେ ଧାରଣାରୁ ହଟିଥିଲେ |