07-Jan-2026

କୋକସରା(ତ୍ରିନାଥ ବେଶ୍ରା )
​ କଳାହାଣ୍ଡି ଜିଲ୍ଲା କୋକସରା ବ୍ଲକ ଗୁଡ଼ ହାଣ୍ଡି ମଞ୍ଚ ପରିସରରେ ବ୍ଲକସ୍ତରୀୟ କଳାହାଣ୍ଡି ଉତ୍ସବ ଘୁମୁରା-୨୦୨୬ ଅନୁଷ୍ଠିତ ହୋଇଯାଇଛି । ଆମପାଣି ବୁଡ଼ା ରଜା ମନ୍ଦିର ନିକଟରୁ ମଶାଲ ଶୋଭାଯାତ୍ରା ପରେ ଉଦଘାଟନୀ ଗୁଡ଼ ହାଣ୍ଡି ମଞ୍ଚ ପରିସରରେ କୋକସରା ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ହିମାଞ୍ଚଳ ମାଝୀ  ସଭାପତିତ୍ୱରେ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ କୋକସରା ବ୍ଲକ ଅଧକ୍ଷ୍ୟା ଶ୍ରୀମତୀ ରିତା ଅଗ୍ରୱାଲ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ବ୍ଲକ ଉପାଧ୍ୟକ୍ଷ ଶ୍ରୀଯୁକ୍ତ ରାଜୀବ କୁମାର ଅଗ୍ରୱାଲ, ଶ୍ରୀଯୁକ୍ତ ଦୀପକ କୁମାର ବେହେରା, ଜିଲ୍ଲା ପରିଷଦ ସଭ୍ୟ ହେମନ୍ତ ମାଝୀ, ତ୍ରିନାଥ ବାଗ, ଓ  ସମିତି ସଭ୍ୟ ସଭାପତି  ଘନଶ୍ୱାମ ନାୟକ,ସରପଞ୍ଚ କିଶୋର ଚନ୍ଦ୍ର ପ୍ରଧାନୀ,କୋକସରା ଥାନା ଭାରପ୍ରାପ୍ତ ଅଧିକାରୀ ଓ ତହସିଲଦାର ଚୋଡ଼ଗଙ୍ଗ ପ୍ରଧାନ ପ୍ରମୁଖ ମଞ୍ଚାସିନ ହୋଇଥିଲେ l ବିଭିନ୍ନ ଗ୍ରାମପଞ୍ଚାୟତ  ର ସରପଞ୍ଚ, ସମିତି ସଭ୍ୟ, ସଭ୍ୟା ଓ ଅନେକ ଗ୍ରାମ ରୁ ହଜାର ହଜାର ସଂଖ୍ୟା ରେ ଲୋକ ମାନେ ଯୋଗ ଦାନ କରିଥିଲେ  l

କଳାହାଣ୍ଡିର କଳା, ସଂସ୍କୃତି, ଐତିହ୍ୟ, ପରମ୍ପରା, ଲୋକଗୀତ, ଲୋକନୃତ୍ୟ ଓ ପରମ୍ପରା ଉପରେ ଅତିଥି ମାନେ ବକ୍ତବ୍ୟ ରଖିଥିଲେ । ପୂର୍ବରୁ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ଓ ଅନେକ ପ୍ରତିଯୋଗୀଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା । ଶେଷରେ ଜିଲ୍ଲା ତଥା ଜିଲ୍ଲା ବାହାରୁ ଆସିଥିବା ବିଭିନ୍ନ ସାଂସ୍କୃତିକ ଦଳର କାର୍ଯ୍ୟକ୍ରମ ପରିବେଷିତ ହୋଇଥିଲା । ପ୍ରତେକ ଡିପାଟମେଣ୍ଟ ତରଫରୁ ବିଭିନ୍ନ ଷ୍ଟଲ  କରି ଲୋକ ମାନଙ୍କୁ ସଚେତନ କରାଯାଇ ଥିଲା l  କୋକସରା ଓ ଆମପାଣି ପୋଲିସ ପକ୍ଷ ରୁ  ଶାନ୍ତି ଶୃଙ୍ଖଳା ସହିତ ମଶାଲ ଯାତ୍ରା ଗୁଡ ହାଣ୍ଡି ମଞ୍ଚ ରେ ପହଞ୍ଚି ଥିଲା l