06-Jan-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର):  ଡୁଙ୍ଗୁରିପାଲି ଆଜି ଅପରାହ୍ନ ପ୍ରାୟ ୧୨ ଟା ସମୟରେ ଚିନାୟୁରି ସରପଞ୍ଚ ରାଜକୁମାର ସାହୁ ଖୁଣ୍ଟପାଲି ଗ୍ରାମର କୁବେର ବିଶି (ବୟସ ପାଖାପାଖି ୭୦ ବର୍ଷ) ନାମକ ଜଣେ ବୃଦ୍ଧ ମୃତ୍ୟୁବରଣ କରିଥିବା ଖବର ସେବା ଫାଉଣ୍ଡେସନ ର ପ୍ରତିଷ୍ଠାତା ବିଭୁଦତ୍ତ ବିଶ୍ଵାଳଙ୍କୁ ଯୋଗାଯୋଗ କରି ତାର ଏକ ମାତ୍ର ପୁଅ ଏବଂ ସଂପର୍କୀୟ କେହିନଥବା ବୋଲି ଜଣାଇଥିଲେ l ସାଙ୍ଗେ ସାଙ୍ଗେ ସେବା ଫାଉଣ୍ଡେସନର ପ୍ରତିଷ୍ଠାତା ବିଭୁଦତ୍ତ ବିଶ୍ଵାଳ ତାଙ୍କ ଅନୁଷ୍ଠାନର କର୍ମ କର୍ତ୍ତା ସଭ୍ୟ ସୁଶାନ୍ତ ବାରିକ୍, କଳିମ୍ ଖାନ୍,  ଟିକିନା ମିଶ୍ର, ଅଚ୍ୟୁତାନନ୍ଦ ସାହୁ, ଦୀପକ ମିଶ୍ର, ସଭ୍ୟା ନିତା ପଟେଲ୍, ପ୍ରଜ୍ଞାପରମିତା ତ୍ରିପାଠୀ, ଜୋଷ୍ନା ବାରିକ୍ ଘଟଣା ସ୍ଥଳରେ ପହଞ୍ଚିଥିଲେ l ତାଙ୍କ ଏକ ମାତ୍ର ପୁଅ ଟୁନୁ ବିଶି ଘରେ ନଥିବାରୁ ତାଙ୍କୁ ନୁରା ଖୁଜା କରି ପହଞ୍ଚିବା ପର୍ଯ୍ୟନ୍ତ ପ୍ରାୟ ୫ ରୁ ୬ ଘଣ୍ଟା ଶବ ପଡ଼ି ରହିଥିଲା l ପୁଅ ଆସିଲା ମାତ୍ରେ ମହାପରାୟଣ ଗାଡ଼ି ମାଧ୍ୟମରେ ତାଙ୍କୁ ଡୁଙ୍ଗୁରିପାଲି ଶ୍ମଶାନ କୁ ଅଣାଯାଇ ସମ୍ମାନ ର ସହ ସେବା ଫାଉଣ୍ଡେସନ ସାହାଯ୍ୟରେ ଶବ ସତ୍କାର କରାଗଲା l ପୁଅ ଟୁନୁ ମୁଖାଗ୍ନି ଦେଇଥିଲେ l ସରପଞ୍ଚ ରାଜକୁମାର ସାହୁ କାଠ ଯୋଗାଇଦେଇଥିଲେ ଏବଂ ମହାପରାୟଣ ଚାଳକ ସୁବାସ ପଣ୍ଡା ସହଯୋଗ କରିଥିଲେ l