02-Feb-2021

ମୁମ୍ବାଇ, (ପ୍ରେରଣା ଖବର ବ୍ୟୁରୋ): ବିଗ୍‌ବସ୍‌ -୧୪ରେ ପ୍ରତିଯୋଗୀମାନେ ଦର୍ଶକଙ୍କ ମନୋରଞ୍ଜନ କରିବାପାଇଁ କୌଣସି ଅଭାବ ଛାଡ଼ୁ ନଥିବା ଦେଖିବାକୁ ମିଳିଛି । ‘ସୋ’ର ଫାଇନାଲ୍ ରାଉଣ୍ଡ ସରିବାକୁ ଆଉ ଅଳ୍ପ କିଛି ଦିନ ବାକି ଅଛି । ପ୍ରଶଂସକ ମାନେ ଏହି ସିଜିନର ବିଜେତାଙ୍କୁ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ହେଲେ ଗୁଗୁଲ୍‌ ‘ସୋ’ ଶେଷ ହେବା ପୂର୍ବରୁ ବୋଧହୁଏ ବିଜେତାଙ୍କ ନାମ ଜାଣି ନେଇଛି । ଫାଇନାଲରେ ପହଞ୍ଚିବା ପୂର୍ବରୁ ଗୁଗଲ୍ ବିଗ୍‌ବସ୍‌ -୧୪ର ବିଜେତାଙ୍କ ନାମ ଘୋଷଣା କରିଛି । ଯାହାକୁ ଦେଖି ଫ୍ୟାନ୍ସ ମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ।

ତେବେ ଘଟଣା ଏହିପରି ଯେ, ଆପଣ ଯଦି ଗୁଗଲରେ ବିଗ୍‌ବସ୍‌ -୧୪ର ବିଜେତାଙ୍କ ନାମ ସର୍ଚ୍ଚ କରୁଛନ୍ତି, ତେବେ ସେଥିରେ ରୁବିନା ଦିଲାଇକଙ୍କର ନାମ ସାମ୍ନାକୁ ଆସୁଛି । ରୁବିନାଙ୍କର ନାମ ଦେଖି କିଛି ଲୋକ ଖୁସି ହେବା ସହିତ ଆଉ କିଛି ଆଶ୍ଚର୍ଯ୍ୟ ମଧ୍ୟ ହେଉଛନ୍ତି । କାରଣ କିଛି ପ୍ରଶଂସକ ଆଶାବାଦୀ ଅଛନ୍ତି ଯେ, ଏହି ସିଜିନର ବିଜେତା ରାହୁଲ ଭୈଦ୍ୟ କିମ୍ବା ଅଭିନବ ଶୁକ୍ଳାଙ୍କ ମଧ୍ୟରୁ ଜଣେ କେହି ହେବେ ।

ସୂଚନା ଅନୁସାରେ, ଗତ ସପ୍ତାହର ଶେଷ ଏପିସୋଡ୍‌ରେ ବିକାଶ ଗୁପ୍ତା ଘରୁ ବାହାରି ଯାଇଥିଲେ । ତଥାପି ତାଙ୍କ ପାଖରେ ନିଜକୁ ବଞ୍ଚାଇବା ପାଇଁ ଗୋଟିଏ ସୁଯୋଗ ରହିଥିଲା । ସଲମାନ, ବିକାଶଙ୍କୁ ମିଳିଥିବା ଜୋକର କାର୍ଡ ବ୍ୟବହାର କରିବାକୁ  କହିଥିଲେ । ଯେଉଁଥିରେ ସେ ନିଜକୁ ବଞ୍ଚାଇ ଦେବୋଲିନାଙ୍କୁ ଘରୁ ବାହାର କରି ପାରିଥାନ୍ତେ । କାରଣ ବିକାଶଙ୍କ ପରେ ଦେବୋଲିନାଙ୍କୁ ସବୁଠାରୁ କମ୍ ଭୋଟ ମିଳିଥିଲା । ହେଲେ, ଏହା ମଧ୍ୟରେ ବିକାଶ କିଛି ଏମିତି କରି ଦେଖାଇଛନ୍ତି ଯାହାଦ୍ୱାରା ସେ ହାରି ମଧ୍ୟ ଜିତି ଜିତିଯାଇଛନ୍ତି । ଶେଷ ସମୟରେ ବିକାଶ କହିଥିଲେ,’ମୁଁ ବିଗ୍‌ବସ୍‌କୁ ବହୁତ ଭଲ ପାଏ । ଏହି ସୋରୁ ଅନେକ କିଛି ଶିଖିଛି । ସେଥିମଧ୍ୟରୁ ଗୋଟିଏ ମୂଲ୍ୟବନ ଜିନିଷ ମୁଁ ପାଇଛି, ତାହା ହେଉଛି ସାହସ । ଏହି ସୋ ମୋତେ ସାହସ ଦେଇଛି, ଯାହା ଫଳରେ ସମସ୍ତଙ୍କ ସାମ୍ନାରେ ମୁଁ ମୋ ଲାଇଫ ବିଷୟରେ କହିପାରିଛି ।’